سكته قلبية أو جلطه بالدماغ !!

[المحروم..@]

شوفي يا اختي ..
بقولك شيء ونصيحـة
حاولي تطورين نفسك بالصيفيه هذه بالانجليزي
مو تعرفين عشرين كلمـة وتقدرين تطلبين من مطعم قلتي خلاص انا انجليزيتي حلوة لا لا الموضوع طويل وعريض
شوفي .. انا مثلك .. دخلت التخصص وانا منتسب ولا افقه شيء والحمد الله باقي لي ترمين واتخرج
اسمعـي بعطيك نصائح جربتها
1- استفيدي من برنامج قوقل بالترجمـة .. حاولي اي شيء انجليزي تشوفينه بالمواقع وبالانترنت تترجمـينه .. ( نسخ ولصق .. وتنطقينه واذا قدرتي تكتبينها يكون أحسـن )
2- شوفي مقاطع يوتيوب قصيرة بالانجليزي عشان ما تطفشين .. فيه حلقات يوتيوب كثيرة ورائعة تابعيها باستمرار بتطفشين بتحسين انك مو فاهمه شيء بس شوي شوي بتأخذين كلمات وتترجمينها وشوي شوي بتفهمين الكلام
3- انصحـك وهذه اهم شيء عندي .. اقري جرائد بالانجليزي .. مقالات ويكبيديا بالانجليزي أقري كثـير .. ترجمي ترجمي بقوقل .. بتتعبين وتطفشين وتقولين وش ذا القلق بس والله راح ينفعـك
4- لا تركزين بالمحادثة كثير أنا عن نفسي ما اعرفها المحادثة وضعيف فيها بس اهم شيء تعرفين تقرين
5- التويتر .. عالم ثاني ورائع للتعلم الانجليزي .. اضيفي امريكان يكتبون النكت بالانجليزي وحكم .. وعندي ناس كثـير اذا تبين افيدك .. راح تستفدين كثير وتحفظين كلمات كثير
6- طبعاً بعد ما تسوين الخطوات هذه مع الوقت تلقين نفسك تقرين بدون ترجمـة وتلقين نفسك ما تفهمين او ما تعرفين معنى بعض الكلمات بس .. راح تفهمين الجملـة وهذا الأهـم ..( طبعاً قصدي مع الوقت .. يعني مو وقت طويل اسبوع اسبوعين )
7- اذا انتي تجلسين كثير بالأنترنت حاولي تطورين نفـسك بالقراءه تراها اهم شيء .. وركزي على الجرائد والقصص القصيرة وقصص مدري وش اسمها اللي تكون محادثات تكون قصيرة ورهيبه ومسلية
8- خلي اهتماماتك امريكية واوربية .. حاولي بقدر الأمكان تركزين بالأنترنت عليهم
صدقيني راح تستفدين بالطريقة هذه وخاصة بالقراءه لأن القراءه اهم شيء فيها انك تقرين الجملة كاملة وتنتهي الجملة وانتي فاهمـة
..
انا اول كنت اقرأ الجملة واترجم كل كلمـة ومع ذلك مدري وش السالفه وهذه معناها اني كنت ما اعرف اقرأ ولا اقرأ كثير
بس اذا قريتي كثـير .. راح تستمعين وتتوفقين
والله يوفقك يارب

[cool2011]

لا حولا ولا قوه ال بالله .
وش هذا الكلام تحوييل من القسم لا لا الكلام هذا مايصلح واللي يشوفك يقول انك بتتوضفين على طول اذا غيرتي هذا القسم مصيرك بتجلسين كم سنه فاضيه لا شغله ولا عمله
شوفي ياست شوقا
عدم التدرج بالتعليم هو اللي سوا فيك كذا يعني مثلا على طول اختبرتي على ريدنق كولج 3 طيب وين 1و2 !!!!!!!
مادرستيهن طبعا وهذي سلسله مفروض بالتدريج والمستوى الله بالخير زي حالتنا قبل
شوفي انتي لازم تعالجين المشكله باسرع وقت
يعني تطوري نفسك بكم هائل من الكلمات
اذا تبين نصيحتي احفظي جميع كلمات ريدنق 1 و2 في هذه العطله بعدين ابدي بالريدنق 3 وحفظي كلماته وتدربي على جميع الاكسرسايز مره و2 و3
للمعلوميه عدد الكلمات اللي هي تعتبر الكي وورد لكل قطعه في ريدنق 1و2و3 بالظبط 1200 ومعاك وقت طويل حتى تحفظيه نطقً وكتابتاَ ومعنى اشتري هذه السلسله وحملي الكلمات من موقع الكتاب
واللي مريتي فيه كنا فيه لكن ماياسنا ولا كلينا ولا ملينا والفشل ماهو بالرسوب الفشل بعدم الاستمرار
اسئل الله لكي التوفيق هذا والسلام.

[p!nk1]

والله كلامهم يرفع المعنويات ,,
اخت شوقه انا مثلك حملت الريدنق ثاني بنشد حيلنا فيه وربي يوفقنا ...
وحسبي الله ونعم الوكييييييل.......

[JokeR7]

و الله يا أختي اذا امداك تطوري لغتك من خلال معاهد أو على الأقل أحد متمكن في الإنجليزي في العائلة فهذا طيب

و اذا على قولهم طابت من القسم هذا

فاستخيري و في باقي الأقسم خيرة و الرزق بيد الله سبحانه

بالتوفيق

[Brilliant Shores]

وعليكم السسلام ورحمة الله وبركاته ,,

ليــــه ياقلبي هالتحطيم ..!! من أولها كذا

لا إن شاالله انتِ قدها وقدود ترى طبيعي العثرات اللي في البداية وبعد كذا تمشي أمورك تمام

القسسم فعلا يبغى له كفاح لكن مجرد ماتوصلي للتخرج تحسي إنك انجزتي والله شي يخليكِ فخورة في نفسسك

خليكِ مكافحة وصبورة وطوري نفسسك بإستمرار خصوصاً دحين في الصيف وإذا بغيتي أي مسساعدة

نسساعدك ومايردك إلا كيبوردك ياقمر..~
.
.

بالتوفيق وعقبال مانبارك لك بالتخرج يــــــآرب ,,

[جوري الغربيه]

وانا كماإاإن نفس حالتك بالضبط! !!!!! .. بعد تعب وسهر وترجمه وهم وغم وفي النهايه احمل
الريدنق للمره الثانيه! !!!! كان عندي طمووح كببير ومادخلت الجامعه الا عشان اوصل لهالقسم لكن كل طموووحي تبخر وراإاإح! حسبي الله على اللي كان السبب. . مناهج المستوى الثالث فاشله وماتناسب طلاا ب في بداية التخصص! المفروض المواد اللي ندرسها نتعمق فيها ع القرمر اكثر واكثر نتعلم الاساسيات مزبوووط وبعدين يدرسونا موادهم الهبله ذي! السمرايز والخرابيط هذي!
انا جدا تحطمممت وخلاص قررت احول علم نفس! .. انا ربة بيت وعندي اطفال وابغى اتخرج وافتك من هالجامعه وخلاص ماعاد يهم القسم اللي بتخرج منه! تعبببببت وربي تعبت حسبي الله عليهم
..
نفسي اعرف كل جامعات المملكه تدرس اللغه الانجليزيه بهالشكل ؟ والا جامعتنا احنا وبس ع اساس انو احنا كنديات وكذا! !! ... المهم اللي يعرف طريقة التحويل من قسم لقسم بقولي. . وهل لو ارسلت معامله الكترونيه يمشي الحال ؟؟ .. وانتي ياشوووقه. . شدي حيلك حبيبتي والله يوووووفقك يارب وتوصلين للي ماقدرت انا اوصله

[ميرال عسيري]

الله يعينك ولاتهتمي وتتذكري انك رسبتي اعتبري المادة جديده عليك كل مافي الامر ذاكري اكثر حتى لو كل فصل باسبوع او اسبوعين حفظ وراح تعدي هالماده وماابغى ازيد ع كلام الاخوان والاخوات ماقصروا وتاكدي واعتبري ممن سبقك انه حمل الماده اكثر من مررره واجتازها وللمعلوميه والله ان اصعب سنه هي السنه الاولى حتى يمكن سياسة الجامعه مايعدي الي الي ناجح عشان ماينضغطو في القسم في قسم الطلاب نواجه بعض الدكاتره الي يطفشون الطالب سواء طريقة اسئلته اوصعوبتها وفي المراحل المتقدمة كل شي يهون واتوقع لانها جديده على كل شخص طريقة المذاكره وطريقة الاسئلة افهميها زييين وراح تضبط امورك اسال الله ان يوفقنا جميعا

[صدر السحاب]

علقي حبل في المروحة واشنق نفسك واذا متي حاول تكملين امزح هههههههههههه
اختي العزيزة التخصص مرررررررره حلو وسهل وانا احس انك بتمشين مثل ما قالوا الاخوان مواد البيسك شوية صعبة والباقية إن شاء الله سهلة واذا كان عندك رغبة وطموح لا تخافين وترا فية مدرسين يفكون شفرات صعوبة المادة اسألي مجرب وحاولي تقرأين واجد وتسمعين ولا تفكرين تغيرين التخصص على مسؤليتي لو كنت اختبر عنك

[D.KAU]

الله يوفقك دنيا وأخرة وإن شاء الله تنجحييييين في المرات الجاية

[shoqa]

مشكورين على النصايح الجميله وان شاء الله نعمل بها
انا اعتبر الــ f مجرد حافز لي بس بالبدايه اتحطمت
ولكن لكل جواد كبوه وراح تعدي بإذن الله
الله يوفقكم كلكم وتفرحوا بنجاحكم يا رب..