اخلاء الجامعه يوم الثلاقاء بعد الظهر الله يستر

[Dalia]

والله حمااس..
احنا اول شي شفنا المسؤولين كلهم راحو لبيوتهم...
طبعا شؤون الطالبات .. اغلبهم راحو البيت الا من رحم ربي..
بس طبعا ولا احد عبرنا.. غير بعدين ع الساعه 1 ونص .. السكيورتي راكبين السيارة..
ويقولو .. اخلاء اخلاء اخلاء...
بصراحه شعار الطالب اولا مررة حماااس ههههههههههههههههههههههههههههههههههههههههههههه
بعد ما راحو المسؤولين .. افتكرو انو في طالبات في الجامعه ..

غير طبعا اللي كانو في الكلاسات .. وخرجوهم دا شي تاني..
انا من اول كنت عند المكتبة قاعدة بس ولا احد عبرنا.. الا بعد الساعه 1 خخخخخخخخ

[نوني حلوه]

احنا كان عندنا اختبار وقالو اخلاااا وانلغى كل شييييييي
وكانت سيارتي برا وطلعت

[المخلصه]

والله حكايتنا حكاية
قربنا نسير 20 بنت في الباص
وحوسة والي خايفه والي تضحك حااااله هسترة وربي
ههههههههه طبعا اقرو رد نوفا تعرفو نفس الي حصلي
لاننا في محاضرة ثقافه وحده
بس الي قالتو الاستاذه انو من صلى الفجر في جماعة فهو في ذمة الله حتى يمسي
وقل لن يصيبنا الا ماكتب الله لنا
والحمدلله عدت على خييير
مع اننا من جد اتضاربت المشاعر معانا
والي ماتبغا تقول لاهلها عشان ماتفجعهم والي مدري ايه
بس في النهاية الحمدلله لمن رجعنا البيوت لقينا كل شي تمام التمام واتغدينا والحمدلله
وان شالله ربي يجعلها امطار خير وبركة علينا جميعا
ويكفينا شر السيول والمويات والكهارب واي شي
اللهم امين
ولو انهم اخلو قسم الطلاب متأخر شوية
كل ماكلمنا واحد من معارفنا قال والله نختبر والله لسه والله قاعدين
بعديييييين اخلوهم يمكن
الله المستعان
وعن اذنكم ^_^

[miss lulu]

من جد حالتنا حالــــــــــــــه


زمان << لاحظوا زمان


كنا ننبسط بالغيوم والمطر



دحين جانا فوبياااااااااااااا :"(


الله يعين بس


ويارب يحمينا ويحفظنا ،،

[Dalia]

تبغو الصراحه .. محد يخوفكم الا انفسكم ..
بالاضافة الى انكم تسمعو كلام الاشاعات .. وماتشوفو بعيونكم...!!
معليش يعني على شوية هوى .. قلبتو الدنيا فوق تحت ..
هذا هوى .. لو نزل عليكم هتان ايش بتسو.؟!

[المخلصه]

داليا اشبك معصبه

البنات حساسين

في بعضهم بالغو بصراحه

بس في النهاية نقول الحمدلله على سلامة الجميع

[منديل]

كل الي صار اليوم بالجامعة ماااااااله داعي

لسببين

ترهيب للطالبات خصوصا
وعمل زحام رهيب على البوابات

ولا كمان طريقة تبليغ الاخلاء ،، وكاننا في حرب

مافي مثلنا ،، جلسنا في مكاتبنا ،، وكاااااااااااااااي ،، على خبر الاخلاء

اذا مع كل خبر اخلاء ،، بيصير في الطالبات الي صار ،، راح اشغل سيارتي عند بوابات الطالبات ،، والمشوار من 100

[المخلصه]

خطير يابو 100

الله يستر بس

[M!sS chocolate]

[align=center]خخخخخخخخخخخخخخخخخخخ

أنا الحمد لله من الساعه 12 خلصت ورجعت البيت وأشوف الجو مغيييم
قولت خلاص بتمطر لأنو مو جو ظهر
ولمن وصلت البيت الغيوم زاااادت وفي هواا قوي قولت مطره
واتفاجأت لمن صحيت يقولوا مامطرت ..

كيف الله وأعلم .
وأنا أقول اشبو أخويا متصللي الساعه 2 يقولي انتي في الجامعه
أتاري الموضوع كدا خساااره فاتتني المرره دي ../align]

[بيبي بيبي]

يعني في دوام بكره ولا ؟؟؟؟؟؟؟؟؟؟