الخطوبه

[gzl GZLAN]

المشاركة الأصلية كتبت بواسطة صوت الفجر // انا انكتب عقد الزواج قبل العرس بيومين بالضبط وعايشه حياة سعيدة ولله الحمد بس الرجال مو كلهم زي بعض ولا حتى البنات .. ..

ماشاء الله تبارك الرحمن ربنا يوفقك ويسعدك
بالنسبه للرجل الاستخاره اقوى شي تدلك ع ازا كويس مناسب او لا بس الالحاح بالاستخاره في كشف اي غموض مو طبيعي
والسؤال عنو باستمرار هو اللي بيساعد كمان في توضيح مين هو

[بكرى أحلى]

ياحلوه شوفي هو على حسب التربيه اللي ربوك فيها اهلك
وانا اشوف حلو تمسكك

لكن على فكره اجازوه بعض العلماء الكلام بين الخطيب وخطيبه لكن بامور الزواج يعني مافي ابد رومانتك *_^

وهم بعد حلوو التواصل في الخطبه لانه الافضل عشان يتعرف كل واحد على سلبيات وايجابيات الثاني بدون مايصير عقد لانه لو صار عقد وماصار بينهم نصيب لو سمح الله تعتبر مطلقه !

وبصراحه اشوفه بعد بشرط انه كل واحد يظهر حقيقة الثاني في هالتواصل بدون مجاملات ! ولا بلاش هالتواصل الا بعد العقد

والله يكتب اللي فيه الخير يارب
وفي النهايه الطيبون للطيبات

[بكرى أحلى]

المشاركة الأصلية كتبت بواسطة gzl gzlan ماشاء الله تبارك الرحمن ربنا يوفقك ويسعدك بالنسبه للرجل الاستخاره اقوى شي تدلك ع ازا كويس مناسب او لا بس الالحاح بالاستخاره في كشف اي غموض مو طبيعي والسؤال عنو باستمرار هو اللي بيساعد كمان في توضيح مين هو

تمام التمام الله يوفقك يارب

كلام اوافقه

[حلم قريب]

المشاركة الأصلية كتبت بواسطة صوت الفجر // انا انكتب عقد الزواج قبل العرس بيومين بالضبط وعايشه حياة سعيدة ولله الحمد بس الرجال مو كلهم زي بعض ولا حتى البنات .. ..

ماشاء الله .. الله يزيدك من فضله
وبالضبط البنات يختلفوا وحتى الرجال
اللي ناسب وحدة ومشي حالها مو شرط يناسب الثانية .

بس برضوه صعبة قبل الزواج بيومين
إلا إذا تعرفيه من قبل مثلا قريبك وتعرفي كل شي عنه من الصغر
أو جاركم ومرة علاقتكم طيبة مع أهله ودايما تتزاورا
أما واحد أول مرة تشوفيه في الحياة صعبة ومو كل مرة تسلم الجرة

[SROoO]

المشاركة الأصلية كتبت بواسطة حلم قريب لاتنقلي كلام أتنقل لك يعرفوهم مايعرفوهم , المفروض ماتنقليه ! أصلا ولا كأنك سمعتيه ! يعني لو كان صح فهذي أسرار بيت طلعت ولو كان غلط فإنتِ مشاركة في نشر شائعة ممكن تضر ناس! في كل الأحوال هو كلام المفروض ماينقال :) وجداتنا وامهاتنا يختي بالعين المر وساكتين الموضوع كله توفيق لكن لازم نعمل بالأسباب عشان يعني الشباب دحين لعابين أقول ما أبى أتعرف عليه قبل الزواج؟ طيب ممكن يطلع لعاب حتي بعد الزواج وتطلع فيه بلاوي ووقتها تزوجت البنت ووو وقع الفاس بالراس ويمكن حملت كمان :) التعرف اللي أتكلم عليه .. تعرف عقل على عقل مو أحبك وتحبني ! أكثر حالات الطلاق بسبب سوء الأختيار ! نتزوج وبعدها نتفاهم ونحب بعض صدقيني الحب من الله , لو تزوجت الوحدة ممكن تحب زوجها وممكن لا انا ما اقول تكلمه عشان تحبه لا .. تكلمه وتتعرف عليه عشان أقلها تحس بالميل اتجاهه بالإنجذاب بالراحةوالتقبل ! الموضوع بالتدريج شوية شويةمو حب على طول ! صعب تدخل الوحدة لحياة تتطلب تسوي وتسوي وهي ماتعرفه أبدا ولا عمرها رفعت السماعة كلمته راح تحس نفسها كآلة , تنفذ بدون رغبة !

كلامك صحيح واتفق معا ميه بالميه

[RaWaQaN]

الاستخاره ثم الاستخاره ثم الاستخاره

[gzl GZLAN]

المشاركة الأصلية كتبت بواسطة rawaqan الاستخاره ثم الاستخاره ثم الاستخاره

هي دي وبس غيرها لو ايش ماعملتي مافي شي بيفيد
والاستشاره احسن شخص استشرته بشغله تعبتني في حياتي الدكتور خالد بن جبير انسان عندو احساس وبيفهمك عالطاير من قبل تسالي يعطيكي كل الاجابااات ويعطيكي الزبده من الاخر عاد متابعه تويتر او اماكن محاضرتو إن شاء الله اروحله الرياض المهمانو ثقه مليون بالميه الله يرزقني ولد زيو نسخه منو اتعب اقوول ذووووق نادر تلاقي دكتور وملتزم وبيفهم وبعدو الدكتور عبدالمحسن الاحمد دول عن تجربه شخصيه

[battota]

سوري بس اللي تقول انو كتابه العقد ليله الدخله دي من اي زمن ههههههههههههههه ؟؟؟!!!!!

[gzl GZLAN]

المشاركة الأصلية كتبت بواسطة battota سوري بس اللي تقول انو كتابه العقد ليله الدخله دي من اي زمن ههههههههههههههه ؟؟؟!!!!!

انا مقتنعه بدا الشي وهو بالاغلب يخطب ويملك سنه وبعدين زواج
تعرفي المشكله في الطلاق مضخمين الموضوع انو علط وحده تحمل لقب مطلقه بينما الاسلام غير كدا
باللهي تتزوج وتتطلق بالحلال اشرف
والا تحصل اشياء بالحرام ويتركها
وترى الرجل العربي في كل مكان نفس النظره بيحملها ونفس الفكره
الا ازا كان الرجل اجنبي تماما اقلك ممكن !!
واحنا في نقاش مو فرض اراء

[حلم قريب]

المشاركة الأصلية كتبت بواسطة battota سوري بس اللي تقول انو كتابه العقد ليله الدخله دي من اي زمن ههههههههههههههه ؟؟؟!!!!!

والله مدري كيف تقدر تتقبله :(
كيفها مع الخوف والرهبة ؟!