قيمي استاذتك ...للطالبات

[ليل وقمر]

ديالا ماعجبتني مره ماترسي على منهج وفي تشتت وفي المحاضرات كلا شطحات تعصب على فلانه وو ويعني يوم شفت الاسئلة قلت من زود الشرح

[مجاريح]

المشاركة الأصلية كتبت بواسطة اسماء العنقري هلا فيك يامجاريح .. موقع الجامعة منزلين من افضل عضو تدريس من ناحية وحدة بس .. اما انا قصدي من التقييم اللي عاملته انو كل طالبة تكتب تجربتها مع الاستاذة اللي درستها من كل ناحية سواء الاسلوب والاسئلة والتعاون والحضور والغياب بالنسبة للانتظام وايضا تعاملها مع الطالبات وسرعة استجابتها لرسائل الايميل وماغير ذلك .. فمن وجهة نظري انو الاستطلاع مفيد جدا ومختلف عن اللي موجود في موقع الجامعة .. شكرا لك اسعدني مرورك ومشاركتك ولا استغني عن تقيييمك وكتابة تجربتك مع اي استاذة درستك لك خالص ودي

بالعكس لو اطلعتي ع التصويت بتلقين يطلب منك مستواك وتخصصك ونوع دراستك
وبعدين تختارين افضل 3 عضوات درستي معاهم

برأيي في صالحنا نشارك بالتصويت عشان يتضح عند الطالبات الجدد مثلك مين افضل استاذات يا عسل

[اسماء العنقري]

المشاركة الأصلية كتبت بواسطة ليل وقمر ديالا ماعجبتني مره ماترسي على منهج وفي تشتت وفي المحاضرات كلا شطحات تعصب على فلانه وو ويعني يوم شفت الاسئلة قلت من زود الشرح

ديالا كثير اختلفوا فيها بس لما قابلتها كانت مرة طيبة ..
تمنيت تكتبين عن كل استاذة يعني تفيدي وتستفيدي..
اسعدني مرورك

[اسماء العنقري]

المشاركة الأصلية كتبت بواسطة مجاريح بالعكس لو اطلعتي ع التصويت بتلقين يطلب منك مستواك وتخصصك ونوع دراستك وبعدين تختارين افضل 3 عضوات درستي معاهم برأيي في صالحنا نشارك بالتصويت عشان يتضح عند الطالبات الجدد مثلك مين افضل استاذات يا عسل

بس ياعسل لما يجو ينزلوا نتيجة التصويت ماراح يكتبوا اسلوب كل استاذة ولا كيف تعاونها بس حينزلوا اسمها بانها افضل استاذة ..

عموما اختلاف الراي لايفسد للود قضية تشرفت بمرورك..

[يولاند2]

ديالا صراحه اخلاق وذوق بس شرح الله المستعان والاسئله موعلي قد الشرح تقول ذاكرو من ملخص هاني عرب واخرتها جابت اسئله ام رنيم صراحه احس اني اتشتت لما ذاكرت من اوراق ام رنيم

[احلام ضاائعه]

انا ماحضرت سنترا الا للاستاذه مروه بخاااري اعتقد والله اعلم
بس الموهم هيا تدرس نظم معلومات اداريه ايش اقولكم عنها راائعه بكل معنى الكلمه ماشفت زيها الي تقولو هو الي يصير قالت هدا مو مهم هدا لا تذاكروه ذاكرو بس البوربوينت وفعلا جت الاسئله كلها رؤوس اقلام ومن البوربوينت بس

[bashoora]

في سلوك مستهلك واتصالات تسويقية درستنا اماني كعدور بصراحة تشرح بضميير وحقانية لابعد درجة بس اسلوبها شوي يدوخ بالاسئلة

رانية ابو بكر طيبة واسئلتها حلوة

[هنووووو]

المشاركة الأصلية كتبت بواسطة احلام ضاائعه انا ماحضرت سنترا الا للاستاذه مروه بخاااري اعتقد والله اعلم بس الموهم هيا تدرس نظم معلومات اداريه ايش اقولكم عنها راائعه بكل معنى الكلمه ماشفت زيها الي تقولو هو الي يصير قالت هدا مو مهم هدا لا تذاكروه ذاكرو بس البوربوينت وفعلا جت الاسئله كلها رؤوس اقلام ومن البوربوينت بس

أستاذة / مروة حلواني

[هنووووو]

تجربتي مع دكاترة وأستاذات كلية رابغ بصراحة كلهم رائعات وتاج عالراس بالاخلاق وحسن التعامل والتعاون مع الطالبات ابتداء من د/ وداد إلى جميع الاستاذات الله يجزاهم خير الجزاء وشهادتي في حقهم مجروحة ..

د/ فاطمة الغامدي ( ثقافة اسلامية 2 ) الشرح كانت بتأشر وتضع اسئلة مهمة وجاء في الاختبار مثل ماقالت بس في الذاكرة تفتتي الكتاب تفتتيت لأنه يغلب على طابع الاسئلة التاريخية
د/ حنان القحطاني (ثقافة اسلامية 3 ) شرحها رائع وكانت تستفيض بالمعلومات وكنا نسئلها وتجاوبنا في أمور خاصة وكذا مرة كانت المحاضرات تجنن كل شي معانا والاختبار كان حلو بس كان في اسئلة كثيرة لادلة من السنة وتكملينها وهذي ماركزت عليها كثير لذلك درجتي مش أوي بس الحمدلله الاكيد لو إني خصصت وقت أكبر ودراسة بتركيز كان جبت الفل مارك ..
أ/ تغريد بليبلة ( محاسبة ادارية ) جدا رائعة تعاون واخلاق وشرح وتلخيص بالنسبة للاسئلة ما أعرف أنا حذفت المادة في الايام الاخيرة لان كان عندي ظروفي تحتم عدم وجودي في جدة يومتها ..
أ/ آمال العمودي ( محاسبة مالية ) اخلاق وتعامل جدا راقي لكن مشكلتها هادية وماتوصل المعلومة بشكل سريع وواضح أنا بصراحة ذاكرت من محاضرات د/ فاطمة كامل تابعة لجامعة عبدالعزيز فرع السليمانية ..
أ/ مرام البكر ( إدارة اعمال ) حبوبة وطيبة شرحت المادة واسئلتها جات سهلة ..
أ/ نسرين حسن ( موارد بشرية و انتاج وعمليات ) مرة روعة وطيبة وتشرح والاسئلة سهلة وكلها من البور ..
أ/ سلمى سراج ( نظم موارد بشرية ) حضرت لها كم محاضرة سنترا الاسئلة ماخرجت عن مذكرة المادة وكانت جدا واضحة وسهلة خصوصا انه الخيارات كانت جدا مستبعدة من الصحة ماعدا الخيار الصحيح يقول انا هنا اختاريني ..
أ/ مروة حلواني ( نظم معلومات ادارية ) اخلاق وحبوبة وروعة مرة خصوصا اذا اخذتي معاها المادة فيس تو فيس انا حضرتها ترمين لانه ترم لظروف حذفتها وذا الترم رجعت اخذتها تاني بس على ارض الواقع المادة احلى وهيا بصراحة ماقصرت السمستر ذا وكانت الاسئلة سهلة روؤس اقلام ومن البور بالزبط ..
د/ مارثا عنز ( قانون أعمال ) أمممم بصراحة تجيها تصانيف بس عموما عسولة وكانت تأشر وتحط اسئلة مهمة بس كنت احسها مضيعة عن المقرر شي مو معانا تشرحه وشي معانا تطنشه يعني حفلة بس اذا ذاكرتي بتركيز تجيبي درجة حلوة خصوصا انه المواضيع فيها تشابه كبير وكلها تعدادات ونقاط بس اسئلتها كويسة ..


وبس كذا ان شاء الله أكون افدتكم بتجربتي المتواضعة ..

[احلام ضاائعه]

المشاركة الأصلية كتبت بواسطة هنووووو أستاذة / مروة حلواني

ايوووووووووووا هيااا دي العسلززز وربي اني مضيعه مررره
تشكرااااااااااااتي ياااعثل على التصحيح