(2)تجآرب الطآلبآت مع موآد الــEnglishالترم 2لعـآم 2010 with colors

[M!ss.cute]

^^^^
^^

البراكتكم خذيه مع مس ايمان حمزة وانتي مغمضة

أنا اخدت معاها وادتني درجة كويسة الحمدلله غير كدا تحسي الكورس مريح معاها مافيه قلق وزحمة كل شي مرتب ومنظم

د. ناريمان اخدو معاها صاحباتي في الصيف بس مرة ما يمدحوها مدري اشبها متغيرة مرة

سحر يعني نص ونص في ناس يمدحوها وناس لا

اتوكلي ع الله وخدي مع ايمان وحتنبسطي ان شاء الله.......

ياليت البنات يفيدوني عن براكتكم 2 مع مس الآء ومسز ليلى ، كيف ؟؟

والابلايد مين احسن مآثر ولا منال ؟؟

وشكراً

[حنين الود]

المشاركة الأصلية كتبت بواسطة m!ss.cute ^^^^ ^^ والابلايد مين احسن مآثر ولا منال ؟؟ وشكراً

الترم الجي حيكون عندك خيارات أكتر .. لأنو مس هيفآء حتكون موجوده + د.مآثر+د.منال التآودي ..
منآل التاودي تحفظي الكتآب كلو ودآخل كلو في الفاينل يبغآلك تذآكر أول بأول وبالتفاصيل يعني من بين السطور تجي الأسئلة ..د.مآثر مرتب المنهج في أوراق وتحفظي منهآ بس الإختبار يجي كلو كتآبه مقآلي وتركز على الرآيتنق وبرضو الأسئلة تجي دقييييقه ..د.هيفاء نسيت صحباتي أخدوآ معآهآ من أول بس نسيت اسلوبها ..
أحس إنتي ينفعلك تدرسي مع د. مآثر لأانك تحبي الترتيب والنظآم وهيآ منظمة وشدي حيلك في الرآيتنق وأحفظي اول بأول لأنو المآده أسآسآ يبغالها تحفظظظظظظظظظي ..

[Reem-]

سيمنار +بويتري +مودرن
براكتكم 2

بليز ابغى احد يفيدني فيهم

[Xx one xX]

أخذت الريسيرش مع دكتورة إبتسام فكهاني في فترة الصيف

الكورس كان جداً رائع ,, وتوزيع الدرجات مطمن

إختبارين عليهم 30 كل واحد 15

البربوزال 10

البرزنتيشن 10 ( البرزنتيشن جداً بسيط ما تطلب منك تحكي قصص قولي الكلام المختصر )

البحث 10

واخيراً الفاينل عليه 40

تقريباً الكورس يعتمد على الاختبارات ,, لان اكثر الدرجات على الاختبارات

وركزو معاها بالبوربوينت منها تجي الاسئلة

أسئلتها جداً واضحه وسهله ,, وهي اصلاً تعيد وتزيد في المعلومات

أمشوا معاها خطوة بخطوة ماراح تحسوا بضياع

أنا توقعت أجيب درجة مش ولا بد ,, لكن الحمد لله لقيت درجاتي جداً منصفة

الله يرفع من قدرها أحب أنبه الكورس معاها يعتمد على الاختبارات ثم الاختبارات ثم الاختبارات

اذا تبغي تجيبي درجه كويسه بالبحث أمشي على نفس خطواتها

والله العظيم البحث حقي ماوديتو لا عند مدرس ولا مدرسه بنفسي عملتو وكان جداً بسيط

أي سؤال حاضرة لكم

[الــود طــبعي]

بالنسبة لي ياحلوين

أخذت فونتكس (صوتيات ) مع أستاذة \ آلاء المحمدي
بصراحة أنا تعجبني هالآدمية مرتبه وتشرح زييييين مافيه شي عندها اسمه مشي الحال وإذا سألتي تجاوبك
أسئلتها على قد تعبك وماتحتاج مرة ذكاء.. وتوزيع درجاتها حلو كمان مو تطير درجاتك بسهوله..
توزيع الدرجات
15 دوري أول
20 دوري ثاني
15 دوري ثالث
40 فاينل
5 اسايمنت 1
5 اسايمنت 2
الاسايمنتس تضمني درجتها بإذن الله مافيها أي صعوبه
إنسانه جدية ومنظمه وحقانيه في الدرجات..

الدراما (أدب المسرحية ) مع أستاذة \ إيمان باسلامة
والله كثير يظلمونها هالأستاذه
خلاص يحطوا في بالهم إنها سيئه
هي بس تحب إنك تكوني مجتهده مو تعتمدي عليها وأصلا المادة مي سهله عشان الواحد يجيب درجات بسهوله
يعني بنات يجوا مايكونوا قارئين المسرحية.. كيف حيشاركوا معاها وكيف حينجحوا؟ تحب المجتهده اللي تشارك معها
وتبحث وتسوي ...<< يعني امشي سيده وشاتغلي تاخذي درجتك تمااام..
هي طيبة جددددا.. وحقانيه في الدرجات وتصحصح بذمه وضمير وتوريكي ورقك في كل دوري..
أخذنا 3 مسرحيات
توزيع الدرجات
20 دوري أول
20 دوري ثاني
10 يريزنتيشن
10 كريتكال ريفيو
40 فاينل
ودرجتي الحمدلله مرة حلوة معاها..

مورفولوجي (الصرف) مع منال التاودي
هي تشرح وأصلا المورفولوجي سهل
مشكلتها الوحيده أسئلتها مررررة قليلة يعني مافيه شي عليه نص الا الاسبيلنق<< يعني خطأ واحد ان شاء الله حرف e في الاخير زايد تنقصي نص..
وكمان اسئلتها لازم تكونين حافظه مو بس فاهمه

فونولوجي(علم الأصوات) كمان مع منال التاودي
نفس الطريقه تشرح وكل شي لكن اسئلتها مرة مرة مرة قليلة تطير درجاتك بسهوله
والفراغات من بين السطور وبالنص يعني لازم تكونين حافظه ومركزة

توزيع الدرجات في هالمادتين بما إنها كلها مع منال التاودي
3 دوريات من 20 = 60
وفاينل 40
كله اختبارات يعني..
بس درجاتي في الاثنين حلوة الحمدلله

ملاحظه :
على فكرة أول ماأخذت الفونولوجي مع منال التاودي قالت اللي ماأخذت الفونتكس وعدته تروح تحذف المادة.. وأنا سكت سويت إني أخذتها..لأنه ماكان عندي مادة ثانيه ممكن أبدلها مكانها..
يعني أخذت الفونتكس مع الفونولوجي في نفس السميستر مع إنه كثير قالوا مايجوا مع بعض
بس أنا حسيت العكس
الفونتكس ساعدني في الفونولوجي والعكس صحيح..

بالتوفيق للجميع يااارب

[صبوحة]

هاي بنات كيفكم

انا محتارة مع مين أخذ

البوتري والفيكشن
ياريت اللي أخذوا المادتين
يعطونا فكرة مين أحسن الأستاذات وشكرا

[رويده عباس]

أخذت الليسننغ مع و الرايتنج مع مس رشا قزاز

بصراحه اسلوبها رائع و تتعب في الشرح و تتساهل مع البنات الله يسعدها دنيا و آخرة اما بالنسبة لطريقتها في الليسننغ فكانت ثلاث بريزنتيشنز كل واحد عليه 15 درجه

و مقابلة عندها في المكتب ( تاخذين فيها درجات عاليه جدا حطتها المس زي المساعده )

و عليها 15 درجة برضو

الفاينل تجلس تدربك عليه طول الترم و كان اختبارها حلو و متوسط المستوى

[الــود طــبعي]

صبوحة ياعسل

ليس من واقع تجربة لكن بحكم صديقاتي واللي أعرفهم:

الفكشن خذيه مع إيمان حمزة وإنتي مغمضه << كلام البنات ..

والبويتري خذيه مع ناريمان
والأفضل لكي تبعدين عن سهام فطاني لأني أخذت معها بويتري في الترم الصيفي بس ماعجبني أسلوبها مرة وماكملت الترم اعتذرت عنه لكن للامانه مو عشانها اعتذرت بس حصلي ظروف وبطلت..

[ღحلا الدنيـاღ]

السلام عليكم ..

ريسيرش - مسز ايماان بوترعه

بصراحه الماده نفسها ثقيله دم شويه فعشان كذا يبغالها تنظيم من البدايه

بس المسز الله يهديها كانت ملخبطتنا مررره و كانت تعصب علينا كثير في حاجات مالينا فيها ذنب

كانت كل مره تقول يوم كـذا الاختبار او البرزنتيشن او نراجعه البروبوزال وتآجل

آخر الترم مررره انضغطنا اجلت البرزنتيشن اكثر من ٤ مرات

لدرجه جلسنا في الجامعه لحد الساعه ٤ العصر بآخر يوم قبل الفاينلز ..

الكورس بالنسبه لي كان آسوأ كورس مررره ماكان مريح بسبب اللخبطه : (

شديت حيلي وعديت الحمدلله ..

[ღحلا الدنيـاღ]

Fiction - مسز إيمــان حمزة

الكورس مرررة كان ممتع بالنسبه لي .. منظم و تعرفي من البدايه اللي لك واللي عليك

اسلوبها لمن تحكينا ما شاء الله رااائــع لدرجه اشتقت له والله

اختباراتها يبغالها واحده تحضر وتكتب كل حرف تقوله

كثير ايام تمر ماتآخذ حضور بس اللي ماتحضر كلاس واحد يفوتها كثير

ماتحب البنات يستهونو بالكورس ..

الخلاصه:احضري واكتبي كل كلمه واقرآي الروايات وشدي حيلك وماراح تجيب شيء من برا

تعدو بدرجه حلوه بإذن الله ..