بنااات تخصص الاحيااء و بناااات تخصص الفيزياء تعالوا بسررعه

[حنين كلي حنان]

حنين كلي حنان ...
ربي يسعدك ياقلبووو
و سامحين لان ردي لك في المره اللي فاتت إنمسح بدون ماادري مع التعديل اللي صلحته >_<

طيب حياتي ممكن تقوليلي كيف الاستاذات ؟
وكيف الاثباتات كثيره ولا لا ؟ وهيه معقده ولا تافه وحلوه ؟!
وكمان ماده ( معادلات تفاضليه ) أيش فيها وليش الكل يقول انها صعبه ؟!
و كيف المعاامل ؟! و أيش تشمل الفيزياء غير هالاشياء ؟ ! وفين راح تدربوا ؟! غير المستشفيات ؟!
وقوليلي أذا تعرفي وحده من صحباتك إحياء وطالعه مستوى خامس كيف كانت الدراسه معاها
و إنتي شايفتها سهله ولا لا وكيف الانجلش معاها ؟!
و اسفه لان تعبتك بأسألتي لانها مره كثيره >_<
الاستاذات ياحلوه مره عسولين وفيه الي تشرح تمام وفيه لا >>لازم
الاثباتات طبعا في السنوات الاولى موكثيره بعدين تبدا تكثر بس كله حلوه ومرتبطه ببعض يعني اذا فهمتي اثبات واحد تقدري تمشي الباقي ياقلبو
المعادلات التفاضليه مره حلوه وسهله كلها قوانين تففاضل نفسها الي في الثانوي وانتي عارفه انه التفاضل اسهل من االتكامل
المعامل مره حلوه ويساعدونك كثير ماتشمل حاجه بس معامل ونظري ومن ناحيه التدريب مااحد قال لنا حاجه
والله وحده من صحباتي احياء وطالعه مستوى خامس تقول المعامل مره صعبه والحفظ مو مره ماعنها شاطره مره ماشاء الله طبعا المعمل فيه انجلش بس مو كثير
تعبك راحه ياقلبي
واسفه ياعمري الرد متاخر

[Ala'a]

،،،

شوفي هما حاطين معدلات بس ترا ف النهايه كلو توفيق

والمعدل اهم شي يكون فوق ال3 خاصة لو من تخصص لاخر

ودا الرابط من موقعهم بالنسبه من كليه لاخرى

اضغطي على (كيف ) وهتلاقي الشروط

http://admission.kau.edu.sa/AccessPa...www.kau.edu.sa

اما بالنسبه للانجليزي فهوا مرا جزء صغير من المزاكره

وصدقيني انتي حتحوبي انك تزاكري المصطلحات مو صعبه وقلييله

بس ما ادري ازا على دفعتكم حيزودولكم شويتين

والمعامل اسهل شي واصلن مافي غير اختبار واحد ف الترم

عليه 20 درجه بس

ممكن تواجهي صعوبه ف اول مرا لكن صدقيني مررا سهله

والمعامل هيا اللي ترفع درجاتنا

العفو ولو ^^ ..

،،،

[أحلى حلم ...]

ألاء ياقلبوو تسلمي ^^ وربي أنك طيووبه

لاكن أنا من تخصص لاخر مو من كليه لتانيه ؟! علشان كذا ما اعتقد ان الرابط راح يفيدني ><

وصدقيني انتي حتحوبي انك تزاكري المصطلحات مو صعبه وقلييله

بس ما ادري ازا على دفعتكم حيزودولكم شويتين

أعتقد انهم راح يزودونه مرررره ><
لانوه يقولوا انوه مثلا البيانات على الرسم كثييره و كلها إنجلش و كمان
دورات الحياه أعتقد في ( علم الطفيليات ) مرره كثيره وكلها إنجلش وحوسه
قوليلي ياقلبو هوه صح هالكلام ولا لا ؟!
وكمان ليش الكل يقول الاحياء أسهل قسم ؟! حتى وحده من دكتورات الاحياء ا لما سألتها قالت معروف أنوه الاحياء حيوان أسهل قسم ؟!!


حنين كلي حنان ...
مشكوره ياقلبو على الكلام اللي قلتيه ليه عن الفيزياء .
وياليت تقوليلي أيش الصعوبه في الفيزياء (مثلا حاجه مرت عليك و حسيتها صعبه شويه ) وقوليلي إيش فيه كمان إذا تقدري

والله وحده من صحباتي احياء وطالعه مستوى خامس تقول المعامل مره صعبه والحفظ مو مره ماعنها شاطره مره ماشاء الله

يمكن هيه من النوع اللي يفهم ومايحب يحفظ لاني أنا كمان من هالنوع و خايفه علشاني أنسى بسرعه تقريبا كل اللي حفظته
><

وعلى فكره هوه موظفين العماده شطر الطالبات متواجدين إلى متى ؟!!...

[حنين كلي حنان]

احلى حلم اصعب حاجه مرت الاحياء لانه كان كثير اشويه ورسمات كثيره
وانا مااحب الحفظ عشان كذا صعب
الفيزياء الان سهل بس كل ماطلعتي مستوى زاد صعوبه اشوي لانه كله عن التخصص
وموظفين العماده مادري لمتى

[أحلى حلم ...]

حنين وربي انا شايله هم الرسومات اللي في الاحياء كثيييره مره لاني شفت ملازم لبنات ثالث
لاكن انا دحين إحياء و إذا حولت للفيزياء خلاص معاد اقدر أحول مره ثاانيه أبدا و خايفه احول للفيزياء و أندم وخاصه انه هالاسبوع فرصتي الوحيده في التحويل تقريبا ><
ياقلبوو قوليلي هيه المسائل قوانين و تعويض مباشر ولا لا ؟ و كمان تحسينوه يبغالوه تركيز ولا عادي وكيف زي الثانوي ولا مختلف مرره و اصعب ؟! و الاثباتات كثيره وطويله ؟ والتكاملات الموجود في الفيزياء كثير ولا لا بسيط مره ( اللي نستخدمها في الحلول مثلا )؟؟
لاني في الثانوي ماكنت احبه و ماشاء الله كنت أجيب درجات حلوه فيه يمكن لان الستاذه كانت تحدد لنا !!

و اسفه وربي تعبتك معاايه كثييير >_<

وكمان يا ألاء
ياليت تقوليلي هوه البيانات على الرسوم لازم تكون إنجلش ولا لا ؟؟؟
والقسم العملي انا شوفت انوه كثييييير رسمات و كل البيانات تقريبا إنجلش ؟!!!
كيف يكون إختبار العملي ولا مافيله إختبار ؟!!! ( يعني يكون مع النظري على ورق ؟!!!)

ومشكورين حبايبي لانكم افتوني كثير ><

[حنان الريم]

الله يكتبلك كل خير

[حنين كلي حنان]

شوفي ياقلبي اذا خايفه من الاحياء وانتي من النوع الي مايحفظ يحفظ كثير ويحب يفهم انصحك تحولي فيزياء احسن والمسائل مره حلوه قوانين وتعويض بس لازم بعضها فيها لف ودوران ويبغالوه تركيز اشوي واحسه اسهل من الثانوي بكثير والاثباتات مي كثيره مره وبعضها طويل والبعض لا بس سهله مره وحلوه
والتكامل نفسه الي في الثانوي والي اخذناه لاحد الان مو كثيرر مره وبعدين الكاتره مره عسولين وطيبوين واالا سئله مره خلوه واضحه وسهله بس يالله ياحلوه لازم تقرري من الان تبيغي فيزياء والا تستمري في الاحياء واستخري ياقلبي والله يكتب لك الي فيه الخير

[أحلى حلم ...]

وربي صرت خايفه مرررره من الاحياء لاكن الكل يقلي الاحياء أسهل حتى لو ماتحفظي!!!
أما بالنسبه للفيزياء حلو مادامها أسهل من الثانوي ^^
لاكن من جد اليوم لازم أقرر أحول ولا لا وخاصه أنه أحنمال أخر يوم للتحويل ><
لاكن وربي حاجه تقلي أذا حولتي راح تندمي ><
طيب حنين فيه أشياء تلخبط ؟!! ولا لا ؟؟ وليش البنات يخافوا من الفيزياء ؟؟
و أدعولي لاني أذا حولت دحين من سابع المستحيلات أقدر أحول بعدين ><
وربي نفسي ابكي >_<

[حنين كلي حنان]

احلى حلم انتي اذا حاسع انك مرتاحه في الاحياء خلاص لاتحولي والاشي والفيزياء
مافيه شي يلخبط كله مرتبط ببعض البنات يخافوا من اسمه وعشان متعقدين من الثانوي
ربي يوفقك ويكتب لك الخير ياقلبي واستخري ياحلوه قبل ماتحولي

[أحلى حلم ...]

حنين من جد اسهل من الثانوي ؟!
لان وحده قالتلي انها كانت تحبه في الثانوي ولما تخصصت كرهته ؟!!
طيب ياقلبو فيه اشياء زي معادله شرودنجر ومدري مين هذه خطوات وما تتغير الطريقه ولا لا ؟!
وكمان بليز إذا تعرفي أحد طالع للمستوى الخامس إحياء كيف البيانات اللي على الرسومات هيه عربي ولا إنجلش ؟!
تخيلي رحت للعماده وسلمت أوراق التحويل وكل حاجه ورجعت وسحبتها و احس اني ندمانه و خايفه كمان
لما أجي أبغى احول للفيزياء ( لما أكون أمام الامر الواقع في التحويل ) أحس نفسي خلاص مو قادره أمشي حتى !!
إحتمال أروح بكره لاكن مو قادره أدعيلي اني اتشججع و أقدر أحول إذا كان لي فيها خير >_<