{ملتقى الاستفسارات عن الحذف والاضافة وتنظيم الجداول}-طالبـات الإنتساب ّّ

[لصممتي حكممه]

انا طلع عندي تعارض بين الادب والفونتكس وانا ابغى اضيفهم الاثنين لكن منتظره يفتحوا شعبه ثانيه ان شاء الله ,..

لو افترضنا انهم فتحوا شعبه جديده يصير جدولي :

ادب,فونتكس,مورفولوجي,علوم,ماده حره "لسى ماقررت", محتاره بين الفونولوجي والسوسيو اية واحد افضل


عارفه انها كثير بس احس خلاص بدأ الجد ولازم امشي شويه ,وش رايكم في الجدول ؟؟؟

[nour al3mr]

^
مايسمحوا لك بدراسة الفونولوجي إلا لما تنتهي من الصوتيــــــآت :)

[لصممتي حكممه]

^

بس فيه بنات كثي اخذوها مع بعض ,, يعني مااقدر :(

[nour al3mr]

والله عادة يطيروها من جدآولهم
~> هذا اللي صار معانا بس يمكن سبحان الله يتغاضوا عن البعض ومايحذفوها
أنتِ جربي و إن شاء الله خيـــــــــر

[لصممتي حكممه]

^

يعطيك العافيه نور ،، إن شاء الـلہ تتيسر تنزل أسماء الأستاذات ونقرر إن شاء الـلہ ،..

[nour al3mr]

على خيـر بإذن لله
والله يعافيك و ييسـر أمورك :)

[SARO0O]

مرحبا بالحلوين

احس اني ضايعه ودي ينزلو اسماء الاستاذات عشان اعرف اختار :(

جدولي اذا كانو الاستاذات كويسات كلهم

ادب وسينتاكس ومورفولوجي وفونتيكس وثقافه 4 وافكر كمان علوم طبيعيه
ودي اخذ ماده حضور جامعه يعني ابلايد او سوسيو بس مدري يسمحون لي واذا باخذ وش تنصحون من هالثنتين وش احذف من مواد اللغويات اللي مختارتهم يعني السينتاكس والموروفولجي والفونتيكس

افكر المورفولجي لان السينتاكس يفتح ماده وهو السيمنار والفونتيكس كمان يفتح مادة اللي هي الفونولوجي

محتارررة مراااااااا

متى تتوقعو ينزلو الاسماء على نهاية الاسبوع صح ؟؟

الله يعين ونرتاح

سرو ...

[ركن المشاعر]

لصمتي حكمة,,,
انا الترم هذا اللي طاف اخذتهم الاثنين فونولوجي وفونتكس وكانو هم الاثنين اللي درجاتي حلوة فيهم والحمدلله وحدة ممتاز والثاني جيد جدا مرتفع


بالنسبه لجدولي يا بنات انا عندي تعقيد شديد بالمواد الادبيه
يعني انا رسبت بالريدنق ون 3 مرات والحمدلله الترم هذا نجحت فيه وابغا ابدا اخذ ريدنق 2 وودي يفتحولي المواد الادبيه عشان امشي
يعني اللحين باقيلي 4 مواد من اللغويات وماني ماخذة ولا مادة ادبية ما ينفع كذا لازم يفتحولي المواد
تتوقعو لو رحت يفتحوها لي واخذ الادب مع الريدنق 2؟

[nour al3mr]

ســـــــرووو

عادة الأبلايد و السوسيو مايضيفوهـ الا للمستوى المتقدم
و المواد تراها حفظ و شدة حيـل
فَـ الأفضل تآخذي اللي أنتِ مقررته الحيـــــن
لو حابة وحدهـ من المواد تجربي تآخذيها فَـ توكلي على الله و جربي و ربي يكتب لك الخيـــــر

---

ركـــــن المشـآعــــــــــر

عادة مايقبلوا لكن حاولي معاهم
أوقات يرضوا أوقات تضربهم حالة مايقبلوا أي شيء

[SARO0O]

يعطيك العافيه نوري

خلاص لين تنزل الاسماء بثبت عاللي قلتيهم
وربي يكتب لي ولكم الخير

ركونه الله يكون بعونك يارب يفتحون لك بالتوفيق

سرو ...