هنا تجمع طالبات الــــ Mathematics ^_^أول سنة تخصص يامرحبااااااا..

[نـور الدنيا]

ان شاء الله يكون افضل قسم من ناحية الفائدة
ورح نعمل اشياء مفيدة لكل وحدة تخصصها رياصيات
زي مثلا التكاملات جميعها ننزلها
وكل وحدة تستفيد منها وماعليها الا انها تتطبعها
وكمان ورقة تخص المشتقات
ورح ننزل اشياء تفيد كمان طالبات التربية العملي
بس اناسمعت انة مافي طالبات تربية عملي هاالسنة الا احنى
بس راح ندعو بنات يدخلو على الموقع ونستفيد من بعضنا عن هذا الموقع
وراح ندعو جميع زميلاتنا للدخول فية
والاستفادة منه

[baholh]

أختي نور الدنيا وكل البنات الي أعلى من المستوى الثالث > عشان محد يزعل
أول شي حابة اتكلم عن الخطة الدراسية للقسم وهي عباره عن 128 ساعه مع السنة التحضيرية يعني باقي لنا 101 ساعه كيف مكن نرتب جدولنا بحيث مايكون في ضغط علينا لأني بصراحه ما أقدر اخذ أكثر من 5 مواد بالترمين يعني ممكن ترم 5 واحد 4 أو 6 على حسب المواد اذا كانت سهله ممكن توصل 6 اما اذا كانت صعبه لا بس إن شاء الله نعديها ........
ثاني شيء أبغى أستفسر عن ماده أسس الرياضيات كيف دراستها وكمان ماده مقدمة حوسبه من كلية الحاسبات والتقنيه ؟؟

تقبلوا احترامي / bahoolh

[baholh]

رجعت مره ثانية > الله يعينكم ماتخلص الأسئلة
يابنوتات أبغى أكتب إسم المواد وأبغى أفضل الأستاذات من حيث الأخلاق والشرح والتفاهم زي أستاذه إيمان هلال مررره ماشاء الله عليها حبوبه
مقدمة حوسبة cpit201
الثقافة الإسلامية 1
اللغة العربية 1
تفاضل وتكامل 2 >أهم شيء
أسس الرياضيات
معمل الكيمياء > مو مهم بس اذا فيه خير وبركة

[ضحكتي ماركه22]

وصـــل وصل يلا حيووووووووووووووووووووه


هلوووووووووووووووووووووز بنووتات كيفكم ...


ترى انا معاكم وابغى حماااااااااااااااااااااااااااااس بليزززززززززززززززززززز


يلا سي ياااااااااااااا

[math-969]

هلا والله فيك
سامحيني ردي متأخر
بس تعرفي مع زحمة العيد

أول شي حابة اتكلم عن الخطة الدراسية للقسم وهي عباره عن 128 ساعه مع السنة التحضيرية يعني باقي لنا 101 ساعه كيف مكن نرتب جدولنا بحيث مايكون في ضغط علينا

حبيبتي بالنسبه للجدول ما اقدر افيدك في الموضوع لانه تعرفي احنا كان نظامنا مختلف.

ثاني شيء أبغى أستفسر عن ماده أسس الرياضيات كيف دراستها وكمان ماده مقدمة حوسبه من كلية الحاسبات والتقنيه ؟؟

بالنسبه لأسس الرياضيات هي ماده انا اشوفها حلوة بس مدري ليش البنات مطلعين عنها سمعه ممكن لانها كلها براهين واثباتات لكن مو هذيك الصعوبه اصلا من اسمها اسس يعني اشياء اساسيه لازم تعرفيها
اما المادة الثانيه احنا درسنا مقدمه في الحاسب مدري اذا نفس اللي تتكلمي عنها او تعتبر غير لكن بصفه عامه تراها سهله ودرستنا استاذه حنان نديم مرة عسل كمان درستنا الدكتوره هناء ابو زناده مادة برمجة الحاسب شرحها جدا رائع وكمان اخلاق

الثقافة الإسلامية 1 اللغة العربية 1

عزيزتي بالنسبه للمواد العامه مو دائما نفس الاستاذات لان الاستاذات يجون من خارج القسم

تفاضل وتكامل 2 >أهم شيء

انا بالنسبه لي درستني الدكتورة سلمى الصبحي شرحها رائع واخلاقها حلوة ومتفاهمه لـــــكـــــن أسئلتها شوي صعبه تجيب أسئله غريبه شوي تحتاج لذكاء وتفكير وتعتمد على الفهم
عندك الدكتورة امنه جمجوم مرة طيبه واخلاق وشرحها عادي مو مرة وأسئلتها سهله
كمان د- هدى باكودح اخلاقها عاليه بس اختباراتها كلها اختيار من متعدد

معمل الكيمياء >

هذي الماده ما درسناها وما اقدر افيدك فيها اعذريني

أتمنى تكوني استفدتي وأي سؤال أنا حاضرة

[math-969]

هلا وغلا فيك
شرفتينا ضحكتي ماركه
منورة المنتدى

[طايعة امي ومرفعة كمي]

...........بنات الي عندها حل تمارين معادلات تفاضلية -1،،وجبر خطي

تنزلها في اقرب وقت .........

[الدُنيا مدرسة]

المشاركة الأصلية كتبت بواسطة طايعة امي ومرفعة كمي ...........بنات الي عندها حل تمارين معادلات تفاضلية -1،،وجبر خطي تنزلها في اقرب وقت .........

ياريت تكتبي أسماء الكتب عشان أشوف تمارينهم عندي أو لأ..

ولو ماكانت عندي حساعدك في البحث..

تقبلي مروري

[a6a6]

انا توي تخرجت سنة تحضيرية وانقبلت بالعلوم- بس لسى ماتخصصت- ونفسي بالرياضيات
طيب متى اتخصص ومتى تنزلي المواد ابليييييييييييز انا في حيرة من امري

[baholh]

أختي math-969 الله يعطيك ألف عافيه على الرد الأكثر من رائع ....وريحتيني الله يريحك يارب