برامج الدبلوم

[عطرالزهور]

المشاركة الأصلية كتبت بواسطة |جارديـنيـا| عزيزتي الدبلومات السنتين الماضية كانت منحه مجانية من الملك عبدالله. وكمان السنه هذي مجاناً لكن سؤالي ...؟ هل فيه بنات متخرجات من كلية التربيه وسجلوا في الدبلومات؟ ياليت إذا وحده مسجلة ترد علينا لأن الكليه بعيد ولا أحد يرد على مكالماتنا.

ايه عاادي تقدري تسجلي
بليييز ياليت ما تنسيني من دعواتك اني انجح في اختبار القبول

[للعلا , , أمضي]

السلام عليكم ورحمة الله و بركاته ...

احببت انبهكم .. ان التقديم ينتهي في 26-6 كما هو مكتوب في الورقة التي حصلت عليها من الجامعة ...


الله يوفقنا و اياكم لكل خير....

[خريجة طموحة]

السلام عليكم ورحمة الله وبركاته...
انا رحت الكلية وقدمت ..بس انتا تربوي ومحد كلمني ...بس الي تعرف او بتروح ..تسأل وين راح تكون الدراسة في الفيصلية ولا الشرفية ..لان لو الشرفية ببطل(تشرط)...وشكرا والله يوفق الجميع

[*جمال الروح*]

لية الدراسة مو في نفس الكلية الي اعرفهم يدرسون الدبلوم في نفس المبنى
طيب اذا احد سجل في دبلوم الإنجليزي يقولوا ايش الشروط او في فرق عن التقديم على التربوي

[الالماسه الثمينه]

السلام عليكم ورحمه الله وبركاته

كيفكم يابنات اخباركم

بالنسبه اللي تسئل عن مكان الدراسه في الفصيليه او الشرفيه؟
اللي عرفوا انو اللي منزل الدبلومات هو قسم التربيه وعلم النفس... وقسم التربيه وعلم النفس السنه القادمه ينقلوا على الشرفيه... فمبا انو احنا تابيعن لهم اتوقع حتكون الدراسه معاهم في الشرفيه... يمكن صح ويمكن خطا دا توقعي..

اما اللي تسل عن الدبلومات واللي سجل فيها؟
هما اول مره ينزلوا اعلان ... السنه اللي فاتت اعلنوا بس اللي بدء قسمين اما الباقين اتاجل... ودحين نزلوا اعلان جديد الله يستر

اتوكلوا ولاتشيلوا هم

مدري ايش وضع الاختبار ... من فين بتذاكروا .. او بالاصح ايش حتذاكرو ,,, يامسهل تسهل علينا

[mooooo]

ممكن اعرف لوسمحتو..
الللي قدمت ايش قالو طريقة الدراسه !!!حتكون يوميا ,وكم ساعه باليوم .،او اوقات نختارها؟
ومتى حيكون الاختبار حق القبول وهو حيكون اختبار قبول كتحديد مستوى ؟او ايش...............
معليه طولت اسئله.

[أحاسيس صادقة]

يااااااااارب وفقنا لما فيه خير لنا يارب
وفق اللي حطت الخبر واللي افدونا يارب سهلها علينا يااااااارب

[للعلا , , أمضي]

لما تجي تقدمي ... تعبي استمارة ...

يسألوك اذا تبغي صباحي و لا مسائي ...

اعتقد لو صباحي .. زي الجامعة >> هذا من عندي ...


----

بالنسبة لحكاية (الشرفية ) بصراحة انفجعت ..

ما كنت حاطة في بالي ذا الموضوع ابدا ...

على بالي ان الدراسة في الفيصلية ....

----

بالنسبة لمواعيد الاختبارات ..~>> يا حبايبي نصيحة اللي تفكر مجرد تفكير ، تروح تقدم اوراقها ...

ولا راح يضرها التقديم

بمجرد ما تعطيها اوراقك .. توقعي و تعطيك جدول اختبارات ...

و على فكرة هي اختبارات قبول ... " يعني يمكن ننقبل و يمكن لا "

اما وش نذاكر فهذا راجع للتخصص اللي انت مقدمـــــــــــــة عليه ...


= على فكرة .. احسن شي عجبني انهم كاتبين انهم راح يطلعوا النتايج .. في يوم محدد ((هم مختارينه ))

والموضوع كله من التقديم الى النتايج ما ياخذ شهر ...

وهالششي مرييييح ... ارحم من تقديم الماستر و تمطيطه ......


== الله يوفقنا يابنات ... ويكتب لنا كل خييييييير يارب

[سيدراء]

اللة يوفق الجميع يارب
طيب انا بسأل عن مدة الدراسة كم سنه
واذا احد قد درس دبلوم انجليزي عندهم كيف دراسته ؟؟
تحياتي لكم،،،

[mooooo]

طيب لازم صورة طبق الاصل؟