القدراااااااااااااااااات

[زينهـ ونحول]

بنت المملكة

كلامي مو متناقض ولا فيه شي .. ولا تحسبي نسبتي واطيه !!! لا نسبتي بعد عاليه 95 ..

وانا قلت لانو مو بس جا لصالحي ..

اوكي يعني هو جا لصالحي ولانو يبن المستويات .. افهميها زي ماتبغي ..

ادا انتي سهرتي وكرفتي كلناا سهرنا وكرفنا وادا في ناس كثير سهروا وكرفوا في ناس اكثر معلماتعم يعطوهم الاسئله ع الجاهز .. وهدا اكبر ظلم ...

لا والله في الناس جابوا الدرجه العاليه ومستواهم اصلا معروف نازل وغبيه وجاء معاهم بالحظ .

مستحيييييييييييييل .. اول شي ربي مايضيع تعب احد لو ايش ماصار ..

وتاني شي ماتدري يمكن هدي البنت الغبيه اللي تتكلمي عنها هي مو غبيه بس دكيه ومتساهله فهمتي ..

يعني ادا البنات اللي نسبهم عاليه ماجابوا هديك الدرجات ربي كتبلهم هدا الشي وربي مايضيع تعب احد ولا جهدو ..

مع اسئلة المعلمات واسئلتهم شوية يبغالها تفكير. ( اتمنى انكم تفهموا قصدي )

وفي معلمات جابوا اسئله تافهه حتى الغبيه واللي ماتداكر حلتها !!! ولا ماتيجي ؟؟ ..

خلونا واقعيين شويا في ناس قدرت تاخد النسبه العاليه من غير تعب وهم مايستاهلوا والقياس خلصنا من الظلم اللي كان بيصير ..



وبعدين ليش كلكم زعلانيين عشان قلت جا لصالحي ؟؟!! ..

[زينهـ ونحول]

أين العدل ؟؟ برأيي أن القياس هو الحـل

:) ..

[بنت المملكة]

وبعدين ليش كلكم زعلانيين عشان قلت جا لصالحي ؟؟!! ..
لا والله أنا مو زعلانه انوا بصالحكـ بالعكسـ فرحانه أنو دخلتٍِ الجامعه وان شاء الله ربي يجعل كل دربك فرح في فرح ..:)
قال قرة أعيننا الرسول صلى الله عليه وسلم (لا يؤمن أحدكم حتى يحبُ لأخيه ما يحبوا لنفسه )
وثاني شئ أكييييييييييييييييييييييييييييييييييييييد انوا ربي ما يضيع تعب أحد .. ميه بالميه .. وهو من الله عزو جل اذا رايدلك جامعه أو غيرهـ .
صدقـ راشد الماجد <<< دنيا حظوظ .................. أكملوا ..ههههههههه:):):)

[respect]

أنا برأيي أشوف إنه لازم منها كتحديد مسوتى للطالب

بالرغم إنو درجاتي تمشّي الحال ، بس طموحي كان أعلى من اللي جبته بكثيررر

بالنسبة للقدرات .. ما يتعلق بالمواد الدراسية ، فقط يقيس سرعة استيعاب الطالب للسؤال ومدى اتساع عقليته

أما التحصيلي .. فكرته شوية شديدة ، وبالنسبة ليا انا مرره تعبت فيه لأني متخرج من نظام المقررات وفي مواد منتهي منها وأنا في ثانية على سبيل المثال في الصف الثالث الثانوي ما درست ( فيزياء ولا أحياء )
فواجهت صعوبات في استرجاع المعلموات وغير كده التوقيت كان سيء نوعا ما .

لكن بصفة عامه الاختبارين جدا جدا مهـــــــــــــــمه

اتقبلوا رأيي وشكرا عالموضوع

[senuritta]

اكرر للمره الثانيه<<< ليش فتحتوا السيره <<ضربتوا ع الوتر الحساس

ما يحدد القدرات لان من الاساس ما في وقت تفكري في السؤال بصراحه انا كنت احل
قصدي اختار الاجابه وانا ماقرات السؤال من الاساس بس مو في كل الاسئله بس اغلبها كذا
<<<<خخخخخ ويقولون يحدد قدرات

المفروض يسمونو اختبار اليانصيب <<<لايق

بس مدام ان الاسئله من المعلمات يعني واغلب المدارس يدونهم الاجابات ويساعدونهم في الدرجات فالقدرات ينصف بس في حال انهم طورو واهلوا الطلاب والطالبات للاختبار بدورات واختبارات تجريبيه تكوون ببلااااش// ((يعني ما يكون فيها استغلال للطلاب والطالبات))

[respect]

ما يحدد القدرات لان من الاساس ما في وقت تفكري في السؤال بصراحه انا كنت احل قصدي اختار الاجابه وانا ماقرات السؤال من الاساس بس مو في كل الاسئله بس اغلبها كذا <<<<خخخخخ ويقولون يحدد قدرات

على فكرة تختلف العقليات من شخص لآخر
اعذريني ما اقصد اني استنقصك حتى انا في اسئله اختار اجوبتها تأليييف ، لكن مو على طول أحاول أفكر وألاحظ أقرب إجابة واختارها واذا مره قفلت معايا اخترت أي حاجه
لكن صدقيني أختي تتعلق بالبديهة عند الطالب .. هذي اختبارات عقلية جدا متسعة حتى استيعابها صعب أحيان او يمكن انا ما اعرف كيف اشرحها ، لكن حاولي تعرفي بعض الاشياء عن IQtests

(( على فكرة انا ما دخلت اي دورات ، زيي زيكم ))

بالتوفيق

[Shy smile]

أنتو ترجعون وتقولون عشان في مدارس تعطي بناتها الأسئله

طيب أنا ايش ذنبي اكرف سنتين كاااااامله وكل الكتاب معاي من الجلده للجلده وغيري معاه ورقه وحده


وعشان الإنصااف نسوي اختبار قدرات

ليش ما نعالج الأساس ليش نحط حلول سطحيه أنا ما اقول انو اختبار القدرات مو مهم بالعكس مهم كتحديد مستوى بس روحو شوفوا الاسئله الأسئله منجيه من كتبنا الدراسيه جايه بنفس الصيغ شلون صارت تحديد مستوى

إذا بتقولون انصاف وعدل بين البنات المفروض الوزاره تشدد على هالمدارس وتمنع التسيب


أنا أؤيد اختبار القدرات بس مو بصيغ هالأسئله

[senuritta]

ما لاحظتوا شي في الموضوع


البناااااااااااااااااااات.....أغلبهم معارضين

والشبااااااااااااااااب ....مؤيدين<<<<لا تنسون انكم حفظتوا اسئلة القدرات من كثر ما اختبرتوها

مو احناالاختبار الاول والاخير

[Suhail]

المشاركة الأصلية كتبت بواسطة senuritta والشبااااااااااااااااب ....مؤيدين<<<<لا تنسون انكم حفظتوا اسئلة القدرات من كثر ما اختبرتوها مو احناالاختبار الاول والاخير

مرة وحده اختبرت

و معظم الشباب مرة وحده نادرا اللي يختبرون مرتين

[القمره]

مشكورررررييييييييييييييييين على التفاعل وتبغون الصدق هو موضوع يستحق ان الواحد يطرح رأيه فيه بس انا قريت الردود وماتوقعت تكون ارائكم بهذه الطريقه يعني انا احترم وجهة نظركم بس ماتوقعتها
وأنا أعارض الي يقول ان اختبار القدرات اختبار حظ ممكن يكون الحظ فيه بنسبه بسيطه بس مو لدرجة يكون يعتمد بدرجه اولى على الحظ ((هذا من واقع تجربه)) واقولكم ليه لأنه انا عني صح نسبتي ماكانت عاليه في الثنوي يعني هي كانت 93 ملاحظه: 97 في سنه ثاني و90 في سنه ثالث شفتوا الفارق الكبير لانه صارت لي ظروف نفسيه وصرت ماهتم ولا احس بالاحساس الي كنت احسه بسنه ثاني ثانوي وطول ايام دراستي من الابتدائي الين ماوصلت ثالث ثنوي قلت لكم صارت لي ظروف نفسيه مادري وش اسبابها لكن الحمد لله اختبار القدرات انصفني مع اني مادخلت دورات ولا شي بس اشتريت كتاب واحد من جرير وتدربت عليه واصلا ماجا شي منه مجرد تدريب وبسيط كمان لكن انا توكلت على ربي وماحليت كذا يعني اختار الاجابه بعد تفكير وحل للمسائل وانا اشوف انه هذا الشي يعتمد على سرعة الاستيعاب وثقافة الانسان يعني الحظ فيه نسبه بسيطه وصح انا لي في الثانوي زميلات كانت نسبهم عاليه يعني مثلا 98 بس هذا من المذاكره وفي زميلات جابوا نسب في الثمانين وهذا من الاهمال يعني الي كان يختلف هو الحرص فقط مع تساوي القدرات وهذا اثبته اختبار القدرات وطلعت نتايجهم متشابهه تقريبا فيه وهذا رايي انا مع بعض الادله الي خلتني ابني رايي على هذا الاساس اما اختبار التحصيلي فانا من رايي انه للحظ نسبه كبيره فيه مع ان نسبتي كانت مرضيه فيه يعني مابنيت رايي على اساس نسبتي
وسلااااااااااااااامتكم