شرح دروس الرياضيات::

[TURKI ALharbi]

مو عارف شلون اوصف لك مدى امتنانى لك صراحه ان شرحك ماشاء الله افضل بمليار تريليون مره من دكتورنا واتمنى انو تكملى لنا بقيه الدروس فضلا لا امرا وربي فهمت الدرس في دقايق ولا يهمك انا معاك بالكتاب ماشيء الرموز ماعليك منها واضحه لا يوجد استفسارات لان شرحك بصراحه جدا روعه
وربي جايب في هالماده درجه سيئه جدا
الف شكر لك ياعسل
وربي يوفقك

[Alaa Al ghamdi]

العفو والحمدالله انك فهمت
في نقطة اللي هيه اخر شي في جمع وطرح الكسور نسيت اذكرها....وبعدها ان شاء لله ابدا في ضرب وقسمة الكسور...

اللي هي:
اذا كان عندك كسر سواء في الطرح او الجمع قلنا نوحد المقامات قبل مانسوي العملية..زي مثلا:
1على4+3على2<<وقلنا عشان نوحد نضرب الكسر الثاني في 2 عشان يتساوى المقام صح؟

طيب لو كان واحد من الكسور مانقدر نضربو في اي رقم ويعطينا نفس مقام الكسر الثاني ايش نسوي..
زي هذا المثال...
5على7+3على2
نبغى نوحد...بس مافي رقم نضربو في 7ويدينا مقام الكسر الثاني اللي هو 2
ومافي رقم نضربو في2ويدينا مقام مساوي للكسر 7
عشان نحلها...
نضربها طرفين في وسطين<<هي التسمية مو صحيحه لانو لازم يكون بينها اشارة=عشان تكون طرفين في وسطين
بس للتسهيل قلت طرفين في وسطين..
يعني الكسر الجديد حيكون:البسط الاول في مقام الثاني+بسط الثاني في مقام الاول<<الاشارة +لو كانت العملية جمع وتكون- لو كانت طرح طبعا<<هذا الكلام ينحط في البسط
اما المقام اللي تحت راح يكون بضرب المقامين ...احسها ماهي واضحه..عشان توضح نحل المثال اللي فوق وطبق عليها الطريقه...
5على7+3على2
(5×2)+(3×7)على (7×2)
راح تصير :(10)+(21)على(14)
يعني:(31)على(14)

هذي الطريقة موجود في الكتاب تحت عنوان قوانين جبرية لجمع وطرح الكسور ..
اقرا القانون اللي مكتوب بالرموز عشان توضح الصورة..انا شرحت بس الجمع لانو الطرح نفس الطريقة بس طبعا الاشارة غير...
اذا في شي مو واضح هنا ياريت تقلي...

[تـــــدري أبيكـ$]

السسلآم عليكم والرحمة والبركة ^ـ^

وانا بعد من اكبر المؤيــــــــــــــــــــــدين للموضوع << تكفييين بعد ايش ..


عاد قلت اشكركم ع الموضوع ( بنت التحفييظ ) مشكوووورة عالفكرة الناااااايس

وبعد اشكر الأخت Alaa عالشرح


وإن شاء الله اشوف وش اللي مو فاهمته وارجع لكم ^ـ*



طبتمــــ

[TURKI ALharbi]

واضح جدا

[Alaa Al ghamdi]

ضرب وقسمة الكسور
اولا..الضرب:

1-حاصل ضرب كسرين هو كسر بسطه عبارةعن ضرب البسطين ومقامه عبارة ضرب المقامين.<<يعني اللي فوق نضربهم مع بعض واللي تحت مع بعض ..الضرب والقسمة جدا سهله مايبغالها توحيد...يعني لمن تشوف كسرين بينهم ضرب على طول اضرب اللي فوق مع بعض واللي تحت مع بعض...
مثال:

5على2×3على4
تصير5×3على 2×4
يعني 15على8

مثال اخر:
3على 7×5<<نلاحظ هنا ان الـ5عدد صحيح بس اي عدد صحيح معروف انو مقامو 1 لكن ماينكتب لانو مايأثر على شي
يعني هنا بنضرب البسطين مع بعض 3×5والمقامين مع بعض7×1<<الـ1 اللي قلنا تحت الخمسة
يعني يصير الحل..3×5على7×1
يعني..15على7
شوفها في الكتاب

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــ

ثانيا..القسمة:

2-لقسمة كسرين فإننا نقوم بوضع الكسر الاول كما هوا ثم نغير عملية القسمة إلى ضرب ونقلب الكسر الثاني (نضع البسط مقاما والمقام بسطا).<<يعني بكلام اسهل لمن تشوف كسرين بينهم علامة قسمة اول شي لازم نحولها ضرب يعني تصير بينهم اشارة ضرب وعشان نحلوها لضرب لازم نقلب الكسر الثاني..الكسر الاول نخليه زي ماهو بعدين نشيل اشارة القسمة ونحطها ضرب وبعدين نقلب الكسر الثاني..

مثال:

3÷2على5<<الـ3عدد صحيح نعتبر انو مقامها 1 عشان كذا ماانكتب بس تقدر وقت الحل تكتبو للتسهيل..
راح تصير..
3×5على2<<تركنا الكسر الاول زي ماهوا وقلبنا الكسر الثاني وخليناه ضرب
بعدين نحل عادي زي الضرب نضرب البسطين مع بعض والمقامين مع بعض..
3×5على2×1
15على2

مثال اخر:

7على 3÷5<<ننزل الكسر االول زي ماهو ونبغى نقلب الكسر الثاني ونغير الاشارة ....الكسر الثاني عدد صحيح احنا نحط المقام واحد عشان لمن نقلبو يصير 1على 5...

اذا الحل:7على3×1على5<<نحل ضرب عادي
7×1على3×5
7على15

مثال اخر :

4على7÷5على3
4على7×3على5
4×3على 7×5
12على35

ــــــــــــــــــــــــــــــــــــــــــــــــــ ــــــــــــــــــــــــ

وبكذا خلصنا من جمع وطرح الكسور ,ضرب وقسمة الكسور...

كالعاده اذا في اي شي اسال....
وبالنسبة للباقين ترى الموضوع مفتوح من بنت التحفيظ يعني اللي عندو اي سؤال او شي يسال وكلنا نساعد ان شاء الله....

[Alaa Al ghamdi]

الاسس والجذور

اولا..الاسس(الرفع إلى القوى)..

عملية الرفع إلى القوة هي اختصار لعملية تكرار ضرب العدد في نفسه.<<معنى الكلام هذا انو اي عدد مضروب في نفسو اكثر من مرة نقدر نتخصرو بنفس العدد ونرفعو لقوة...بدل مانجلس نعيد نفس الرقم اكثر من مرة....زي مثلا..3×3×3×3×3×3 نقدر نختصر ونقول 3^6...

ملاحظة:راح استعمل العلامة ^ للاس ..يعني 3^6 تقرأ 3اس 6
الرقم اللي بعد العلامة^هو الاس واللي قبلها هو الرقم العادي طبعا واللي يسمى بالاساس ..
يعني 3^6....3الاساس و6الاس...


ملاحظات من الكتاب :

a^0=1
نعتبر a اي عدد ...نقول انو اي عدد مهما كان كبير او حتى كان جوا قوس ومرفوع لصفر يعني اس صفر فالجواب 1دائما...
مثال..هذا جانا زيو في الاختبار ...

((2على3)^-1)^0 =1<<ركز هنا...القوس اللي جوا كان مرفوع لـ-1 يعني اس -1 بس القوس اللي برا الكبير واللي يضم القوس اللي جوا مرفوع كلو لـ0 يعني الجواب 1

يعني مهما كان حجم الرقم اذا كان الكل مرفوع لـ0 الجواب 1...

مثال اخر:
(-2)^0 =1
كمان مثال:
1^0=1
......................

اي عدد اس عدد سالب نقلبو ...الغرض من القلب انو نشيل الاشارة السالبة من الاس
يعني مثلا...3^-2<<3عدد صحيح مقلوبه زي ماقلنا في الدرس اللي قبلو 1على3
تصير 1على 3^2

ياريت تشوف شكلها في الكتاب عشان توضح الصورة...

مثال اخر:
2^-3على5^-2<<نقلب الاعداد عشان يروح السالب من الاس ..
تصير..5^2على2^3


طيب انا بكذا خلصت الملاحظات اللي في درس الاسس
ياريت تقلي اذا في شي مو فاهمو هنا او في الدرس الليقبلو
عشان اكمل خواص الاسس....

[TURKI ALharbi]

جدا جميل يخليك ربي ياعسل

[Alaa Al ghamdi]

معليش بس عشان كتبت الشرح في الوورد على اساس الرموز هناك احسن بس لمن نسختو كل شي اتلخبط

شوفوه في المرفق

[TURKI ALharbi]

جدأأأأأأأأأأأأأأأأأأأأأأأأأأأأأأأأأأأ واضح

[×حلم سيكون×]

يسلمووووووو كل شي واضح بديت استوعبه