فزعتكم في مادة البحث

[عاشق التهاويل]

المشاركة الأصلية كتبت بواسطة فهد العنزان طريقة التسجيل يا تكون متابع على النظام 24 ساعة الله يعينك أو توكل احد يسجل لك المادة من خلال تعبئة نموذج في الشؤون التعليمية عند ابو طالب !!!

اخوي فهد صباح الخير أولاً ..

ثانياً انا من اهل الرياض وباقيلي اربع مواد واتخرج

ومن بين هذي المواد بحث وتدريب وما ابغى اتقروش فيها

ماعندي مانع اسافر لجدة واسجل النموذج بنفسي ..

المهم هل لو سجلت هالنموذج وقدمته يسجلوني عند الدكتور الي ابيه ؟؟
والا فيها اخذ وعطى .. اتمنى الرد .. الله لا يهينك وتشرحلي الصورة بشكل اوضح ..

فضلاً وليس أمراً ..

[عاشق التهاويل]

أنا ما عمري سويت بحث ولا ادري حتى وش خطوات البحث ..

أبغى دكتور اسجل عنده يطلب مني بحث او اختبار بدون ما يناقش

ولا يعطيني مقالات علمية ويقول فندها والكلام هذا كله ..

بحث اسلمه ايام الاختبارات وخلصنا او اختبار ..

اتمنى ترشدني اخوي فهد .. ترا هالماده خانقتني ..

[الزهراااااني]

المشاركة الأصلية كتبت بواسطة عاشق التهاويل اخوي فهد صباح الخير أولاً .. ثانياً انا من اهل الرياض وباقيلي اربع مواد واتخرج ومن بين هذي المواد بحث وتدريب وما ابغى اتقروش فيها ماعندي مانع اسافر لجدة واسجل النموذج بنفسي .. المهم هل لو سجلت هالنموذج وقدمته يسجلوني عند الدكتور الي ابيه ؟؟ والا فيها اخذ وعطى .. اتمنى الرد .. الله لا يهينك وتشرحلي الصورة بشكل اوضح .. فضلاً وليس أمراً ..

من بعد اذن حبيبنا ابو فيصل

انا رحت في الفصل الصيفي وعبيت الورقه وسجلت ماده البحث عادي >>مايقولون شيء علماً بأنه الشعبه كانت مقفله >>>ممتلئه طلاب


ومن ناحية افضل دكتور على حسب مواصفاتك اشوف انه الحنيطي >>>مايناقش يقول توكل على الله وابداء في البحث ومع الاختبارات تسلمه البحث >>>وانتهينا

درجاته من 70 -79

وسوي موضوع عن اضافة الماده ان شاء الله احد طلاب جده يضيفها لك وانت في مدينتك


بالتوفيق

[عاشق التهاويل]

بيض الله وجهك ما قصرت ..

لا خلا ولا عدم ..

انا ماعندي مشكلة انا بروح بس المهم قبل اروح اضمن اني اسجل عند

الدكتور : الحنيطي أو الدكتور : النفيعي ..

هذا الي ابي اتأكد منه يطولي بعمركـ ..

[الرخيصي11]

المشاركة الأصلية كتبت بواسطة الزهراااااني هلابك اخوي الرخيصي الحنيطي يعتبر من الافضل في المسار العام >>اذا ماقدرت عن طريق الاوديوس افتح موضوع لاحد من الاخوان اللى رايحيين الجامعه يضيفون لك الماده >>>بعد التنسيق بينك وبينه >>>يعلم الله لو اني في جده كان خدمتك واشرد من ياسين شعبان -والمزجاجي -ومحمد بخاري حداد-وفهد الحركان تمنياتي لك بالتوفيق

هلا باابو زهرة يالله حيه يكفي طلتك على موضوعي يابعد حيي
ماتقصر وخاطيك الشك
وعلى قولتك ابي انزل موضوع والله يكتب الي به خير

[فهد العنزان]

المشاركة الأصلية كتبت بواسطة الزهراااااني من بعد اذن حبيبنا ابو فيصل انا رحت في الفصل الصيفي وعبيت الورقه وسجلت ماده البحث عادي >>مايقولون شيء علماً بأنه الشعبه كانت مقفله >>>ممتلئه طلاب ومن ناحية افضل دكتور على حسب مواصفاتك اشوف انه الحنيطي >>>مايناقش يقول توكل على الله وابداء في البحث ومع الاختبارات تسلمه البحث >>>وانتهينا درجاته من 70 -79 وسوي موضوع عن اضافة الماده ان شاء الله احد طلاب جده يضيفها لك وانت في مدينتك بالتوفيق

اجابك اخي الحبيب مجدي بارك الله فيه

[بتا111ل]

اخيرا بعد عناء تم التسجيل عند الحنيطي
الان الشعبة مفتوحة

[ابوثامر.]

شعبه الحنيطي مفتوحه مسار عام

[عاشق التهاويل]

اخوي فهد اقدر اضمن التسجيل بشعبة الحنيطي لو رحت لجدة وقدمت النموذج ؟؟

اخوي بتال مازالت الشعب مقفله ؟؟

[فهد العنزان]

المشاركة الأصلية كتبت بواسطة عاشق التهاويل أنا ما عمري سويت بحث ولا ادري حتى وش خطوات البحث .. أبغى دكتور اسجل عنده يطلب مني بحث او اختبار بدون ما يناقش ولا يعطيني مقالات علمية ويقول فندها والكلام هذا كله .. بحث اسلمه ايام الاختبارات وخلصنا او اختبار .. اتمنى ترشدني اخوي فهد .. ترا هالماده خانقتني ..

الموضوع سهل اخوي لا تكبر الموضوع انت بس اختيارك للدكتور المهم والدكتور سوف يوجهك بالمطلوب المهم اختيار الدكتور قبل البحث والمطلوب !!!