خريجي وخريجات بكالوريوس ادارة مستشفيات انتساب>>بالنسبة لتصنيف هيئة التخصصات الصحية ..

[طموحي إدارة مستشفيات]

كل منطقة تختلف عن الآخرى ...


أنا بالشرقية وتصنيفي كان تدريب أسبوع بمستشفى الأمير سعود بن جلوي

وصاحبي بنفس تخصصي لكنه بجدة ... تصنيفة كان اختبار واختبار صعب جدا مانجح فيه

وعاده 3 مرات وبعدين عطوه خطاب تدريب 3 شهور بمستشفى حكومي ع حسابة


الشاهد انو كل منطقة لها طريقة مختلفة في تصنيف وتأهيل الكوادر الصحية.

[3zoz]

مساكم الله بالخير جميعا ،،، ياشباب بالنسبه للتصنيف انا راح اقولكم وش صار بالتفصيل
اول شي تروح تاخذ دوره الانعاش القلبي الرئوي انا رحت مسشتفى الشميسي ودفعت ميتين وخمسين او ثلاث ميه ريال نسيت بصراحه واخذت دوره الانعاش القلبي الرئوي الدوره تاخذ ساعه الى ساعه الا ربع وبصراحه المدرب سعودي ومتعاون معنا من ناحية الاسئله بنهايه الدوره ،، وبنهايه الدوره عطونا الشهاده
بعدها توجهت لهيئة التخصصات الصحيه بالرياض واخذت معي الاوراق التاليه
الشهاده الجامعية مع السجل الاكاديمي
صوره من بطاقة الاحوال
تعريف من العمل بانك على رأس العمل ( اختياري وياليت ما حطيته ) راح اقولكم سالفته
صورتين شخصية
شهادة سبل المحافظة على الحياه (الإنعاش القلبي bls)
وقالو لي سدد الرسوم وكانت 1100 ريال اعتقد وسددتها بنفس الوقت
قالو تعال بكره عندك مقابله شخصيه
ومن بكره جيت وكان فيه دكتور سوا معي زي المقابله الشخصيه وكان يسألني عن بعض المصطلحات الطبيه وليش اخترت هالتخصص ووين شغال جاوبته على بعض الاسئله وقال بالتوفيق،،،، رحت اسألهم قالو تعال بكره خذ شهادة التصنيف ومن بكره جيت واخذت شهادة التصنيف والبطاقه ،، ولكن المشكله تفاجأت انهم اضافو جهة العمل ( وزارة الداخليه ) بسبب التعريف اللي اضفته ،، وانا ما اضفته الا عشان يصنفوني اخصائي على طول مو اخصائي مساعد ،،،، الحين صرت اخصائي مساعد وجهة العمل وزارة الداخلية،،،، مع العلم اني في وزاره الداخليه اشتغل في عمل لايمت بالقطاع الصحي بصله ،،، والآن تورطت لانهم قالو جيب خبره سنه وراح نعطيك اخصائي،، واذا جبت الخبره من مكان ثاني راح يسالوني مو انت في وزارة الداخليه ،، ليش ماتاخذ الخبره منهم ؟؟
المهم سألتهم طيب ابي اعدل جهة العمل وحطوني لايعمل ،، قالو لا جيب خطاب مخالصه من وزارة الداخليه ،، يعني خطاب فصل :(

حبيت انقل لكم تجربتي والله يكتب اللي فيه الخير ويوفق الجميع

[حلم ماضي]

شعورك حاسه فيه ساعات تكتبي موضوع ولا حد يهتم فيه
الله يوفقكم
وعقبالنا العام القادم نتخرج
قلي خطواتك اختي

[الطالب المكافح]

السلام عليكم الجواب الي يجمد على الشارب (يعني الأكيد) من خبره وزي ماقال أخوي مستشفى والآخوه كل منطقه لها نظام وأن اشوف الدمام بحكم قربي منها أنها سهله الأمور
1- وثيقة التخرج 2- دورة الcpr الأنعاش القلبي الرئوي 3- رسوم هيئة التخصصات 4- تطبيق 3 اشهر في اي مستشفي حكومي والخاص ماعندي فكره عنه أحتمل تدخل مسابقه وظيفيه في الرياض (نظام جديد) حسب افادة احد الزملاء
بالنسبه لتصنيف لا تقولي تخصصات ولاغيره ادارتك منشأه صحيه وموجود لديهم ارقام اخصائي كادر أنت أمورك تمام قالو أدارتك لايوجد ارقام راح تصنف لك التخصصات اخصائي اداري. (أحتمال كبير فيه مسابقه)
برضو فيه شروط أذا كنت فني يجب التنازل عن الفنيه وتحضر خطاب من مرجعك
النصيحه للموظفين الفنيين لا تصنف الى بعد القفزه يعني الى المستوى الذي يلي متسواك الحالي لأن علاوه الفني ممتازه من مستوى لمستوى
أسف على الأطاله هذا النظام القديم لتصنيف مع المحدث
المعذره أذا نسيت اي أمر
وتقبلووووووووووووووو تحياتي

[هاني99]

صحيح كلامك كل مدينة ولها نظام الرياض نظامهم معقد
تقييم وتروح لواحد معقد اسمه فهد العتيق مدينة الملك فهد الطبية بالرياض يقول تعال بعد سنة ومعاك 30 ساعة تعليم مستمر صراحة الهيئة مو فهمين شي

[ro7i Leek]

الطالب المكافح شكرا على افادتك بس والله في اشياء مافهمتها منك ..

[حلم ماضي]

1- وثيقة التخرج
2- دورة الcpr الأنعاش القلبي الرئوي 00000 هذه بعد التخرج اخذها وين ؟؟؟؟واذا اخذتها ولسه ماتخرجت لها مده وتنتهي ؟؟
3- رسوم هيئة التخصصات 00000000 كم الرسوم ؟
4- تطبيق 3 اشهر في اي مستشفي حكومي والخاص ماعندي فكره عنه

السؤال للشرقيه

[عطني فرصة]

الله. يوفقنا جميعا

[(منتسب)]

اللي اعرفه عن نظام الرياض كالتالي:
1- وثيقة التخرج
2- شهادة cpr (التنفس الرئوي والقلبي) .. او (الانعاش الرئوي والقلبي) .. هذي كلها نفس الشهادة بمسميات غير
3- تقدم لهيئة لتخصصات الطبية وتدفع رسوم قدرها 1000 ريال
4- الهيئة يعطونك شهادة تصنيف مكتوب عليها (مساعد اخصائي - أو - أخصائي مساعد) لمدة سنة
5- إكمال سنة تدريبية بعد الحصول على التصنيف في فقرة رقم 4
6- دخول اختبار عند فهد العتيق في المدينة الطبية او عند واحد عنزي في مستشفى الشميسي اعتقد (الهيئة هي اللي تحدد بس لازم الواحد ينشب لهم) .. والعنزي يمدحونه بينما العتيق ناس يمدحون وناس يذمون
7- العتيق يشترط حصول الشخص على ساعات تدريبيه بمقدار 30 ساعة تدريبية (اللي هي الدورات اللي فيها ساعات تدريبية ومعتمدة من هيئة التخصصات).. العنزي مدري عنه بصراحة
8- بعد إكمال الساعات والنجاح في الاختبار (يكون الاختبار مقابلة مع العتيق ويسأل أسئلة أو يطلب بحث عن مكان العمل .. حسب ماسمعت من ناس اختبروا عنده)
9- يتم إرسال نتيجة الاختبار لهيئة التخصصات .. اذا ناجح يتم تعديل التصنيف من (اخصائي مساعد) إلى (أخصائي)


بالنسبة لقبول شهادة التصنيف حسب مرجعك وجهة عملك
الصحة احيان كثيرة يعدلون اخصائي صحي .. بعض المستشفيات الغير تابعة لوزارة الصحة مثل مستشفيات وزارة الدفاع او التعليم العالي او الحرس إلخ .. ما تعدل الا اذا ربي أراد .. والشغلة في احيان كثيرة تحتاج واو وبالمناشب وبطلعة الروح (هذا في الرياض) .. واحيان كثير مسابقة وظيفية على رقم وظيفي .. وكثير من زملائي بالعمل تعبوا ولهم 3 سنين ما حصلوا على التعديل وبعضهم استقال وراح لجهة عمل اخرى


اما الشرقية سمعت انهم سمحين وموب معقدين .. مدري عن الغربية وش الوضع ؟!


على العموم الله يكتب اللي فيه الخير ويتمم لنا ولكم على خير وعقبال التعديل والوظيفة والدرجات العليا دنيا واخرة

[ro7i Leek]

شكرا لك على اﻹفادة