اذا كنتي ترم تخرج اتفضلي هنا - انتساب

[عازفة الوتر الحزين]

اللي متاح انك تتدرب فيه مدارس ثانويه و مستشفيات ومراكز احتياجات خاصه
بالنسبه لتطبيق الاختبارات يكون من عمر 16 و ما فوق
لانك راح تطبقي دي الاختبارات توصيل الدوائر و ايزنك واختبار وكسلروكمان حتسوي دراسة حاله

[سديم١]

المشاركة الأصلية كتبت بواسطة عازفة الوتر الحزين سديم حاولت ارد عليكي بس طلعلي أنو الرسايل معطلة عندك وشرحت لك ايش تسوي بس للأسف مو راضي يوصلك بس العطل اللي عندك

الله يعطيك العافية ماتقصرين براجع الإعدادات حقت الرسايل ويارب تتعدل مع إني ماقط عطلت الخاصيه ،،
‏>‏>مالك فكه مني

[عازفة الوتر الحزين]

او يكون الرسايل عندك مليانه
خدي راحتك حاضرين لك والغير

وحكتب هنا كمان عشان اللي يبغى يتدرب في مركز ساكون للاحتياجات الخاصة
مدة التدريب أسبوعين فقط
طبعا راح يحطونك في فصل عند معلمه وتكوني زي المساعده لها
ممكن يحطوكي في فصل للي عندهم اعاقات جسميه يحتاجون تمسكيهم او عندهم توحد او صعوبات في التعلم وراح تشوفين كيف
التعامل معاهم يبغالك صبر شويا وتحاولي تخليهم يرتاحو لك عشان تقدري تتاقلمي على الوضع
ومتاكده انك بعد ماتخلصين من عندهم راح تقولي وحشوني اللي في المركز ههههه
المهم من ناحية الاختبارات انا طبقتها على وحده من برأ المركز طبقتها على صحبتي
اما دراسة الحاله سويتها على وحده من المركز
ولازم في خلال فترة تواجدك في الفصل تلاحظي على الشخص اللي حتسوي عليه الدراسه
لأن مطلوب منك في الورق مظاهر سلوكيه
والورق حق دراسة الحاله راح تعبيها من الملف اللي راح تأخديه من الادارة لنفس الشخص اللي حتسوي عليه وضروري تشوفين الحاله تنفع تكتبي عنها ولا لاء
لأن في بعضهم مكتوب عندهم ضمور في المخ ودا ما ينفع الاستاده راح تقولك لا غيري

ترا التدريب سهل من ناحية تطبيق الاختبارات حتسوي منها التقارير تقرير عربي وتقرير انقلش ..
ودراسة الحاله كمان سهل بس يحتاج منك وقت و جهد
اللي حاطه في بالهأ انها تجيب درجة كامله لازم تجتهد فيه وراح تحس أنواع ممتع
لو حابه تسوي الاختبارات كلها ودراسة الحاله في نفس المركز بس يكون عمر المفحوص 16 وفوق وتسويها على شخص واحد بس
اللي حابه تعرف أكثر تراسلني وان شاء الله ارد عليها
وبالتوفيق للجميع

[w h i s p e r]

أم الفاتح لا ما اظن لانو زي ماقالت عازفة الوتر انو لازم يكون عمر المفحوص 16 سنه وفوق ..


بنات انا عندي سؤال للي اتدربت ..

هل اقدر اتدرب قبل السنترا ولالا؟ ابا اخفف عن نفسي ضغط البحث وضغط المواد الباقيه

[سديم١]

المشاركة الأصلية كتبت بواسطة عازفة الوتر الحزين او يكون الرسايل عندك مليانه خدي راحتك حاضرين لك والغير وحكتب هنا كمان عشان اللي يبغى يتدرب في مركز ساكون للاحتياجات الخاصة مدة التدريب أسبوعين فقط طبعا راح يحطونك في فصل عند معلمه وتكوني زي المساعده لها ممكن يحطوكي في فصل للي عندهم اعاقات جسميه يحتاجون تمسكيهم او عندهم توحد او صعوبات في التعلم وراح تشوفين كيف التعامل معاهم يبغالك صبر شويا وتحاولي تخليهم يرتاحو لك عشان تقدري تتاقلمي على الوضع ومتاكده انك بعد ماتخلصين من عندهم راح تقولي وحشوني اللي في المركز ههههه المهم من ناحية الاختبارات انا طبقتها على وحده من برأ المركز طبقتها على صحبتي اما دراسة الحاله سويتها على وحده من المركز ولازم في خلال فترة تواجدك في الفصل تلاحظي على الشخص اللي حتسوي عليه الدراسه لأن مطلوب منك في الورق مظاهر سلوكيه والورق حق دراسة الحاله راح تعبيها من الملف اللي راح تأخديه من الادارة لنفس الشخص اللي حتسوي عليه وضروري تشوفين الحاله تنفع تكتبي عنها ولا لاء لأن في بعضهم مكتوب عندهم ضمور في المخ ودا ما ينفع الاستاده راح تقولك لا غيري ترا التدريب سهل من ناحية تطبيق الاختبارات حتسوي منها التقارير تقرير عربي وتقرير انقلش .. ودراسة الحاله كمان سهل بس يحتاج منك وقت و جهد اللي حاطه في بالهأ انها تجيب درجة كامله لازم تجتهد فيه وراح تحس أنواع ممتع لو حابه تسوي الاختبارات كلها ودراسة الحاله في نفس المركز بس يكون عمر المفحوص 16 وفوق وتسويها على شخص واحد بس اللي احبه تعرف أكثر تراسلني وان شاء الله ارد عليها وبالتوفيق للجميع

الله يعطيك ألف ألف عافيه جدآ ماقصرتي :)
بالنسبه للرسايل الخاصه لقيتها تمام مدري وين الخلل ): وعدد الرسايل 3 بالصادر حتى مو وارد يعني مومليان،، بس ماقصرتي أجبتي هنا ع أغلب إستفساراتي ،، ولي عوده إذا تذكرت سؤال الله يعينك :)

[سديم الشوق]

السلام عليكم .. كيفكم صبايا

الله يعطيكم العافيه على الموضوع منجد محتاجينه وخاصه للي مو فاهمين شي مثلي ههههههه

بنات بسالكم أنا دخلت برنامج التدريب العملي في عيآده الدكتور / طارق الحبيب

ومده البرنامج ثلاث شهور ( شهرين نظري وشهر عملي ) تتوقعون تنفع للتدريب الميداني 2

[عازفة الوتر الحزين]

توتا تقدري تاخدي التدريب قبل السنترا بس لازم تكوني فاهمه اش حتعملي وكيف تطبيق الاختبارات ودراسة الحاله
بس ان شاء الله تنزل الاسماء حقت الاستادات عشان التوقيع والختم
او روحي للمكان اللي حتتدربي فيه شوفي يقتنعو يخلوكي تتدربي في دي الفترة بدون أوراق الاستمارات او لا

[w h i s p e r]

المشاركة الأصلية كتبت بواسطة سديم الشوق السلام عليكم .. كيفكم صبايا الله يعطيكم العافيه على الموضوع منجد محتاجينه وخاصه للي مو فاهمين شي مثلي ههههههه بنات بسالكم أنا دخلت برنامج التدريب العملي في عيآده الدكتور / طارق الحبيب ومده البرنامج ثلاث شهور ( شهرين نظري وشهر عملي ) تتوقعون تنفع للتدريب الميداني 2

والله ما اتوقع لانو لازم تديهم ورقه يقيموكي فيها ويحطولك درجات والاستازه تشوفها ..

بس كلمي الاستازه اللي حتختاريها بعدين وشوفي يمكن توافق ..

[عازفة الوتر الحزين]

والله ما ادري شوفي ارسلي استاذه ايمان اساليها ادأ ينفع ولا
انا اخدت التدريب الترم اللي فات عندها بس لو حابه ارسلي لها او اساليها على موضوعها

[w h i s p e r]

المشاركة الأصلية كتبت بواسطة عازفة الوتر الحزين توتا تقدري تاخدي التدريب قبل السنترا بس لازم تكوني فاهمه اش حتعملي وكيف تطبيق الاختبارات ودراسة الحاله بس ان شاء الله تنزل الاسماء حقت الاستادات عشان التوقيع والختم او روحي للمكان اللي حتتدربي فيه شوفي يقتنعو يخلوكي تتدربي في دي الفترة بدون أوراق الاستمارات او لا

رونه شكلي حخليكي تشرحيلي وتجلسي معايا عالتلفون جلسة تعليم
والله نفسي مرررره اتدرب دحين عشان افضى للبحث وباقي المواد