اتسكنتٍ تمريض ..؟ تعالي ياقميلة ..

[fto0o]

المشاركة الأصلية كتبت بواسطة dr.nurse فتوو / الله يعطيك مليون عافية على الي عملتيه بالموضوع جداً رائعة بل وأكثر ، والشكر موصول لــ عذاري الإبداع أما موضوع تحويل القسم لكلية ، تأكدوا بأنه مّر بمراحل أليمة يقف خلفها أشخاص عملوا الليل بالنهار ، وكانوا يعملوا 12 ساعة يومياً من 8 صباحاً إلى 8 مساءً معليش ع التعديل المفاجيئ بس الكلمة جات ع الجرح جداً .. احنا جينا بعد مالكلية انفصلت .. بس الكركبة الي عشناها وتوتر الكلية بكبرها كان اكبر دليل ع الازمات والعقبات الامنتهية الي واجهها طاقم الكلية ليرتقو فيها للمستوى الحالي .. دايماً ماكنت اردد للي حوليني .. "التمريض القسم الوحيد الي بيشق طريقه بعرق جبينه" لكن تذكروا بأنكم انتم الأمل .. و مستقبل المهنة

بإزن الله كلنا حنكون..
والله يعاافيك وماسوينا الا الواجب في حق اخواتنا الصعنطوطين

بس معليش عندي سؤال .. << دنيا دوارة وقسم

دحينا احنا اختصار nurse الي ينحط قبل اسمنا ..
Nr ولا rn ؟؟؟

الي اغلب الناس مستعملتو nr لاختصاره كلمة nurse بس مدري ليش انا احس انو الرسمي لنا rn ..

ادري انو مجملا غالبا مالنا اختصار قبل اسمنا .. بس والله انو سؤال محيرني

[Dr.candy]

ايش الجمال داا

انا دخلت الموضوع واتحمست
و قلت اقرأ اشوف مين دي البنت ماشاء الله
واستغربت
.. قمت اقرا واضحك و بعدين استوعبت و قلت ..

فتووو فتوو فتوو
هووا انتي يا بت ..

يسعدك يا جميلة الجميلات ..

موضوع جداً جميل .. الله يعطيكي العافية يا شيخة

طبعا بما اني دحين انتيرن وعجزت وكدا لوول

ايا شي تحتاجوه مني
انا موجودة ..

لا اوفي حقكم انتي و عذاري السموات
ولكن شكرا لكم من القلب ..

[Dr.Shaikhah]

ماشاء الله موضوع بطل

عساكم ع القوة نيرساتنا الجميلات =)

[Dr.Nurse]

المشاركة الأصلية كتبت بواسطة fto0o بإزن الله كلنا حنكون.. والله يعاافيك وماسوينا الا الواجب في حق اخواتنا الصعنطوطين بس معليش عندي سؤال .. << دنيا دوارة وقسم دحينا احنا اختصار nurse الي ينحط قبل اسمنا .. Nr ولا rn ؟؟؟ الي اغلب الناس مستعملتو nr لاختصاره كلمة nurse بس مدري ليش انا احس انو الرسمي لنا rn .. ادري انو مجملا غالبا مالنا اختصار قبل اسمنا .. بس والله انو سؤال محيرني

اهلاً و سهلاً

الاختصار هذا : لــ : (Registered Nurse (RN
أي الممرض المسجّل ، المتخرج من كلية تمنح درجة البكالوريوس ، والمصنّف من هيئة التخصصات في بلده كأخصائي تمريض

بالتوفيق إن شاء الله

[ابرار غروي]

-




اول حاجة مرا مرا مرا شككرا ع الموضوع


قصتي مع التسكين /
كان نفسي ادخل صيدلة و حابة التمريض كمان وأول ما نزلت النتائج
زعلت شويا بعدين قلت الحمدالله الخيرة فيما اختاره الله وبابا مممرا حاب التمريض
أحسه فرحان اكثر مني ، باذن الله اجتهد واجيب أعلى الدرجات وماراح احول لانه
مقتنعه قناعه تااااااامممههه بالتخصص


أسئلتي :$

كيف اول سنة من ناحية المواد أحس مرا ضغط وأفكر أني اخلي
الثقافة والعربي صيفي اقدر ولا لا :( !؟

قرات ف موضوع انه في مادة نروح نعطي تطعيمات للناس وكدا
صح ذا الكلام ولا انا فهمت غلط ههههه ؟

ويعطيكم الف عافية ، الله يجعله ف موازين حسناتكم يارب ❤❤

[fto0o]

المشاركة الأصلية كتبت بواسطة ابرار غروي - اول حاجة مرا مرا مرا شككرا ع الموضوع طيب اول حاجة مرا مرا مرا عفوا وماسوينا الا الواجب قصتي مع التسكين / كان نفسي ادخل صيدلة و حابة التمريض كمان وأول ما نزلت النتائج زعلت شويا بعدين قلت الحمدالله الخيرة فيما اختاره الله وبابا مممرا حاب التمريض أحسه فرحان اكثر مني ، باذن الله اجتهد واجيب أعلى الدرجات وماراح احول لانه مقتنعه قناعه تااااااامممههه بالتخصص نورت نورت ^^ ماشالله اللهم ادمها عليكي دايما .. ماتعرفي قدي ايش القناعة حقيقي راحة للقلب والبال وشي حقيقي تُغبطي عليه من قبل ناس كتير بزات في الوضع دا فدايما اتمسكي بقناعتك ورضاكِ واحمدي الله عليها .. لانو الناس منجد سارت ماتعرف ترضى ولا تقنع بالي عندها وهادا الشي ماحيتعب احد غيرهم .. << مااتكلم ع التخصص اتكلم ع الحياة .. التخصص لو كلام تاني قيد انقال وانعاد كتير ومافي مشكلة نعيدو بس لاحد يغلط غلطات الي قبلو فدايما قولي الحمدلله واشكري رربنا عشان يحافظلك ع النعمة الكبيرة دي , قال تعالى { ولئن شكرتم لأزيدنكم } << اش دا كلو :| المنتدى نمى فيا حب الفلسفة الله يهديه أسئلتي :$ كيف اول سنة من ناحية المواد أحس مرا ضغط وأفكر أني اخلي الثقافة والعربي صيفي اقدر ولا لا :( !؟ والله للأسف انهم مواد اجبارية .. ازا مااخدتيهم في الصيف الي يسبق السنة الي المفروض انها نازلتلك في جدولك .. حتاخديها كما هي في الجدول.. بالعربي لا ماتقدري تأجليها للصيف .. يعني ياتاخديها قبل الدفعة وتنحزفلك من جدولك .. ياتاخديها معاهم .. فحاليا ماتقدري تاخديهم صيفي الا المستوى التالت والرابع للثقافة الصيف الجي.. الي هما المفروض تاخديهم اجباري سنة تالت .. << بس ثقافة عشان احنا مانقدر ناخد صيفي الا مواد عامة .. وعشان العربي بس مستوين حتاخديهم الترمين الجيين ف حتخلصي منو السنة الجيا . سمعت انو مداكم انتو قبل التسكين حتا تسجلو وتاخدو الصيفي دا الي دوبو حيخلص كم مستوى بس ماشفت الا وحدة من صحباتي في الطب اخدتو فماني متاكدة فعلياً المووضوع دا .. على كل .. قيدو الصيفي خلص وقيدك حتاخديه اجباري السنة الجيا x'dddddd << فهمتي صح؟ الصراحة ماحكزب عليكي واقلك مو ضغط واعشمك وتنصدمي بس ترا كلنا في الكليات الطبية اول سنة وبزات اول ترم يضغطونا ضغط اليم عشان التحضيري اخدت سنة كاملة من التخصص ف يحاولو يعوضوها في اول سنة .. بس والله عادي مو داكا الشي القاتل .. هوا ضغط بس عادي مداكي تماشيه واحيانن لمن حتلاقي نفسك فاضية حتستغربي بس معليش هوا بس اول ترم كرف بس بعدينا يتخفف الوضع ويسير احسن حبتين يعني احنا كنا العام ناخد 8 مواد .. دحينا ناخد 4 ماعليكي حنساعدكم والستف كلو حيكون معاكم ويساعدكم وعموما التخصص لا يقارن بالتحضيري فـ معليش تلاتة سنين وحتخلصي وووووو بمناسبة انك كنتي حتدخلي صيدلة .. لو تعرفي وحدة من صحباتك دخلت .. احب اقلك راقبيها طوال السنة واعرفي اخبارها وتحبي التمريض وتقتنعي فيه اكتر .. انتي ماتتصوري قدي ايش احنا التمريض مع كيمة الضغط الي مضغوطينه .. بنلعب جمب الصيدلة الصيدلة دا كرف من نوع اخر .. الافضل مااحكيك عنو قرات ف موضوع انه في مادة نروح نعطي تطعيمات للناس وكدا صح ذا الكلام ولا انا فهمت غلط ههههه ؟ وي ! :1 4: << الفيس خرب من الصدمة x'ddddd فهمتِ غلط بزمة ! تخيلي نروح نعطي تطعيمات في مادة من المواد؟ يووووولد ام الحماس وقسم بس لا شكلك قريتي عن حملة من الحملات اتطوعنا فيها .. زي شلل الاطفال وكدا .. لاتخافي ماعندنا اشياء حماسية لدي الدرجة تكون اجبارية ويعطيكم الف عافية ، الله يجعله ف موازين حسناتكم يارب ❤❤

يارب امين اجمعين بازن الله

[fto0o]

المشاركة الأصلية كتبت بواسطة dr.nurse اهلاً و سهلاً الاختصار هذا : لــ : (registered nurse (rn أي الممرض المسجّل ، المتخرج من كلية تمنح درجة البكالوريوس ، والمصنّف من هيئة التخصصات في بلده كأخصائي تمريض بالتوفيق إن شاء الله

واللهي كنت عارفة يختي عليا << فين البنات افقعهم قعدنا نضارب عليها وقت

شكراً جزيلاً ي دكتررررررر

[fto0o]

المشاركة الأصلية كتبت بواسطة Dr.candy ايش الجمال داا انا دخلت الموضوع واتحمست و قلت اقرأ اشوف مين دي البنت ماشاء الله واستغربت .. قمت اقرا واضحك و بعدين استوعبت و قلت .. فتووو فتوو فتوو هووا انتي يا بت .. << الحمدلله على سلامة الوصول يسعدك يا جميلة الجميلات .. موضوع جداً جميل .. الله يعطيكي العافية يا شيخة طبعا بما اني دحين انتيرن وعجزت وكدا لوول ايا شي تحتاجوه مني انا موجودة .. لا اوفي حقكم انتي و عذاري السموات ولكن شكرا لكم من القلب ..

يؤ استحيت


ي اهلللللللللللن بـ ياااااااااااد نورتي ونور المكان كله واللهِ
خفي علينا يا انتيرررررررن .. << اسمعي لايغرك تراكي من يومك عجوزا

انا ماحمسني وخلاني اعمل كل دا الا الضياع الي ضعناه لمن كنا مكانهم حقيقي مازلت افتكر مواضيعك وقتها ..

يبالي اجمعلهم هيا كلها وانزلها هنا ..
ع العموم
شكراً ي البي والله ماتقصري و عفوا لكِ من الكيبورد x'P

خلاص طيب ح امشي لاتدفي

[R..F]

انسحب علي :)

[fto0o]

المشاركة الأصلية كتبت بواسطة r..f انسحب علي :)

مين قال انسحب عليكي -.-

انا والنادي وينسحب عليكي .. ؟؟َ!!
افأأ والله ماعرفتيني لسع هععععع


الصراحة الموضوع يبالو صور وحركتات يحتاجلها شغل حبتين .. ف استني شوية عليا و ح انزلو في موضوع منفصل لحالو ان شاءالله ^^

عشان خاطر عيون بعض الناس ياهمي x'p