يوميات طالبة ثالث ثانوي علمي*

[pulse heart]

يلا ياعسل كملي الله يسعدك كتابتك رووووووووعه ماشاءالله

انتظرك :)

[ro7i Leek]

متابعينك بكل شوق ياعسل ..

[د.مشاعل]

ماشاء الله اسلوبك حلو
ياالله صراحه مرررررررره شوقتيني

[راوين]

(angel heart-lolipop-miss soso-ro7i Leek-د.مشاعل)
تسلموووووووون حبايبي على ردودكم ومتابعتكم لي شرفتوني والله بس معلش كان مفروض انزل امس بارتين بس تعرفون ليلة العيد كيف وانشغلت والله وعيديتي لكم بااااااااارت طوووووويل تقروا وتملون منه كمااااان
دمتم بالف ود

[ro7i Leek]

ولا يهمك خذي رااحتك يااعسل .. بس عاد لاتطولي علينا ...

منتظرينك ع احر من الجمر

[راوين]

مســـــــــــــــــــــــاء الخير:
اتركم مع البارت:

في السبت حدث موقف أكد لي جميع الأحاسيس اللي كنت خااااايفه منها كانت عندنا الرياضيات الأولى والثانية
أنا في ذاك الوقت كنت أقول في نفسي أكيد نست اللي صار يوم الربوع وراح تبدأ معنا عاااادي يعني نشارك معها ونتكلم وكذا بــــــــــــــــــــس صاااار عكس اللي كنت افكر فيه تماما المهم بدأت تشرح الدرس
الجديد وهوكان الدرس قبل الأخيرفي الباب الأخير يعني على نهاية الترم وبعد ماخلصت شرح قالت:اللي عندها سؤال تسأل؟؟؟في خاطري كنت اقول وين يرحم امك احد يسأل الكل خااااايف يقول كلمه مو يسأل اصلا كنا ذاك اليوم منكتميـــــــــــــــــــن ساكتيــــــــــــــــــــن حتى التعليقات اللي لازم تكون بين كل البنات على المعلمات في كل الحصص في حصتها ولا وحده تتجرأ تكلم زميلاتها في أي شئ والله كنا عايشين رعب الله لايوريكم وبعد ماشافت رد قالت:بكيفيكم انتم الخسرانين انا ذمتي بريتها منكم وخلصت اللي علي.وإحنــــــــــــــا لازلنا متمسكيــــــــــن بالصمت أقرب طريق للنجاة في ذلك الوقت .
وبعد كذا قامت تحل أول تمرين من
بدأت تحل وأنــــــــــا في وادي وهي في وادي يعني ابدا ماكنت أدري ايش تقول حتى ولا مركزه معها كنت
أفكر في حااالي اللي انقلب فجأة من دخلت أخوي للمستشفى إلى معاملة أبله زينب لي وما صحيت من سرحاااااني إلا على
صرختها: راويــــــــــــــــــــــــــــــــــــــن افتحي الكتاب على التمارين وقومي حلي تمرين 25 على السبوره بسرعه.
كنت أقول بسم الله وشلون خلصت التمرين توها باديه في حله والأهم من كذا وشلوووووون احله وأنا ماأعرف شئ ابدا ابدا ولا أذكر لو كلمة تسعفني في ذاك الوقت تدرون أول شئ عملته ايه على طووووول طلعت السبوره حتى بدون كتاب
من الربكه والخوف ولما وصلت تذكرت اني طالعه بدون كتاب بس نهى انقذتني كانت مكانها قدام أدتني كتابها والله يسعدها كان مفتوح على التمرين على طووول المهم ويله أبغى أعلمها مين راوين وأقوم أكتب السؤال واكتب رقم الصفحة وكتبت الداله على مهلي أبغى أجهز نفسي للتهزيه اللي كنت متوقعه اني بذوقها بعد دقائق وكتبت كل ذا وانا اصلا ماعرف كيف أحل و لا أدري عن الدرس وقفت عن الكتابه وطرحت القلم وخليت وجهي للسبوره وظهري عليها استنى التهزيه وبعد ثواني تحققت رغبتي
ثم تقول:مطولة أخت راوين؟؟؟؟؟؟؟
راوين:؟؟؟؟؟؟؟؟لاجواب .
بس كنت مستغربه هي ماقالت ماأبغى منكم مشاركه طيب ليش تقومني؟؟
أبله زينب:أظن توي شارحه الدرس وسألت جدران فصولكم كان نطقت من كثر ماعدته مالك عذر وأنا أسلكم فاهميـــــــــــن تهزون في روسكم ليش ماتكلمتي كان مانتي فاهمه؟؟
راوين:؟؟؟؟؟؟لازلت في حالة صمت
في خاطري أنا الدرس ماأدري ايش اسمه مو الحل
.أبله زينب:أنا الغلطانه يوم عطيت ثقتي في يوم لناس مايستحقونها وماهم قدها ارجعي مكانك وخليك من السرحان اللي ماله داعي.
رجعت مكاني ماأشوف دربي من الدموع
اللي تجمعت في عيني أنا أصلا حساااااااسه لابعد درجه فكيف بتهزيه محترمه من أعز انسانه عندي ولا قدام
الكل كمااااان جلست سااااااااااااكته وحتى التمارين ما كتبتها بس الحمدالله خلصت قبل انتهاء الحصة الثانية وخرجت.
في ذاك الوقت تمنيت اني في بيتنا وعلى سريري وأبكي أبكي
ليــــــــــــــــــن الدمع يمل مني بس حااااولت أقاوم دموعي وامسك نفسي على الأقل قدام زميلاتي
فقلت لهم :ايش رايكم في التهزيه المحترمه اللي ذقتها حلوووووه صح هههههههه( كيف كنت أضحك ماادري صدق اللي قال هم يبكي وهم يضحك)
قالت شوق:والله لو أنـــــــــــا كنت في مكانك كاااااااان أغمى علي من الخوف يمه تخووووف (خخخخ عاد شوق مافي أجبن منها زيي هههههه)
ثم تقول مروه:بس كنتي قووويه والله وبعدين أحسك عااادي ماأثر فيك كلامها أحسن لك والله(كنت أقول في خاطري والله بالكم ماتدرون ايش اللي أحسه الحين والله كنت يالله مسكت نفسي من الصياح صدق من قال خلاخل والبلا من داخل ايه والله كانت اياااااااام صح صعبه ومحزنه بس كل ماتذكرها أحس بحنين تلك الايام الخوالي هههه) بس تتوقعين ايش اللي قلبها عليك كذا فجأة ؟؟؟؟
راوين:والله ما ادري ما اذكر اني ضايقتها في يوم من الايام تصدقووون احس انها مقتصدتني انا بالذات ليش الله اعلم والله يابنات احس راسي بينفجر من التفكير تعبت ادور لها عذر عشان تعاملني كذا.
دلال:ما عليك منها ياشيخه طنش تنتعش تعش هههههه الدنيا ماتسوى تكدرين خاااطرك عشانها سبحان الله أكرها كره مو طبيعي والله يالله استحمل حصتها(طبعا دلال فعلا ماتطيق ابله زينب ولا حتى سيرتها من بعد ما تغيرت وصارت بس تهزئ فينا )إيمان : (كانت توها داخله الفصل خرجت للحمام الله يكرمكم كالعاده هذي البنت ماتحب تجلس في الفصل الابله تخرج من هنا وهي وراها سيده الله يذكرها بالخير وحشتني والله)بنـــــــــــــــــــــــــــات أبشركم أبله عاااااائشه غاااااااائبه واو مو مصدقه عندنا احتياط اشوى ربي رحمنا بعد الغثا اللي قبل شوي الحمد الله(أبله عائشه معلمة الكيمياء)
راوين:الله يبشرك بالخير زين سوت والله.
.جلسنا بعدين نسولف وكنت احااول ادخل جو مع البنات
والحمدالله مرت الحصص الباقيه زي أي حصص
إلــــى أن صارت الحصة السابعه قلت في نفسي أخيـــــــــــرا جاء الفرج المهم كان عندنا أبله ناديه (معلمة الدين) شرحت وخلصنا الدرس
يازين حصص الدين والله كنت ارتاااااااااااح فيها وادتنا الواجب وجلسنا فااااضين يعني تقريبا بقى ثلث ساعه على انتهاء الحصة المهم دق الباب
ودخلت طالبه تقول:أبله زينب تبغى خـــــــوله
قالت أبله ناديه:طيب تفضلي ياخوله.
أنا حسيت خلالالالالاص اني فقدت ابله زينب للأبد فقدت أحب المعلمات لي كان ودي ابكي على الاقل لو اعرف انا ايش سويت عشان تعاقبني كذا.
قالت عبير:بــــــــــــــــــــــــــس عرفت ليش اتغيرت عليك .
راوين:قولي ياحلووه وريحني
قالت:يمكن سمعتك ذاك اليوم يوم الربوع لما كنتي تقولين لي خليها تزعل وترضى من حااالها .
نهى:ايوه صح كيف راح عن بالنا وبعدين انتي قلتي هذا الكلام وبعدها دخلت علينا شكلها والله اعلم أنها سمعتك وزعلت.
أنا بعد كلام عبير ونهى حسيت اني توي أحد مصحيني من نووووووم عميــــــــــــــــــــــــــق ايه والله معقوله أنا دمرت نفسي بنفسي وكلامي رجع علي بنتيجه سلبــــــــــــــيه آه خـــــــــــــــــــــــــــــلاص طفح الكيل عندي مو قادره اتحمل أبغـــــــــــــى بس أبكي
وفي ذا الوقت دخلت علينا خوله وقـــــــــــــــالت:؟؟؟؟؟؟؟؟؟؟؟


انتظروني في البارت الجاي

بس الله يخيلكم لاتحرموني من ردودكم والله أفرح لما أشوفها واحس احد معبرني والله اعتبركم زي زميلاتي
اتنظركم بشـــــــــــــــــــــــــــــــــوق@@@

أختكم:راوين

[ro7i Leek]

والله تحمست مرررررره ..

ننتظرك ياعسل

[dedo0o]

هذا البارت بارت أمس

بس فين بارتييييين اليووووم

طويل قصير نبغى باااارتييين

يلا ايش قالت خولة


ترا والله تحمسي

مستنيييين البارتييييين

[راوين]

ro7i Leek: تسلمين حبيبتي على مرورك انتي العسل والله
dedo0o: أعصابك علي ترى أنا مااستحمل هههههه ابشري والله من شفت ردك وعلى طوووول كتبت البارت ونزلتله لعيونك وعيون البنات كماااااان
دقائـــــــــــــــــــــــــق والبارت بين يديكم
دمتم بألف ود

[عازفه الناي]

we waiting