رحلتـــي باختصار!!

[dr.CILIA]

- ما هي أكثر المواد التي يحبها طلاب وطالبات الطب ؟

يختلف من شخص لاخر بس في الطب كل المواد حلوة يعني في حاجات زي البايوكميستري ماتنحب لأن المشكله في التدريس ولا هي ماده حلوه انا عن نفسي احب التشريح وعلم الامراض وبصراحه الطلاب صاروا يحبو الماده اللي الدكتور يعطيك الاسئله ولا يعطيك درجات يعني المسأله صارت مصالح

[dr.CILIA]

- هل سلب منكِ الطب الكثير من الأشياء ؟ في حال "نعم" اذكري بعض الأمثلة .

طبع اكييد سلب مني اشياء كثير بس اغلبها مو بسبب الطب نفسه بس مشكلة الوقت مع الطب

هواياتي مثلا كان عندي هوايات كثيير ومع الطب خلاص انتهت مثلا كنت احب الخياطه بس لما انشغلت بالدراسه مو بس بطلت اخيط الا زياده سارت يدي ماهي متمكنه زي زمان هذا الشي مرره زعلني اني فقدت هذا الشي ولازم أرجع اتعلمه من جديد

احس كمان الطب خلى قلبى يقسى شوي يعني مو زي زمان يمكن من كثر مانشوف المرضى اللي منومين ومعاناتهم صرت اللي يمرضو امراض بسيطه انا احسها مو شي بالنسبة للي شفتهم فأطنش يعني احيان يطلبوا مني استشاره ولا يعرضو مشكلتهم مااعطيهم ذاك الاهتمام حتى لمن يقولوا فلان مات وانا اعرف انه عنده مرض صعب علاجه سبحان الله أقول الله ارحم بعباده لأنه ممكن كان حيعاني يقومو الناس يطالعوا فيا بنظره كأنهم بيقتلوني

اكبر شي سلبه مني الطب -راحة البال- هذا اشي مفقود عندي من يوم مادخلت هنا طبعا هذي مشكله بس مااتوقع احد في الطب سواء دارس او ممارس للمهنه يجي ينام او حتى وهو جالس يفكر مع نفسه يكون باله مرتاح اي قرار بحق اي مريض ان شاءالله شي بسيط بنقعد نراجعه مع نفسنا لمن نفكر -طيب يمكن لو قلنا كذا كان افضل! طيب ممكن يحصل له كذا...
حتى دحين واحنا لسه بندرس وفي امتحاناتنا نفس الشي بيصير معانا يمكن مو الكل بس انا يصير لي الله يعين

[dr.CILIA]

- كيف تنظمين وقتك أيام الدراسة ؟ وما هو جدولك اليومي ؟

حكاية النظام دي طويله طبعا انا دحين ماني ماشيه على اي نظام لأن السنه هذي الحمدلله ربي كرمنا في الوقت احس عندنا شويه وقت زياده عن السنوات الماضيه بس غالبا تقسيمتي كالتالي
ارجع من الجامعه اغلب الايام الساعه5<تقريبا مع المشوار
والى المغرب هذا وقت راحه مع الغداء يعني العب ,تلفيزيون, نت اي شي
بعد المغرب أنام مو اكثر من ساعتين وبعدها اقول اتنح ساعه واتعشى
بعدين يبدأ يومي اذا عندي مثلا شغل , واجبات, مذاكره لإمتحان <طبعا مو كل المذاكره في يوم نكون مقسمين من قبل الامتحان كل يوم جزء يعني امسك جزء اليوم , واذا مخي مقفل وماعندي امتحانات قريب لعبت والحمدلله
استمر الى يجيني النوم احيان الساعه 1 او 2 ممكن 3 وانام واصحى الفجر اصلي وارجع انام للساعه 7 وبعدين اتجهز وعالدوام

يعني معدل نومي في اليوم كله مايزيد عن 6 ساعات وفي الويك اند يوصل ل10 يوم الربوع و8 خميس وجمعه
طبعا الويك اند غالبا ماامسك ولاشي الا اذا في اختبار

.
.
.
يتبع

[ام القرى]

الله يوفقك في دراستك

ممكن استفسار مشكلة اللغة كيف قدرتي تواجهيها

لانها عقدتي وصعبت علي امور كثيره

[never hide]

و الله موضوع مره حلو و يفيد اللي بيدرسو طب

استمتعت بالقراءه

و الله يوفقكم ^^

[عزة نفسي_تكفيني]

ماشاءالله تباركـ الله

أستمتعت كثييير بقراءة رحلتكـ

الله يوفقكـ ياااارب ونشوووفكـ دكتوورهـ قد الدنيا ^_^

متااابعه

[Heba EB]

جميـــل

نُتابع :)

[rayyan1444]

احلى شي التنتيح قبل العشاء كاااااااااااي

[مايلي]

موضوع اكثر من رائع يادكتوره سيليا

منجد تتنيحة قبل العشاء لازم عشان يفتح المخ خخخخخ

بس صادقه يادكتوره سيليا دوبني اول سنه واحس نفسي اتغيرت 180 درجه اشياء تسويها انتهت بس كله يهون لعيون الطب

مايلي

[بريد الاحساس]

رحلة مشوقه وخطيرة ...
الله يوفقك ويفتح عليكي
لا تنسي تحصني نفسك .. ماشاء الله عليكي
الكل يتمنى أن يكون مثلك ...

أنا لسه في بدايه مشواري ..
الله يعين