تغيير الدوام

afnan.a.n · 02-03-2009, 03:24 AM

اسمعو نبى نتفق على يوم نتجمع في جامعه عشان نوقع معروض كلنا

و انتو اولاد وقعو معروض و نقدمو مع بعض

ضربة شمس · 02-03-2009, 03:38 AM

كيف كيف طريقة التجمع وفين ؟
خلونا واقعيين اكثر .. صحيح لو دخلنا لهم مع بعض بكون اقوى وميه بالميه راح يغيروا الجداول
لكن كيف حتنقابل وحنتجمع ؟! هنا البوينت

afnan.a.n · 02-03-2009, 03:43 AM

انا اقلك نحنا نتفق البنات لحالنا و نضبط معروضنا
و انتو اتفقو لحالكم و ضبطو معروضكم
كدة احسن عشان ما تصير لخبطة

بعدين نعطيكم خبر و لا تعطونا خبر على المكان و الوقت

ضربة شمس · 02-03-2009, 03:46 AM

طيب بس ايش يكون المعروض ؟
وتبغوا توقيع كم طالب ؟
انا اضمن لكم 30 توقيع او 25
كويس ؟
بجد بجد لازم الجدول يتغير لأنو وربي زفت بمعنى كلمة زفت

afnan.a.n · 02-03-2009, 03:52 AM

اول معروض يكون رسمي

و نكتب في طلب التغير الدوام و انو نحنا وقعنا بداية السنة على ورقة انو دومنا من 12 لين 7وما قالو انو حيتغير الدوام
و شكوى انو الدوام طويل و متعب

بعدين ورى الورقة كل واحد يكتب اسمو و يوقع
و اعتقد انو 40 توقيع يكفي

ضربة شمس · 02-03-2009, 03:55 AM

معروض يعني عادي ورقه عاديه إي فور ؟
ولا كيف تكون الورقه
اسف بس ترا اول مره اسمع بدا المعروض
وياريت تكتبي لي الصيغه الي تكون في الورقه وتكون صيغه موحده
وتكوني انتي مسؤولة البنات وانا الاولاد
علشان ما تصير لخبطه وكل مين يروح يشتكي لحالوا نروح سوا جماعي احسن
او حتى لو رحنا مفرق عادي مو مشكلة هما لمن يشوفوا ان الشكوى كتير على الجدول حيعرفوا انو الجدول ظلم بجد

afnan.a.n · 02-03-2009, 04:10 AM

لا عادي مو مشكلة انا اقلك ايش معروض

اول شيء ورقة a4 مطبوعة رسمية مثلا نكتب فيه

سعادة العميد ........ المحترم السلام عليكم و رحمته الله و بركاتة اما بعد ...

نفيدكم اننا طلاب و طالبات السنة التاهيلية في جامعه ملك عبد العزيز نريد تقديم بشكوى لتغير الدوام

و لذلك لاسباب :

1 ) في بداية السنة لقد تم التوقيع على اتفاق ان الدوام سيكون من 12 لين 7 مساء
2 ) لم يخبرونا ان الدوام سيتغير في الترم الثاني
3) تغير الدوام فيه تعب علينا و ارهاق
4 ) كثير من اهالي الطلاب و الطالبات لم يرضو بالدوام
5) تغير الدوام ادى الا انسحاب عدد هائل من الطالبات و الطلاب

و عليه نرغب من سعادتك النظر الى موضوعنا و عمل مافي صالحنا و مصلحتنا
و كلنا مل ان تتحقق مطالبنا بسيعك و متابعتك الجادة وفقك الله

و السلام عليكم و رحمة الله وبركاته و شكرا

-------

بعدين ورى الورقة توقيع و اسماء الطلاب و طالبات

و لو في شيء تبو تزيدو نزيدو دا بس مثل لمعروض

ضربة شمس · 02-03-2009, 04:32 AM

طيب حلو
ايش رايك نخليه خلاص الصيغه الرئيسيه ؟ لأنو احلى لو كان المعروض موحد
انا دحين بورح انام خلاص لمن اقوم الظهر اشوف ردك وياريت لو تكوني انتي مسؤولة البنات وانا بكون مسؤول الاولاد علشان ما تصير لخبطه وكدا

Habo0oshe · 02-03-2009, 01:17 PM

أفنااااان اسمعي متى تبغنا نوقع الورقة حدد يووم نجي البنات كلهم

وبنات المنتدى نتفق نتجمع في يوم وفي مكان مثلا نجي بكرة ونتقابل في مبنى العلوووم 7

ROoOFaNA · 02-03-2009, 01:25 PM

ان شاء الله يغيروا لكم الدوام يارب
وتعبكم يجيب نتيجه ياااااااااااارب

تغيير الدوام

ملتقى المسار العلمي إنتظام