نستفسر بخصوص الجداول ونفيد ونستفيد << تخصص الأحياء

[اسفنج بوب]

انا افكر اخذ الترم الجاي
كيمياء حيوي وراثة وثقافة 2وعربي 2 ومعمل احياء 281
ايش رايكم في جدولي ومن هم افضل استاذة تعطي مادة وراثة

[Ṣάṃṫ]

المشاركة الأصلية كتبت بواسطة نهر الود بناات اللي بياخذ ايض ياخذ مع د.اعتماد حويت ربي يسعدهاا والعضوي للامانه ما يمدحوه مع نسرين بنات سمية مررا يمدحوا فيها ودرجاتهم حلوة فيهم وبالنسبة لمعمل الانزايم يجنن مع استاذه بهيه اسره تجيبي فل بالراحه

يــآعسسل أنـآ أخذت العضوي مع نسريييين وبصرآحة مررررره رآآآآئعة
والمــآدة صدق طويلة لكن مررره حلوة ..

الحمدلله

[زهور العشب]

بنات اللي تبي تاخذ كيمياء عضوي انصحكم بدكتورة سمية صدقوني ماراح تندموا
تعطي درجات بالهبل وتراجع قبل كل اختبار و تلمح عن اسئلة الاختبار في المراجعة وغير كذا طيوبة مرررررررررررررررررررررررة
بنات كنت ابي اسأل عن مواد الترم الصيفي كيف تتحدد ؟ لأن انا عندي مواد لازم اخلصها قبل ما اتخصص والترم الجاي ماراح يكفيني عدد الساعات يعني لازم ترم صيفي واخاف اترك مواد معينة للصيفي بعدين ما تنزل
ردوا الله يسعدكم نزلت موضوع بس محد عبرني

[rose99]

تنصحوني ذا الترم بكيميا عضوي او حيوي

احترت مين الاسهل حاليا عشان ارفع المعدل ومع مين اخذها

تسلمي بيشوو ماقصرتي

محد عندو خبر عن التصوير الفوتوغرافي ؟؟؟؟ >_<

طيب ومادة الفلك ان شاء الله باخذها بس اباعرف عن ايش تتكلم ومع مين اخذها

[الشيمآء]

مادة التصوير الفوتوغرافي نزلوها كـ مادة حرة السمستر دهـ أو اللي قبلو, نسيت :$
كنت مفكرة أنزلها ..
بس اكتشفت إنو زيها زي المعامل .. كلاس واحد في الأسبوع بساعتين مدري 3 ..
فـ بطلت.. لا عشان لا يتعدم جدولي :/

الغريب, إنو المادة نزلت كـ حرة و هيا لها متطلب !!
و متطلب المادة ليه متطلبات مش متطلب واحد بس :/

اسألي في قسم الديكور و التصميم الداخلي يفيدوكِ أكتر إن شاء الله :) .

[زهور العشب]

بنات ليش محد يرد علي ؟ معقولة محد عنده معلومة ؟

[الشيمآء]

^
اللي أعرفو ينزل في الصيفي المواد اللي بيطلبوها البنات, يعني مش حاجة ثابتة بتنزل كل سنة :) .

بس أنتِ شيكي الأترام الصيفية للسنوات اللي فاتت و حاولي تعرفي ايش اللي بينزل غالبًا ^^" .

[Dynamite Girl]

السسلام
بنات انا حابة اخد للمستوى الرابع مواد خفيفة
المستوى الثالث اخذت 18 ساعة
واخدت كيمياحيوي 202 وبايو 202 وامن وسلامة ومصطلحات وثقافة وعربي ومعملين كيميا واحياء 281

السمستر دا باخد ان شاء الله
ايض 1 أبا اسألكم فيه مين احسن وحدة ناس قالو اماني وناس قالو اماانيي للااااا موعارفة
وانزايم مع ارشناا
وخلية مع فاتن ان شاء الله
وثقافة
وعربي
وايش رايكم اضيف مادة حرة ساعتين او ساعة والا لا
لانو ابا اريح دا السمستر وابا ارفع معدلي

[ديدا الفيصل]

السلام عليكم
بنات أنا أتورطت الترم الأول وعندي رسوب بالعضوي
حبيت استفيد ياريت أحد يفديني بخصوص الجدول
دحين معدلي واطي وأبا إرفعو
والمواد إلي أخذتها الترم الأول
كيمياء عضوي ورسبت فيه
وأمن
وثقافه
وإحياء
ومعمل أحياء

ودحين أبا إسوي جدولي حق الترم الثاني
وأبغا مواد سهله عشان يرجع يرتفع معدلي
ومأبغا أخذ أكثر من خمسه مواد
وفكرت أخذ
* مادتين حره سهله عشان يقولو ترفع المعدل
* ومادتين من نفس القسم بس برضو محتاره أبعا مواد سهله عشان يرتفع معدلي
* وثقافه 2

أفيدوني ،،

[ارقى البنات]

المشاركة الأصلية كتبت بواسطة نهر الود بناات اللي بياخذ ايض ياخذ مع د.اعتماد حويت ربي يسعدهاا والعضوي للامانه ما يمدحوه مع نسرين بنات سمية مررا يمدحوا فيها ودرجاتهم حلوة فيهم وبالنسبة لمعمل الانزايم يجنن مع استاذه بهيه اسره تجيبي فل بالراحه

بس حبيت اعلق على الانزايم
انا دا السمستر اخدتو مع ارشنا
مره روعه سلايداتها قليله وتجيبي درجات حلوة
بس المعمل مع بهيه اسره مره زباله
ولو تبغو تتاكدو افتحو موقعها و شوفو درجات لاب الانزايم
وحده بس اخطت 24 و الباقي درجات مو حلوة