والنهايه مع الإحصاء ؟؟؟؟؟؟؟؟؟

[a7mad..~]

غريب انا كلها اختباراتي الدوريه فوق 25 ياربي لك الحمد

انتو ليه كذا مع ان القوانين مكتوبة

الله يوفقنا جميعا ان شاءالله

[shao0aga]

آآآآآآآآآآآهــ من الأحصاااء درجاتي فيه كلولهاااا مي حلوة ..

الأول كنت متأكدة اني حليت وطالعه من الأختبار فرحاانه وآآخرتها درجه مااا كنت متوقعتها أبدا ..

والله شااااااااايله هم الاختبار النهاائي ..

الحمدلله ع كل حاال بس ..والله يعين ويوفق الجميع ..

[جداويه بطله]

احمد
ما شاء الله كويس درجاتك حلوه بس ترا المشكله مو فينا
يعني بصراحه انتا احكم
الإختبار يبدأ 11 وينتهي 1 يعني ساعتين واصلآ ما تكفي
في الإختبار التاني وزعو الأسئلة 11 وربع وبعديييييين اتكرمو وادونا ورق الإجابه و ع بال ما نظلل ونعبي الورقه يكون نص الوقت طار
يعني تقريبآ بدأنا اختبارنا 11 ونص
1 بالتمام اخدو الورق مننا لدرجة انو في كم سؤال ظللتو من غير ما اعرف السؤال
بسبب الوقت دا شي الشي التاني
القوانين اخر الورقه وعاد شوف انواع الشقلبه عشان اوصل للقانون واحاول احل السؤال كويس في ورقة الأسئله
ومافيها مكان اصلآ حتى مستخسرين فينا ورقه بيضا نحل فيها
والقاعه زي الفريزر
وحالتنا بالبلى
المهم كلمت الأستازه اليوم تشيك ع الورق لنو كتير بنات اشتكو من الدرجات
وان شاء الله خير

shao0aga

الله يعينك حبيبتي وان شاء الله نعدي ونجيب درجات عدله في النهائي


موفقين جميـــــــــــــ ع ـآ

[zana]

والله نفس معاناتي فاهمة وكل شي واحل في الاختبار واراجع مع البنات ويطلع صح في النهاية الدرجة سيئة جدا شكلهم يبغونا نحمل المادة

[مريخيه]

ياااااااااااااااا بنات مع احترامي للجميع والله الرياضيات اتفه من التفاهه انا خطه ا

ومررررره سهل فوق ماتتصورو وراح تدعولي اذا شفتو المنهج بس حبايبي انا محتاره

الاحصاء صعب ولا ايش احنا كنا ندرس الاحصاء جزء من الرياضيات يعني ماتوقع انه صعب

طمنووووووني بلييييييييز

[البتول 2010]

^^
مريخيه انتي بالثانوي علمي ولا ادبي

[جداويه بطله]

zana
لا لا ان شاء الله ما احد يحمل الماده
ان شاء الله نكون قدّها وننجح ونرتاح

مريخيه
بصراااااحه اكون ظالمه لو قلت انو صعب
هوا سهل لكنو شويا معقد يبغالو قوة تركيز
و ع قول البتول لو انتي علمي حيكون سهلك لكي اكتر ان شاء الله

منورين ربي يوفقكم كلكم

[رووح طفله]

يااااااااااااابــــــــــــــــنات
انا اول مررررررره في حياتي ومسيرتي التعليميـه <<ماخذ دكتوراه على غفله< اكـره ماده
بهااذا الشــــكل مررررررره صعب الاحصاء وبصراحه استاذتنا شرحهـا بس تقرى
يعني تروح نص المحاضره في تكتب بالسبوره وباقي المحاضره تقرى
والله مو حـــــــــــــاله بعدين احنا ادبي هاربين من الحساب واخوانو
ليه عندنا احــــــــــــصاء ؟؟؟؟؟؟؟؟؟؟؟؟؟؟؟؟
وصراحه درجاتي الاولى انصدمت فيها والثانيه كان بيجيني جلطــه
بس قلت ياابنت هووني اهم شي درجــات الاخره <ارفع معنوياتي

طيـــــــــــــــــب ايش رايكم نسوي حمله 10 درجـــــات يزيدونا
هم كـــــــــــــــريمين واحنا نستاهــــــــــــل

ادري طوولت بس ماااااااااااااااحب الاحصااء
سي يوو

[محمد بن عيضه]

يا أخت{{جداويه بطله}}
ترا الاختبارات مره سهله والله العضيم بس يبغالك تحفضي طريقة حل الاختبارات الدورية التجريبية مضبوط مضبوط ...كمان انك تحلى كثير وتتمرني على سرعة الحل عشان مايكون الوقت مشكله تواجهك....تتكلي على الله وتدخلي بنفسيه مرتاحه وتعرفي انه الله مايضيع جهد اللي يعمل بأخلاص....

بعدين عشان اريحكم والله العضيم الدكتور عادل ابو سمره كلمنا انه السنه اللي فاتت كانت نسبة النجاح 40في الميه معد الدفدفه والمساعدات دفوها 80 في الميه يعني اتخيلوا دبلوا نسبة النجاح

[طموح أنثى ..]

صدقوووووني في غلط بالتصحيح الآلي

آنآ متآكدة 100000000 % اني جآوبت صح

واطلع آخر وحده عشان اتاكد من التظليل

ومتآكده مررررا مآعندي غير غلط واحد بسس

وبالنهاية اجيب 26 ليييييه ....؟؟

انا من يوم شفت درجتي انفجعت قلت شكلي غلطانه باشيااء ثانيه

لا ودرجتي بالدوري الاول 26 والتاني 26

زي ما هياا ماتغيرت قلت طييب يمكن صدفه

بس طلع بنات كثيرررررررر نفس حالتي وكلهم انفجعوو

نفس حالتي بالدوري الاول والتاني 26

واعرفهم البنات دواافيرررر

يعني آكييد الغلط من التصحيح

عالعموم اناا اليوم راح اكلم استاذتناا واخليها تراجع ورقتي