كل واحد يدخل ويقول حالته النفسية في انتظار النتايج

[nejoud boss]

وه وه وه

بااااااااااركولي نزلت درجة القانون التجاري قبل دقيقتين >>>باين عليها مسنترة عالجهاز من امس
عقباااااااااالكم يارب الله يريح بالكم

[أبوبدر الحربي]

ألف مبروك وعقبال الجميع يارب

[الجعفري]

ابو بدر صباح الخير
سويها صدقني ماتندم وش خسران ؟
اذا ماهو الكل سيكون البعض بالتوفيق

[m az]

أقولكم شيء يمكن ما تصدقوا!
حطيت صفحة الأوديس من الصفحات الرئيسة عندي في جوجل
ما شاء الله وصارت علاقتنا عاشق ومعشوق كل شويه نتطمن على بعض!!!!!

[البـــاسم]

عالي نجم ،،، معلش معلش معلش
تفائلو بالخير تجدوه ، ان شالله بقية النتايج ناجح فيها
كنداا ،،، صباح النور صاحية من بدري ماشاء الله عليكي ، أنا ماجاني نووم رحت الدوام مواصل
لوليتاااا ، تشكرااات أفندم ، >>>>> صار يغني لفله
لاتلوموه من كثر الانتظار ، كلنا نفس الحاله الله يعين
الجعفري ،، مبروك حبيبي تستاهل كل خير وعقبالنا ان شاء الله

[al_3teed]

هلابك اخوي

اهنيك على الموضوع الجميل

بالنسبة لي مرتين بحالتين حالة الترم الماضي مع رسايل الجوال اول ماتجي نغمة الرسالة اغمض واخلي اقرب واحد جنبي يقرها طبعا اكثرهم مايعرف الرموز وش تعني f وش يعني d عاد هو يقولها بسرعة وانا انتظر الصدمة.


لكن الترم هذا مختلف بحكم عندي ست مواد افتح أديوس فاتح عين ومغمض عين وعلى أعصابي على أمل اشوف رقم اي رقم أهم شي ماشوف (ابو جلمبو) (F) وعسى الله يفرجها.

طبعا اخر موقف كان ليلة البارح اتصل علي واحد من الزملاء قال طلعت لي مادة ونحجت بدرجة ماكنت متوقعه قلت طيب شيك علي درجاتي وانا اترقب على الجوال

قال : الله يفضحك
قلت : هاه وش قلي

قال : ياكبر الفضيحة نظم معلومات

قلت : راسب ( طبعاً خايف منها لاني حليت بدون تركيز)

قال : 65

قلت : اشوىىىىىىىىىىى اهم شي عديتها

بعد ماسكر جلست خمس دقايق وقلبي يدق بسبب هالمكالمه.

تحياتي

[البـــاسم]

al_3teed
هلا اخوي ، تسلم ، لازم لازم تكون في فشة خلق ولا الواحد مخه يطير
على طاري رسايل الجوال أذكر مره العام الماضي جتني رسالة قبل ما أدخل الاختبار بخمس دقايق، وش سويت حطيت ايدي على شاشة الجوال عشان اشوف من المرسل من قريت KAU ، على طول نزلت الجوال وقفلته ، بدخل الاختبار واشوف درجتي يمكن راسب ، كان أزفت وأنا داخل الاختبار ، والمهم وأنا قاعد اختبر ابغا اخلص متى متى أخلص ابغا اشوف هالنتيجة اللي طلعت ، حليت وطلعت بعد ساعه وربع من الاختبار وشفت النتيجة الحمد لله كانت بحوث التسويق وجبت فيها 70 :D
يارجل أهم شي الواحد يعدي
عدي ولو بالدي
لووووول
تحياتي وبالتوفيق

[عبدالله الناصر]

حالتي النفسيه دمار دمار ..

في انتظار النتائج .. لدرجه اني اشيك عليها في اليوم 5-6 مرات بالقليل ..

حتى اني اشيك في الليل والفجر .. مع اني واثق انها ماراح تنزل .. الا اني اشيك .. من باب لعل وعسى :(

حتى اليوم كلمت الدكتور عدنان بالخيور وقلت له متى تنزل درجات البحث والتدريب !!

قال لي هاليومين هذي قلت يادكتور .. ترى اعصابنا تلفانه .. قال ماعليك اليومين هذي !!


من جد شي يطفش .. خصوصا الخريجين ..

الله يعين ويوفقنا واياكم لكل خير

[السليمان]

المشاركة الأصلية كتبت بواسطة عبدالله الناصر حالتي النفسيه دمار دمار .. في انتظار النتائج .. لدرجه اني اشيك عليها في اليوم 5-6 مرات بالقليل .. حتى اني اشيك في الليل والفجر .. مع اني واثق انها ماراح تنزل .. الا اني اشيك .. من باب لعل وعسى :( حتى اليوم كلمت الدكتور عدنان بالخيور وقلت له متى تنزل درجات البحث والتدريب !! قال لي هاليومين هذي قلت يادكتور .. ترى اعصابنا تلفانه .. قال ماعليك اليومين هذي !! من جد شي يطفش .. خصوصا الخريجين .. الله يعين ويوفقنا واياكم لكل خير

هلا عبدالله .... والله كان الدعوى فيها يومين أكيد بنجن الظاهر لأني خلاص ما عاد اقدر اتحمل ..

لو ما تطلع اليوم بيصير لي إنهيار عصبي !!!!!!!!!! الله يستر بس ليتها تطلع العصر ليوم ونرتاح

[طاغي النظرة]

الله المستعاان بس أنا باقي لي مادتين وهما الي خايف منهم
يعني بديت اتوغوش من جددددد ، من الحالات اللي عندي هاليومين بالتحديد صررت أكلم نفسي بشكل فاضح
يارب جيب عواقبها سليمه واجعل ختامها مسك لنا