تنبيهات لبعض المتسابقين .. حتى لا تلغى إجاباتهم

[Naser]

السلام عليكم ورحمة الله وبركاته

هذة تنبيهات مهمه لعدد ماهو بسيط من بعض المشاركين في المسابقة
أستغرب واحتار كثير من بعض المتسابقين الله يهديهم ( ما يقرو ) القوانين ونظام المسابقة !!

وعشان لا احد وقت الفرز يزعل مننا , النظام راح يطبق عالجميع بحذافيره عشان لا احد يلومنا


اولا : اللي بيفتح موضوع لكل إجابة , تعتبر إجاباته خطأ ولاغيه . يعني لو دخلت لقسم الاجابات وحصلت لك موضوعين .. راح اشوف الموضوع اللي كتبته اول واعتمده والثاني راح احذفه .

ثانيا : اللي بيشارك بأكثر من عضوية تعتبر إجاباته في المسابقة لاغيه .
ثالثا : لكل عضو الحق بكتابة موضوع واحد فقط ( يعني لو كتبت موضوع وحطيت فيه الاجابات , ورحت تبغى تعدل ولا تبدل .. وكتبت موضوع ثاني .. راح نعتمد لك الموضوع الاول .. حتى لو فيه رد واحد فقط .. وحتى لو كل اجاباتك موجودة في الموضوع الثاني .
رابعا : راح نعتمد الإجابة الاولى , الا في السؤال الاول والثاني راح نعتمد آخر إجابة عشان اكتشفنا إن خاصية التعديل غير متاحة لكم ( وهذا خطأ مني ) عشان كذا راح اعتمد آخر اجابة فقط بالسؤال الاول والثاني .. اما الاسئلة الباقية راح اعتمد الإجابة الاولى .. عشان كذا قبل لا تعتمد الإجابات تأكد منها .



واشكر غالبية الاعضاء اللي شاركو بطريقة صحيحه ونظامية



واللي يخطئ بعد كل هذا الشرح .. يتحمل نتيجة الخطأ اللي سواه