العاملات و { السلام عليكم }

[فتاة اقرأ]

اكيد حصلت معايا وعادي اسلم عليهم ان حبيت اعطيهم اعطيهم وان ما حبيت عادي

المهم ارد السلام ومرة كنت اتكلم مع وحده واسالها عن بلدها وعيالها وزوجها

مسكينة هي لحالها هنا وكلهم ببنغلادش حتى زوجها وفلوسهم على قدهم ممكن يمر عليهم شهر ما يكلموا اهلهم

ممكن تهدوهم بطايق عشان يكلموا اهاليهم في بلدانهم ..

ومرة في 420 كان عندي بريك من 12 ونص ل1 فجلست في واحد من المدرجات على ما تبدا محاضرتي

شفت العاملة دخلت تنظف الكلاس قمت وساعدتها الا تجيني وتقولي لالا لا يسوي شي بعدين انا في مشاكل

قلت لها ما عليكي لو احد كلمك انا اقولهم انا بكيفي سويت هي ما في قول شي ههههههههههه

ضحكت وقالت لي شكرا شكرا ومشيت ..

بليز بنات ساعدوهم وخففوا عليهم شغلهم بانكم تراعوا نظافة المكان وما ترموا على الارض او تحت الكراسي في الكلاسات ..ولكم الاجر ان شاء الله ..

[عذبة الاخلاق]

شوفي أختي .. لآتستنين السلام من أحد ,, المفروض إنتي بدينك وبطيبتك تقولين السلام اذا مريتي من عند أي وووووحدة ولو من ضمنهم العاملات .. وصحيح فيه كثير منهم يقولون كذا ممكن عشان تعطينهم شي << والله أعلم بنية كل وحدة انا ما اعمم أبدآ .. لكن مو شرط أنك تعطينها وانتي مو رغبانه بهالشي .. ردي لها السلام وإبتسمي لها وبكذا ان شاءالله تكونين انتي كمان كسبتي أجر وتصديقتي عليها بأبتسامتك .


وبعدين فيه عاملات هداهم الله الشخص يقول ياليتني ماعطيتها يعني تنششب لك نشبة مو صاحيــــــــة >_<

الله يكون بالعــوووون ...

ويعطيك العافية

[نوف اليافعي]

والله موضوعك يضحك d:

احد يجيه الاجر لين عندو ويقول ليه .؟ ردي السلام كامل كمان عادي مايضرك
تاخدي اجرو كمان ,. مو عشانها تقولك السلام يعني تبغا شي منك ..
والله اني انبسط لما اشوف وحده من العاملات تسلم علياا وتبتسم وارد عليهااا و ب ابتسامه برضو ..
يكفيهم التعب اللي هما فيه .. المفروض نساعدهم ونشيل اكلنا واشيائنا نخفف عليهم شوياا ,,

[آمال وطموح]

طبعا يا حبيبتي تسلم تبغى فلوس لإنها محتاجة وماكلة تبن ويعطونها راتب زهيد جدا فإذا مريتي وعندك شي لو ريال أعطيها والله يجزاك خير ..

[الوردة الموفية]

ايووة اليوم شفتها ..

كنت داخلة كافتريا 12 وهيآآ كانت قاعدة على الدرج حق الكفتريآآ

ولما جيت بدخل ابتسمت وقالت السلام عليكم

وكمان لما جيت بخرج سلمت ..

اتووقع على قوول أمك انها تبغى أحد يعطيهآآ .. لأأني شفت وحدة أعطتها وانبسطت مررهـ ..

بصرآآحة مرررهـ يحزنوني .. الله يعينهم ..

مرهـ وحدة جتني و قالتلي أنا بنتي مريضة و ما عندي فلوس وابغى .. مررهـ قطعتلي قلبي

الحمد لله ع النعمة الي ربي أنعمها لنا ..

...

شكرآآ

[lujain.alsagh]

طيب !!!

تراها احسن من بعض اصحاب المناصب والشهادات شي يفتح النفس لما تدخلي مكان واول شي تشوفيه بعد وجيه الامن المكشره انك تشوفي احد يضحكلك ... سواء كانت تبغا شي او ما تبغا شي اسلوبها احسن من بعض رواد الجامعه الا من رحم ربي ..

[sara a7md]

عااااااادي السلام لله انتي ردي السلام رده واااااااااااااااااااااجب
واذا عندك شي اعطيها او روحي في حالك
الصحابه كانو اذا فرقت بينهم شجره يسلمون علي بعض
يعني عادي لو كررت عليك السلام اكثر من مره

انا معاكي في اللي قولتيه

[Patricia]

أنا في البددداية استغربت من تصرفهم ، ليه بيسلموا ع الرايح والجآي ..!!!
وسألت صددديقتي ، ومالقينا جوآب ..

عموما أنا مابدخل في النوايا بخليها لرب النوآيا ، بس من وجهة نظري هيا كأنها بتقولك (( نحن هنا )) بشكل غيييير مبآشر ..

وأنا أشووووفهم أذكياء بهالحركة ، بيحركوا عاطفتنا بإتسامتهم الكسيرة والقاءهم للسلآم ..
شخصيا أنا ألآحظ غلابيتهم بيتبعوا نفس الإسلوب إلا كم وحددة أنا عارفة أشكالهم كشرااات ..
والحمدددالله إذا عندددي صرف عطيت الضاحكات المستبشرات بس ^_^

[$بنت جده$]

يمككن لفت نظر بتذكرك في نفسها ارحموا من في الارض يرحمكم من في السماء
حنا في بيوتنا ما نبغى نشيل شيء بالغصب وهي تشيل وساخه الجامعة غصب وبراتب قليل وتحت شمس وغربه ترى الغربه مررررررررررة
الحمدالله على نعمه الامن والامان

[الأوركيد]

أتوقع تبي فلوس بس أنا أرد السلام وبس