مستقبل أطباء الأسنـان .. ( دعوة للمناقشة ) [مشــــرق بإذن الله]

[^_^ JOJO]

طيب معليش انا عندي سؤال بسيط
دحين طب الاسنان معروف انو اختلاط بس ابغى اعرف يعني من اول سنه اختلاط ولا مثلا بعد كم سنه يعني وقت التطبيق اوايش بالزبط ابغى اعرف يعني دراستنا تكون سوا ولا منفصلين لأني ابدا ما اتوقع نفسي ادرس مع اولاد والله مره احرااااج هههه...
معليش خدوني على قد عقلي هههه

[υикиσωи]

^^

ايش تقصدي بندرس اختلااااط ..!!
يعني انا اجلس في المحاضرة وفي الكرسي اللي جمبي ولد مسلا ..!... هع ..

[Glamor Mada]

good luck to our dentists ^^

[Glamor Mada]

Up .. for benefits ^^

[J-14]

مرحبا مشكووورين ع الموضوع الرائع
1-سبب اختيارهم لهذا التخصص ؟
ببساطه لاني من يوم ماكنت صغيرة كنت احلم فيه والاقي نفسي فيه وبصراحه كانت عندي 3 احلام بحياتي
1 -اني اكون رائده فضاءامش ياولد ..
2-اني اكون طياره حربيه قالك زي ابوي فديته <<بابا يقول لوماصرت طيار كان صرت دكتور اسنان
3 -اني اكون دكتورة اسنان الحمد لله ربي حقق لي اياه...
طبعا الاول والثاني شبه مستحيلين لي !! والثالث بذلت كل جهدي لاحققه لانو هو الوحيد اللي بقالي..
2- نظرتهم ورأيهم في طب الأسنان؟[color="rgb(46, 139, 87)"]
اعشقه واحبه وامووت فيه ومايهمني مدى صعوبته لانو عندي قناعه انو الواحد لا حب شي راح يبدع ويخلص فيه وراح اتحمل تعبه <<لاني احوووبه>>شكلي صرت نووومرسيه <<ههههههههه
3- [color="rgb(46, 139, 87)"]خبرة أحد أكبر منهم (من الأهل أو الأصدقاء) عرفهم عليه و حببهم فيه؟[/color]
الحمد لله والشكر مافي احد..لكن شكل ماما كانت تتوحم عطب الاسنان عشان كذا انا احووووبه <<ماما تكرهه >>لووول[/color]

[J-14]

المشاركة الأصلية كتبت بواسطة dr.yoyo يارب نفسي ادخل طب اسنان بس خايفة من التحضيري ادعلوي قولوا يارب يارا تدخل طب اسنان

ان شاء اللله حياتي راح تدخلي انت.. توكلي ع ربي وهو مايضيع تعب وجهد احد.. وشدي حيلك من اول السنه لاخرها ..

[Glamor Mada]

1-سبب اختيارهم لهذا التخصص ؟

انا والله ما اميل لتخصص عن تخصص .. يعني الطب عندي زي الهندسه مافي شي اميل له .. لكن دخلت طب الاسنان لانه ابويا يقول احسن شي من ناحية المستقبل هوا طب الاسنان .. وانشاءالله مع مرور الوقت رح احب هالتخصص

2- نظرتهم ورأيهم في طب الأسنان؟

اول ما انقبلت في الكلية .. دورت في قوقل وسألت عن هالتخصص بس ما حبيته الى الان :(

3- خبرة أحد أكبر منهم (من الأهل أو الأصدقاء) عرفهم عليه و حببهم فيه؟

ما اعرف احد عنده خبره بالتخصص ..

[J-14]

ان شاء الله تحبه

[Kaira]

السلاااااااااااام عليكم ^^
يلا حأجاوب على الأسئلة ..

1) سبب اختيار التخصص ؟؟
ممممــ والله الصراحة مو اختياري لكن ماما هية الي تبغاني طب بس أنا كان طموحي بعييييد تمام عن الطب مرة مرة مررررررررة وحكايتي حكايات مو حكاية وحدة
كان نفسي أدخل محاسبة أو ادارة أعمال دولية بس ماما رفضت مرة ونفس الشي بابا وكنت أبا أرامكو عشان أدخل هندسة فيها بس ربي ماأراد اني أجيب في القدرات والتحصيلي النسبة إلي همة طالبينها
فأضطريت أدخل تحضيري بعد ماأستخرت أكتر من مية مرة في جامعات السعودية كلها الي قدمت فيها وجامعات برة لكن ربي أختارلي هنا أدخل التحضيري ..
والحمدلله دخلت تحضيري علمي انتظام بس مرة فكرة الطب مو على بالي كنت أبا فيزيا أو تقينية نانو أو تغزية بس ماما أصرت عالطب
أنا عن نفسي مرة ماأحب الدم وأقرف وأخاف مرة وكمان أخاف أشوف ناس تموت قدامي فقلت كمان قلت من سابع المستحيلات أدخل أسنان لأني مرة أقرف حتى البشري أخاف مرة..
بس عدا السمستر الأول والسمستر التاني بدأت أفكر وأفكر وقلت لماما اني قررت أدخل أسنان خلاص حتى مدري كيف طلع مني دا القرار بس شوفتو أحسن من البشري لعدة أسباب ..
أهمها انو الدراسة حتكون مع بنات قليل وهادا أريح بالنسبة لية عشان التركيز ..

2) نظرتي ورأي في طب الأسنان ؟؟
بصراحة زي ماقلت أول انو نظرتي فيلو اني ماكنت أحبو وكنت دايما أقول لو تنطبق السما على الأرض ماأدخل أسنان بس سبحان الله دخلتو
دايما أنا كدا الشي الي ماأحبو نسير أنا وهوة أصحاب ..
بس بصراحة خلفيتي عنو قليلة مرة ..

3) خبرة أحد أكبر منهم (من الأهل أو الأصدقاء) عرفهم عليه و حببهم فيه؟؟
ممممــ بصراحة أكتر عيلة أهل ماما بشري إلا إتنين من أولاد خالاتي بس مو همة الدافع بصراحة لأني ماأكشف عليهم
وكمان اتنين من بنات خالة ماما أسنان بس لا أعرفهم ولا يعرفوني ..
أنا داخلتو صدفة بصراحة واللهم لك الحمد والشكر يارب ..


توتة خلصت الحتوتة أدري اني طولت مررررررة بزيادة في اجاباتي

[Jo0o0o0o0oRy]

1-سبب اختيارهم لهذا التخصص ؟
أحسه ممتع + تشجيع من الأقارب

2- نظرتهم ورأيهم في طب الأسنان؟
إن شالله نقدر نبدع فيه .. بصراحة ماكنت متوقعة أبداً إني أدخله , بس الحمدلله

3- خبرة أحد أكبر منهم (من الأهل أو الأصدقاء) عرفهم عليه و حببهم فيه؟
مافي أحد أعرفه أسنان .. هو كان تحدي بيني وبين نفسي والحمدلله فزت بالتحدي بفضل الله


_

كنت حابة أسأل د.نانوك
إيش الصعوبات اللي واجهتك ( نفسياً و دراسياً ) عند دخولك طب الاسنان ؟ وكيف قدرتي تتغلبي عليها ؟

وبجد ما أعرف كيف أشكرك .. كلامك جداً مريح
ربي يسعدك ويوفق للخير دائماً