المقبولات في الاقتصاد...مانزل لي مواد

[Amal_EK]

المشاركة الأصلية كتبت بواسطة طالبة حالمة ^ ايوه المواد الاجبارية 6 مواد بـ 18 ساعة ، ولازم تدرسيها كلها من اسمها اجبارية والمواد الاختيارية 12 ساعة يعني راح تاخذي منها 4 مواد فقط

ايوه كل شئ وظح مرره مرره شكرا جزاك الله خير

[ام خالد]

كيفكم بنات ... الله يسعدكم مين نزلها تكميلي 101 عند هاله عطاس
و201 كوثر شغراب
و 102 منال الحربي

[ام خالد]

انا خريجة كلية العلوم إحصاء حاسبات من العصر الحجري هههههههههه أتوقع حكون اكبر وحده فيكم السنه
يالله حسن الخاتمه .... فمره متوتره نسيت الجامعه وجوها وكل شي

في وحده زيي بتكمل اقتصاد من غير كلية الاداره ؟؟؟

[جنون الطفولة]

المشاركة الأصلية كتبت بواسطة ام خالد كيفكم بنات ... الله يسعدكم مين نزلها تكميلي 101 عند هاله عطاس و201 كوثر شغراب و 102 منال الحربي

الثلاثة احسن من بعض.
شدي حيلك مافي شي يخوف.
أنا كنت من العلوم (رياضيات) واتخرجت من الاقتصاد الترم اللي راح الحمدلله. عقبالك

[ام خالد]

مبروك جنون طفله الله يوفقك...طيب الله يسعدك هو صح 4 سنوات الدراسه...انا طلعلي برساله مو مشروع ...وابغى اغير ماودي اطول

[جنون الطفولة]

المشاركة الأصلية كتبت بواسطة ام خالد مبروك جنون طفله الله يوفقك...طيب الله يسعدك هو صح 4 سنوات الدراسه...انا طلعلي برساله مو مشروع ...وابغى اغير ماودي اطول

الله يبارك فيكي يارب.

نعم عزيزتي الدراسة 4 سنوات (كحد أقصى).

الرسالة:يكون عندك المواد الإجبارية + 2 حقل (يعني 4 مواد اختياري).

المشروع: يكون عندك المواد الإجبارية + 4 حقول (يعني 8 مواد اختيارية).

للتحويل: تقدري تروحي لدكتورة كوير شغراب, إن شاء الله ما يطول اجرائها. ممكن تعمليه في تيرم التخرج كمان.
ملاحظة مهمة: التحويل من نظام لنظام يحق لك مرة وحدة (فقط) فكوني متأكدة من اختيارك عشان ما حتقدري ترجعي تغيريه تاني.

[ام خالد]

طيب المشروع كم سنه هل هو فعلا اقل في السنين
كمان ابغى اعرف المشروع يدخل في المعدل لاني سمعت معلومه ان الرساله ماتدخل في المعدل...

[جنون الطفولة]

المشاركة الأصلية كتبت بواسطة ام خالد طيب المشروع كم سنه هل هو فعلا اقل في السنين كمان ابغى اعرف المشروع يدخل في المعدل لاني سمعت معلومه ان الرساله ماتدخل في المعدل...

المشروع: أكثر مواد, فماتقدري تقولي أقل في السنين أبدًا.
يعني مثلا لو أخذتِ المشروع حيكون عندك 14 مادة + المشروع.
= 3 أترام (كل ترم 4 مواد) + تيرم (3 مواد) = هذه سنتين بالضبط. [طبعا غير سنة التكميلي]

الرسالة: المواد أقل.
يعني مثلا لو أخذتِ هذا النظام حيكون عندك 8 مواد+رسالة.
= ترمين (كل ترم 4 مواد) + بعدها تنزلي الرسالة = سنة المواد +سنة الرسالة اللي حتكون حسب انتي وشطارتك واجتهادك. [طبعا برضو غير سنة التكميلي]

كيف فترة الرسالة حسب شطارتك؟
لأنه فكرة الرسالة: تحتاجي تختاري موضوع يتوافق عليه - ومشرف رسالة - محكم من خارج الجامعة.
وتشتغلي ع الموضوع لفترة طويلة نوعا ما تحتاج منك اجتهاد وتقصي, تتواصلي خلالها مع مشرف رسالتك.

.......................

نقاط مهمة بين النظامين:

الرسالة فيها مناقشة ولجنة (إجباري)
أما المشروع لا يوجد فيها مناقشة اجبارية.
الرسالة ممكن بعد المناقشة تترفض وما يمنحوكي درجة الماجستير + لا يوجد لها درجة تدخل المعدل.
أما المشروع فيعتبر زي البحث المصغر (بدرجة تدخل المعدل) واجتياز ولو لا سمح الله ما عجبهم بس تعيديه كأنك راسبة (وما تحرمي من درجة الماجستير)

النظامين يمنحوكي الدرجة بدون ما يكتبوا في الوثيقة ايش كان نظام دراستك.
يعني ما يكتبوا كنتِ بمشروع أو برسالة

^^
هذا الموضوع باختصار.
لو عندك سؤال اسألي وأجاوبك.

[ام خالد]

شكل المشروع افضل

[القمر الحقيقي]

ايش يعني مواد تكميلي
اذا تخرجت من نفس الجامعة واخترت نفس القسم لي مواد تكميلي