هل اتاكم هذا الشعور ( متابعي مسلسل الفاروق )

[صَخَب الْأَبْجَدِيِّة]

إين التناقض ؟
أنا وحدة من الناس لم أسمع بمسلسل الحسن والحسين ولافلم الرسالة إلا في ردكم الكريم
فلاداعي لأن تجردونا من مشاعرنا تجاه أحد

[6flah]

اليوم فالمسلسل ..

حصل أيضا كاليومين السابقين خطأ قصصي ومخالفة للواقع التاريخي في حياة عمر الفاروق رضي الله عنه ..

الحدث هو ..

علي بن ابي طالب رضي الله عنه بالواقع نام ع سرير الرسول وهو غلام وليس شابا !!

ثانيا لم يخرج للكفار الواقفين عند باب بيت الرسول عليه الصلاة والسلام ,, بل هم من دخلو وسحبو غطآآآءه ,’

يعني أنا م عندي خبرة تاريخية في هذي الأمور سوى بقايا دروس درستها فمتوسط وابتدائي وثانوي بالقطارة الشحيحة ,!!

أبفهم شلوون راجع السيناريو 6 شيوخ ودكاااترة!!!!

[منتظرة الفرج]

^
يالله معقولة كل هالتحريف في سيرته ؟؟؟

أنا ما تابعته ولا بتابعه ولا تابعت الرساله والحسن والحسين والله ما أعرف تفاصيلها ولا من مثلها
بس من خلال الاعضاء قريت ان اللي يمثل دور عمر رضي الله عنه (قزم وصوته نحيف ومربي شعره ) عكس وصف شخصية عمر اضافة للاخطاء المذكورة هنا

المشكلة مو بالسعوديين الحمد الله يدرس الطالب مواد الدين من اول سنة الى ان يتخرج حتى لو ما أستفاد كثير الا انه يفرق بين الصحيح والمبتدع والحقيقة والتضليل
المشكلة بغير السعوديين اللي ما يدرسون مواد الدين ويتعلمون الدين والسير وراثة من الاهل ومليئة باخطاء وخزعبلات
فإذا شافوا مسلسل يعتبرونه فرصة لتعليمهم وتصحيح اخطاء معلميهم !!
فالآن الاخطاء اللي ذكرت بيتم تعليمها للاطفال وتستمر تتداول اعتماد على ما رأوا !!! الله المستعان

[بداياتي نهايات]

بالعكس!

المسلسل رائع وأتابعه بكل شغف!

ماني قادره أفهم الناس اللي يربطون صورة عمر بالممثل..وانه الممثل بيرسخ في أذهانهم على أنه عمر!!

الممثل مجرد"وسيله"لـ إيصال ما كان عليه عمر رضي الله عنه لا أكثر ولا أقل.

لكن عندي لكم حلين|يا تفقدون الذاكره بعد المسلسل..خبطه قويه عـ القفا,أو تغيرون طريقة(ارتباطكم بالأشياء والأشخاص)!:71:

[فيصل]

المشاركة الأصلية كتبت بواسطة صَخَب الْأَبْجَدِيِّة إين التناقض ؟ أنا وحدة من الناس لم أسمع بمسلسل الحسن والحسين ولافلم الرسالة إلا في ردكم الكريم فلاداعي لأن تجردونا من مشاعرنا تجاه أحد

المشاركة الأصلية كتبت بواسطة منتظرة الفرج ^ يالله معقولة كل هالتحريف في سيرته ؟؟؟ أنا ما تابعته ولا بتابعه ولا تابعت الرساله والحسن والحسين والله ما أعرف تفاصيلها ولا من مثلها بس من خلال الاعضاء قريت ان اللي يمثل دور عمر رضي الله عنه (قزم وصوته نحيف ومربي شعره ) عكس وصف شخصية عمر اضافة للاخطاء المذكورة هنا المشكلة مو بالسعوديين الحمد الله يدرس الطالب مواد الدين من اول سنة الى ان يتخرج حتى لو ما أستفاد كثير الا انه يفرق بين الصحيح والمبتدع والحقيقة والتضليل المشكلة بغير السعوديين اللي ما يدرسون مواد الدين ويتعلمون الدين والسير وراثة من الاهل ومليئة باخطاء وخزعبلات فإذا شافوا مسلسل يعتبرونه فرصة لتعليمهم وتصحيح اخطاء معلميهم !! فالآن الاخطاء اللي ذكرت بيتم تعليمها للاطفال وتستمر تتداول اعتماد على ما رأوا !!! الله المستعان

اهاا ... يعني انتم فقط ضحايا للتجييش العاطفي ؟!

[عموريAHLI]

خخ ايش الهرجة ؟

يقولو اكبر عمل درامي عربي في التاريخ

فالأخير يكون في اخطاء بهذا الحجم !

ماتابعت ولا حلقة لكن من ردودكم ان المسلسل ماكان يستحق الضجة الكبيرة

[سملّق :)]

انا عن نفسي



متابع متاااااااابع متااابع ... الى أخر رمق




يعني تابعت مكسيكي " على ذمة فيصل " يمثل ( حمزة بن عبد المطلب ) ولا اعترضت !


وتابعت تمثيل الحسن والحسين رضي الله عنهما .. ولا اعترضت !


وتابعت ممثلين عمرو بن العاص وسعد بن ابي وقاص وخاالد بن الوليد و اغلب الصحابة الكرام رضي الله عنهم .. مُثلوا في التلفزيون



وتابعناهم !!!



طيب الحين لما جاء واحد مثل " عمر بن الخطاب " رضي الله عنه ... ازعل ليه !؟





خلونا واقعيين شوي ... ترى " تويتر " كبر الهرجة .. وهي صغيرة في الاساس ههههههه


واضحة ولا يبغا لها تفكير ... كل الصحابة مثلوا في الادوار ... ليه يعني عمر بن الخطاب صار غير ؟

[فيصل]

المشاركة الأصلية كتبت بواسطة سملّق :) انا عن نفسي متابع متاااااااابع متااابع ... الى أخر رمق يعني تابعت مكسيكي " على ذمة فيصل " يمثل ( حمزة بن عبد المطلب ) ولا اعترضت ! وتابعت تمثيل الحسن والحسين رضي الله عنهما .. ولا اعترضت ! وتابعت ممثلين عمرو بن العاص وسعد بن ابي وقاص وخاالد بن الوليد و اغلب الصحابة الكرام رضي الله عنهم .. مُثلوا في التلفزيون وتابعناهم !!! طيب الحين لما جاء واحد مثل " عمر بن الخطاب " رضي الله عنه ... ازعل ليه !؟ خلونا واقعيين شوي ... ترى " تويتر " كبر الهرجة .. وهي صغيرة في الاساس ههههههه واضحة ولا يبغا لها تفكير ... كل الصحابة مثلوا في الادوار ... ليه يعني عمر بن الخطاب صار غير ؟

يعرضون مسلسلات في زحل ؟!
توقعتك سافرت زحل بما ان الحكومة السعودية مو عاجبتك :)

[صَخَب الْأَبْجَدِيِّة]

نمتلك عقول ولله الحمد والمنه نفكر بها ولشهرة القناة دور فالتجييش الحق وليس العاطفي
فمجرد التفكير بتمثيل دور الصحابة فليتكم تعلمون من هم الصحابة أمر مرفوض فليتهم مثلوا مثلاً شخصية الملك فيصل وحياته السياسية ووفاته وحياته العائلية لكن أجزم بأنهم سيأخذون الإذن من أخوانه أليس كذلك ؟
لكن عمر رضي الله عنه من آخذ الإذن منه
أخبروني ؟

[سملّق :)]

المشاركة الأصلية كتبت بواسطة فيصل يعرضون مسلسلات في زحل ؟! توقعتك سافرت زحل بما ان الحكومة السعودية مو عاجبتك :)

والله بغيت اسافر .. بس اللي ردني يقولون ان كوكب زحل يدور حول الشمس كل عشر سنوات !


بالله مين المجنون اللي يبي يصوم خمس سنوات ؟؟


عشان كذا .. فكرت اغير وجهتي لـ " عطارد " يقولون سريع .. ساعتين وهو ماخذ له لفة هههههه