تجمع طالبات الجغرافيا(اللي انقبلت جغرافيا تدخل)....

[حنان الريم]

اميييييين اجمعيـــــــــــن ياااارب

الله يحييييك عندنا وعقبال الماستر والدكتوراه

[ناعمة العود]

تسللللمي يااقمرر..

وعقبالك انتي كمان....

الله يوفقنا كلنا ان شاء الله...

[MISS EZ3AG]

السلام عليكم ..
أول مشاركه لي هيناا
سجلت مخصوص عشان هالموضوع
أنا خريجة جغرافيا .. تخرجت هالعام .. وأدعولي أجمعين أتوظف <- خذي الوثيقة أول خخخخخخخ
أي اسئلة أنا حاظرة .. (( عن التخصص .. عن الاستاذات والدكاترة.. عن المناهج))

[اسلي حالي المنسي]

ههههههههههههههههههههههه

تبغي تتوظفي بدون وثيقه

المهم وانا كمان الله يحييني عندكم خريجة هذي السنه وانتظر الوثيقة

اي استفسار انا حااااضره اي طلبات انا حاضره ...التوصيل مجاني ههههه

[ناعمة العود]

miss ez3ag

اسلي حالي المنسي....

الله يحييكم ياحبايبي...والله انكم ذووق...

أنا أبغاكم تكلمونا عن القسم عامة ...أحسن شي أسوء شي..
اش رايكم في القسم والاساتذة....نصايحكم لنا بحكم معرفتكم السابقة...

ولمن نبدء دوام اتمنى تكونوا متواجدين لاننا رح نحتاجكم كثير....
ماعندي اسئلة معينة بس اش يعني ..
تدريب عملي بإستخدام نظم المعلومات الجغرافية؟؟؟

والله يجزاكم خيير...ومشكورين على تواجدكم...

[MISS EZ3AG]

المشاركة الأصلية كتبت بواسطة اسلي حالي المنسي ههههههههههههههههههههههه تبغي تتوظفي بدون وثيقه المهم وانا كمان الله يحييني عندكم خريجة هذي السنه وانتظر الوثيقة اي استفسار انا حااااضره اي طلبات انا حاضره ...التوصيل مجاني ههههه

ههههههههههههههههههههههههههههههه
شكلي آخرتها بأزور وثيقة
خخخخخخخخخخخخ

أنا أبغاكم تكلمونا عن القسم عامة ...أحسن شي أسوء شي.. اش رايكم في القسم والاساتذة....نصايحكم لنا بحكم معرفتكم السابقة...

قبل كل شي راح أقولك قصتي لأني شايفتك مترددة
أنا يآعسل كنت أعشق شي أسمه تربية فنية وكان هوسي فيه بشكل غير طبيعي وكنت أبي أدخل كلية الأقتصاد بحي الرحاب .. بس أمي كانت تبي جغرافيا وماحبيت أزعلها ودخلت
وربي كانت حالتي كذا طول الإجازة كنت أبكي وماكنت أبغاه .. بس سبحان الله كانت خيرة لي ورب الكون من أول مادخلت الكلية ربي سخر لي كل شي ويسره لي
تعرفت على أحلى صحبة والأهم إننا كنا نتعاون في التكاليف ونساعد بعض
(بحكم إنها ماكانت دفعتي أساسا)
وفوق كذا والأهم إني صرت أعشق شي أسمه جغرافياا
وهذا كله بفضل الله ثم بفضل أمي الغالية

نجي عند إستفساراتك

أنا أبغاكم تكلمونا عن القسم عامة ...أحسن شي أسوء شي..

شوفي يآعسل آلقسم عآآمة حلووووووو
وأحلى شي فيه إنك راح تلاقي في كل المناهج الكلام يعيد فيها نفسه
(جبال+سهول+تربة+بيئة)
مناهج مكررة بأختصار ( ممكن تكون نقطة إيجابية لكي وممكن تكون سلبية
(يعني لو كنتي من النوع اللي تفهمي أكثر من الحفظ حترتاحي وتستمتعي بالدراسة)
أما لو من النوع اللي يحفظ وبس حتتعبي شوي
بالنسبة لأسوء شي ..
مافي شي تقدري تقولي عنه اسوأ شي
بس أكيد كل تخصص وله صعوبته
بالنسبة للجغرافيا
1- يعتمد على الرياضيات
حتلاقي 3 مواد بالكثير معتمدة على الإحصاء (بس لا تخافي أغلب الأستاذات يسااااعدوا من هالناحية حتى أحياناً يجيبو بالأختبار نفس التمارين اللي بالمحاظرة

2- المواد العامة كثيرررة يعني التخصص يادوب

ملحوظة: أنا على الخطة القديمة وسامعة إنه فيه لخبطة وتجديد مناهج ومن ضمنها نظم المعلومات اللي سألتيني عنها .. بس أساسا تجديدهم غبي لأنهم حتلاحظي مطلعين مادة جديدة أو مادتين جديدة وباقي المواد عالخطة القديمة ..يعني إن شاء الله حتستفيدي من خبرتنا


أما بالنسبة للأساتذة

ودي اسرد قائمة باللي فاقعين قلبي
لكن مانبي تشهير
هههههههههههههههههه


اسلي حالي المنسي نرمي لها المايك وتعطيكم القائمه <- وهقتها خخخخخخخخخ





أمزح
فيهم المتعاونة والخلوقة وفيهم الخبيثة خخخ

( ترا مو بس قسم الجغرافيا وربي كل قسم وعندهم أساتذة يجيبون الأحباط هههه )
بس وربي حتى لو كانت فيهم خباثة
والله الشاهد أغلبهم يعطونا مراجعات ويرمون علينا أسئلة وتجي بالأختبارات
يعني فيه الزين وفيه الشين
أما بالنسبة لنظم المعلومات الجغرافية
هذا التدريب تبع الخطة الجديدة
وماعندي خلفية عنه عشان أكون صريحة
طالبات ثانية وثالث كلية هم بيقدروا يجاوبوكي أكثر مني <- ماتبلع هرجة المستويات

[ناعمة العود]

miss ez3ag


مشكووووووووووره يالغالية والله انك عسل...

كفيتي ووفيتي ...الله يسعدك يارب ...ومن ناحية تزوير الوثيقة انا انصحك تزوريها وترتاحي..خخخخخخخخخخخ
تسللللمي يااقمرر....

[كاساديا]

[color="darkred"]السلام عليكم جميييييييييييييعا..
وانا بصراحه رجعت فععلت البسوورد من جديد بس عشان ذا الموضوع,,
شوفي ياستي:
انا نفففس حالتك كنت ابا انجلش ورحت هناك كلي ثقه اني حنقبل ,لقيتهم اصلا اكتفو بعدد البنات واضطريت اخش قسم ثاني
قلت خلاص جغرافيا اقرب واهون شي..
لقيت انو حتى الجغرافيا خلاص,,طبعا انواع الاحباط ماااالقيت الا دراسات قلت يللا القى مقعد اول شي ويحلها حلال وبعديين في وحده الله يجزاها الف خير وين ماراحت من الموظفات شافتني منننهاره قالتلي تعالي في وحده بتحول وتبا دراسات..
طبعا ماصدقت خبر وطيررررران معاها وحولت وقتها ومصيبه عن مصيبه تهون..
طبعا اووول ترم ماكنت متقبله ولا اي شي لا بنات ولا كليه ولا دكاتره ولا اي حاجه وبس عند الشؤون عشان احاول الاقي اي فرصه احوول فيها لانجلش
المهم عدى اول ترم واتعودت ع الجو وحبيت التخصص ذا جدا كل يوم في شي جديد وكل يوم في شي يبهرني بصراحه..
عدت سنه اولى وبعدها ثانيه طبعا اتعثرت شويتين ورجعت وقفت تاني ع رجولي واتعرفت ع اروع صديقات وزادت ثقافتي الضعف لانو الجغرافيا مش بس سهول وجبال وطقس هيا ع قولهم علم العلوم كل شي فيها ,,
امما بالنسبه للانجلش ف لغتي ممتازه فاخذت كورسات ولله الحمد الاجازه هذي اخذت التوفل وناويه ع الالتز الصيفيه الجايه ,,يعني يا عسل يمديك اللغه تاخذيها من اي مكان واي وقت ولانو تخصص الانجلش مو صعب مميت بصراحه انا شفت موادهم وذهلت ع بالي اعرف ودافوره وكمان هما بياخذو ادب انجليزي مش لغه وترجمه يعني ف صدقيني الخيره فيما اختاره الله وابتسمي
....
اسفه ادري اني طولت بس كنت حابه اقولك تجربتي لانو بداية مشكلتك تقريبا زيي
بالنسبه للخطه الجديده راااااااااااااائعه فعلا في تخصصات فرعيه حتنفتح واكيد مو كلام الي هيا1-نظم المعلومات الجغرافيه
2-دراسات بيئيه
3-تخطيط عمراني
4-تنمية وموارد اقليميه
ويمديكي تشوفي كل هذا لما تخشي ع موقع الجامعه وخشي ع كلية التربيه للبنات للاقسام الادبيه
وشوفي الخطه الدراسيه للجغرافيا حتلاقي كل المواد وساعات التخصص
...
اسفه ع الاطااااله يا ناعمه والله يوفقك وين مارحتي يا عسل[/color]

[ناعمة العود]

مشكووووووووووووووووووووووووووووووووووووووووووره ياقلبي ..

شي حلوو منك انك فعلتي الباسوورد عشان الموضوع ...والقمر miss ez3ag سجلت كمان عشان الموضوع..

الله يسعدكم ...أخلاقكم عاليه من جد...

كلامك كلو صح ياكاساديا...أختي انقلش ومتبهدله المفروض تتخرج هاذي السنة بس ان شاء الله السنه الجايه تخلص..وتتخرج..
مشكوووووووره مررره بجد رفعتي معنوياتي انتي وكل الحلوات اللي دخلو الموضوع..

الله يسعدكم كللللللللكم ويوفقكم...

[لموووسة]

اهلين خيتوو

انا طالبه جغرافيا السنه الجايه ثالث ان شاءالله

على فكره كمان انا قبل لا اكون جغرافيا درست سنه كامله (ادب انقليزي )

ماراح اقولك سهل يبغاله دراسه وشده حيل مرره خاصه اول سنه

كل اللي يبغو انقلش يتوقعو يدرسو لانقوج بس تتفاجئي بمواد ادب وتدرسيها كإنك عايشه بلاد برا

المهم مابطول بكلامي عن الانقلش بس اللي حبيت اقوله لك انها خيره من ربي

وترى الجغرافيا اهون بكثير من الاقسام التانيه واستاذاتنا كمان احسن من كل الاقسام اللي بالكليه

احنا دخلنا بالخطه الجديده وبصراحه مره مره ضايعين

يعني المواد الي مفروض ندرسها بالتحضيري اخذتها الترم الماضي كل ابوها

صايره لخبطه ومدري بالنسبه للتفرعات اللي بتصير بالقسم راح تطبق علينا

ولا كيف لانهم ما ادونا اي خبر .!!

وحتى الخطه الدراسيه للقسم بين كل فتره والتانيه افتحها الاقي عدد الساعات متغير هع هع

كل اللي ابغاه اعرف راسي من رجولي يقوولو احنا بالخطه الجديده ودرسنا

مواد من القديمه مدري لخبطه كثير والتدريب ما ادري هالسنه بندرس بمدارس ولا غير ..

وعلى فكره بنات الجغرافيا انتو بفرع الفيصليه اكشخ فرع افرحو مين قدكم هع هع


اي سؤال استفسار انا حاااضره