أول يــــــــوم طالب جامعي - حدثونا كيف كان معاكم؟(للمستجدين)

[Walad_Jeddah]

هههههههههههههههههههههههههه
الله يعينكم
يلا كلها اسبوع بالكثير و تتعودو على الجامعه و على النظام

وكلنا كنا زيكم اول يوم مشينا فيه و لفينا الجامعه كلها
الين ما اتكسرت رجولنا من المشي :d
وعلى حظنا ماكان في ولا محل ولا اي مكينه شغاله شعشين نشتري منها شيء نشربه
خخخخخخ


بالتوفيق للجميع
وبالنسبه للي بيسألو عن الإختبار

لا تخافو خلال اليومين الجايه بالكثير السبت الجاي هتلاقو إعلان على الجدران مكتوب فيه اللي ما اختبر يروح المبنى الفلاني بالقاعة الفلانية و يختبر :)

بس انتم حاليا روحو على القاعة المكتوبه في جدولكم و في نفس الوقت
لانه بعد تصحيح الإختبار و فرز النتايح هيغيرو قاعاتكم و شعبكم :)

[dodi girl]

مممم والله اول يوم مررررررا ماكان حلو الصراحه انا وصلت قبل الاختبار بنص ساعه وعلى طول رحت القاعه وبعدين نمن خلصت الاختبار طلعت وكنت بستنى السيارة بس كنت لوحدي مااعرف احد هناكا دا اسوأ شي كنت متفقه مع ملاك بس مافتحت ايميلها ولا كلمتني ف كنت لوحدي

[dodi girl]

يابنات المنتدى ياريت اللي جدولها زي تقولي بليييييز لاني لوحدي

[M!$$ RoSe]

لا لا لا مرررا ما حبييييييييييييييتها
شي يضيع و مدري إيش
والله رجولي تعورني مررا من كتر المشي واللفلفه
بس الإختبار كان مررا حلو وسهل
أخخخ بس الله يرحم أيام زمان كنا في المدرسه والناس تجينا لين عندنا بس دحيين لا يا حسسره

[فشفاشة]

فرع البنات مـــــــو حلو
وماكان معايا احد ولا اعرف احد
كان نفسي اشوف المباني وكدا بس
مارحت لاني لحالي

[ضوضائيه]

يالله حزنتوني ولله بس لازم تمرو بالمشاعر المخبطه هذي عشان بعدين حتحبو الجامعه مره
انا مو انتظام انتساب بس حتى انا زيكم لمن دوامت اول مره وقت الدوره حسيت بنفس شعوركم امشي مو عارفه وين رايحه وانصدمت من كبر الجامعه حتى من كثر مامشيت رجلي علمت من الشوز
اول كنت بس أسال لكن الحين ماشاء الله عليا انا الي ادل وحافظه ارقام البوابات حتى من برى من الشارع
بس بسألكم سؤال لقافه اش الاختبار الي اختبرتو ليش يختبركو هذا الاختبار وهوا اجباري ولا كيف والي ماينجح فيه واش فايدته اصلاً

[د. أسامة]

تيست تيست ون تو ثري ،، ألصووووت واضــح

أما أنا قصتي قصـة

الله يذكر أيام الثانوية بالخير

كانت جنب البيت أروح لها في ثواني

لكــن هالــحين الله لا يوريكــم ، مشششششششششششششـــوووآآر إلى الجامعـة ، لكن مع الأيام بتعـود عليه ع العمـوم

أنا قبلها بيـوم قابلت خويي بو عبدالرحمــن < ][ بطل قصصي كلها ^_* ][ و قلت له يا رجل بكره إن شاء الله 6:45 إنت صاحي و أنا صاحي ، نفطـر و الساعة 6:55 إحنا متوجهين للجامعـة مع العلـم إن إختباري يبداً الساعة 1 < خطة ب ، لكن كان ودي أروح علشان أحضر حفـل الجامعـة و أشوف المباني و ألـف على مكتبة الشقيري و غيرها ، لكن و لا حاجة من اللي فاتت حصلت خخخخخخخخخخخخخخخخخخخ

حاط عشرين منبه و لا واحد منهم صحاني و كنت مرررررره تعبان ، اليوم اللي قبله كان مجهـد شوووووي ^_^

و صحيت ع الساعــة 8:45 و أنا مفجـوع و أنا في الأصـل ناسي جوالي على الصامت من أمس و ألاقي مليـون إتصال من الشعب السعـودي كله ،

و أتصلت سريع على بو عبدالرحمن و قال أنا في القاعة و بيعطونا الأوراق هالحين ،

و دقيت ع ولد عمي ثامر < ][ بطل المنتدى ][ إلا و هو يقول نفس الشئء و على واحد ثاني و نفس الكلام ،

أنا خفـــــــت من جد و قمت جري أفطر و أتجهــزز و ألبس ثوبي و أشغـل السيارة و مشيــت ألــف < ][ معاي بوووغــآتي ][ ،

و الحمد لله وصلـت و عدت الأمور على خير و إختبرنا و جانا واحد هـنـدي ، فجأة ألاقيه فوق رأسي ، قلت له خذ ريـال و جيب لي واحد شاهي يكثر سكر و هذا ريال ثاني علشان النعناع ، إلا و الرجال يصيـح ، ( إس كلام ، أنا دخــتـووووووووور ) ،و عاد اعتذرنا منه ،

وخرجنا من الموقف بسـلام ^_^

[LORDX89]

بالنسبة لي عاايدي جداا!!,,بالعكس والله الفللة ,هوا صح حركت من فجر ربي لاني من مكة, ونزلت جدة وزحمة وناس تنبرش من اليمين وشمال وحاالة,بس برضو ونسة.مو زي العام الماضي لما كنت في جامعة ام القرى><,,انواااع القرف,,الجامعة لها 3 ابواب والباب رقم 1 مايدخلو الا الطالبات ومانعرف الا لما نستنى الين مانقرب من الباب وفي الاخير حارس الامن يقلي ارجع,,والباب رقم 2 زحححححمة لانو باب رقم 3 مقفل!!!!والمباني!!الله لا يوريكم كدا خاشة في بعض ومبنى ح وش وص وقرف.ولا بعض محاضرات الثقاافة في مبنى الهندسة وبعض محاضرات الرياضيات في مبنى الشريعة وعلى ذا الحاال!غير الي عندو محاضرات في العزيزية ويضرب مشوارين.ولا بعضهم تخيلو عندو محاضرات من 8 الصبح اليين 7 في الليل وفي اخس من كدا!
ماقدرت اكمل على طول سحبت.وجيت هنا.
يعني ياحلوييين احمدو ربكم وربي انكم في نعمة وفي احلى جامعة.
هوا بس الي خلاني اكور اليوم الزحمة الي عند اختبار تحديد المستوى,,عصبت بغييت ادعسلي حرااس الامن وكم طالب!لوول..
يالله بالتوفيق وسووري طولت عليكم^^

[البرنس11]

خخخخخخخخخخخ والله يوم مقرف بمعنى الكلمه

حر ومشي وتعب وحااااااااااااله

والاختبار هذا شي تااني وربي مره كاااااي

<<<اول واحد خلص هههههههههههههههههههههه

بس بدايه ماهي حلوه لخبطه×لخبطه

بس ان شاءالله نتأقلم زي الاوادم

يسلمو ع الموضوع

سي يا

[رقيقه الاحساس]

والله بصراحه اول يوم كان ليا مقرف ومعفن مرررررررررررررررة تعبت لين دخت عشان اخرج من البوابة اللي دخلت منها والجامعه مو حلوة مررررررررة كبيرة وتضيع وانا مااعرف ولا بنت هناك من صحباتي انا طفشت مادري كيف بكمل السنه الله يعين