][ مستجدي الكيمياء الحيوية و الأحياء حيـــاكـــم // استفساراتكم هنا ][

[LeLou]

المشاركة الأصلية كتبت بواسطة sameerahkhayyat السلام عليكم ورحمة الله وبركاته. حابه اسأل عن هذا التخصص (الجيونوميا) كيف دراسته وكم سنه مدة دراسته وبعد التخرج ان شاء الله ماهو المجال الوظيفي. وكل عام وانتم بخير. رمضان كريم

و عليكم السلام و رحمة الله و بركـــاته..
//

مدة الدراسة 4 سنوات مع السنة التحضيرية..
الخطة الدراسية موجودة بالمجلة،، يمكنك تحميلها من الرابط الموجود في المشاركة الأولى..

//

بالنسبة للمجالات الوظيفية ما عندي خبرة كثير،، و أعرف صحباتي فيه تخرج إن شاء الله بس ما قد سمعت منهم عن مجالات وظيفية..
لكن عمومًا عندك وظيفة معيدة و من ثم إكمال دراسات عليــا و العمل كمحاضرة من أفضل الوظائف من وجهة نظري..


و كل عـــام و أنتِ إلى الله أقرب..
بالتوفيق||~

[RajoO..♥OS]

السلام عليكم
حابه اعرف ايش هيا التخصصات الي منها يمديني احول لاي قسم طبي ؟؟
وكمان مين احس دكاتره في التخصص الي يحول لقسم طبي ؟ :d

[LeLou]

المشاركة الأصلية كتبت بواسطة rajoo..♥os السلام عليكم حابه اعرف ايش هيا التخصصات الي منها يمديني احول لاي قسم طبي ؟؟ وكمان مين احس دكاتره في التخصص الي يحول لقسم طبي ؟ :d

و عليكم السلام و رحمة الله و بركــاته..

إذا بتحولي لصيدلة أو مختبرات فالأفضل كيمياء حيوي أو كيمياء عامة..
و إذا بتحولي لأشعة فيزياء طبية..
و الأحياء كمان كويس..

و عمومًا تقدري تتحولي من أي تخصص لو معدلك يسمح..
ادخلي تخصص تحسي انك تميلي له و تقدري تمشي فيه عشان درجاتك لا تطيح..
و خذي المواد العامة و الحرة،، و إن ما رضيوا لك تاخذي حرة،، مواد التخصص بتتعادل لك كمواد حرة إن شاء الله لو حولتي منه..
و كمان حملي الخطة الدراسية تبع التخصص اللي تبغي تحولي له و شوفي إذا فيه مواد مشتركة مع أي قسم من أقسام العلوم،، يصير تاحذيها و تتعادل لك..

بالتوفيق عزيزتي||~

[huda3]

السلام عليكم

انا محتاره جداا انو اكمل في قسم الكمياء الحيوي و ايش ححكون بعد التخرج :((!
ولا الافضل اني احول لقسم الاحصاء !! :(
ارجو افدتيي في اقرب وقت :(

[RajoO..♥OS]

انا ان شاالله ابغى احول كليه العلوم الطبيه التطبيقيه بس ما حادخل مختبرات يا تغذيه او علاج طبيعي ف ايش احسن تخصص الله يسعدك شكرا مره ثانيه

[LeLou]

^
^

أنا أشوف أنه كيمياء حيوي و الله أعلم..
أعرف واحدة كانت بتحول لعلوم طبية و دخلت كيمياء حيوي بس ربنا ما أراد لها بسبب المعدل..
عمومًا أنا مو مرة مع الأشياء الصحية :)
و شفت كمان كم بنت حولوهم من كيمياء حيوي لعلوم طبية..
هو أهم شي المعدل..

لكن كمان انتِ استخيري و شوفي التخصص اللي يناسبك..
احسبي حساب جميع الظروف عشان لو لا سمح الله ما حولوكِ يصير تكوني في تخصص مرتاحة فيه..

بالتوفيق||~

[N0UF]

انا أتسكنت في كلية العلوم بس متى يفتح التسكين اللي اختار منه التخصص اللي ابغى

[N0UF]

وعندي استفسار انا حظيت كلية العلوم الطبية آخر رغبة ويقولون أن التحويل لأول الرغبات فقط كلام صحيح أو لا

[LeLou]

المشاركة الأصلية كتبت بواسطة n0uf انا أتسكنت في كلية العلوم بس متى يفتح التسكين اللي اختار منه التخصص اللي ابغى

إن شاء الله راح تنفتح لكم أيقونة التخصيص في الأوديس بعد نص رمضان أو في العشرة الأواخر << دا الموعد كل سنة تقريبًا..
بعدها ترتبوا تخصصاتكم و تنتظروا الفرز و يتم التخصيص..

المشاركة الأصلية كتبت بواسطة n0uf وعندي استفسار انا حظيت كلية العلوم الطبية آخر رغبة ويقولون أن التحويل لأول الرغبات فقط كلام صحيح أو لا

أمممم ما فهمت عليكِ..
إذا قصدك التحويل بعد ما تدرسي في التخصص فالكلام دا مو صحيح أبدًا،، تقدري تحولي لأي شي و رغباتك في التسكين ما أحد بيطالع فيها و ما لها دخل..

أما إذا قصدك أنك بتغيري تسكينك من قبل لا تبدأ الدراسة،، فلازم تكوني حققتي شروط الكلية اللي تبغي تحولي عليها + تكون نسبتك الموزونة أعلى من أقل نسبة موزونة قبلت في الكلية..
و ممكن يحولوكِ كمان و ممكن لا،، لكن في أحيان يغيروا التسكين قد حصلت قبلاً..

بالتوفيق||~

[RajoO..♥OS]

طيب مين احسن دكاتره ادري طفشتك ب اسألتي


شكرا مره ثانيه ياا عسل