دعونا لا نقتلها...

[Biba]

موضوع جداً رائع منكوشة
المشكلة الكبرى إنو هيا اسمها لغة الضاد
وفي كتييييييييييير من الناس ما عندهم حرف الضاد هادا نهائياً في قاموسهم
زي كلمة ( الرياض ) مثلاً
يقولوا ( الرياظ ) وممكن يكتبوها كدا كمان
وأحلى شي لمن يقولوا ( أبو عصايا -----> ظ بدون عصايا ------> ض )
بس كلها تتنطق ( ظ ) -----------> شي عجيب

أنا ما أنكر إنو احنا كمان حازفين حروف كتيرة من قاموسنا
زي حرف ( ذ ) و حرف ( ظ ) وحرف ( ث )

يعني بالعربي ( كلنا لازم نصلح لغتنا )

[bent mankoosha]

بيبا مشكورة على مرورك

و زي ما قلتي على مشكلة إبدال الحروف بغيرها

و صحيح كلامك كلنا بنقع في هذه المشكلة

احنا رسالتنا انه نصحح اقلها من لغتنا المكتوبة

عشان نقدر نسيطر بعدها على اللغة المنطوقة

اشكرك على مشاركتك

[داوود]

بصراحة

أنا شايف انه الموضوع متناقض

يعني ........ اش الهبل دا ............ اش اللي مرادف لها باللغة العامية .... وتكون ماهي لغة عربية

عشان انتي قلتي انه على الاقل نتخلص من التافه من الالفاظ

فا انا ابغا اعرف بالزبط

الهدف من الموضوع نتكلم باللغة العربية الفصحى

ولا الموضوع اختيار الالفاظ المناسبة وعدم تجريح االاعضاء ....بذكر جمل جارحة

مثل .... ايش السخافة دي

يعني (الهدف من الموضوع) انه

نتكلم لغة عربية فصحى

ولا نبتعد عن تجريح الاعضاء ولو حتى بالمزح

يعني لازم ترسيلك على بر ........... وانا ابدي رأيي وما اقصد فيه شي

وبكل بساطة بأقول اللي انا فهمته من الموضوع

وشي بصراحة سببلي ربكة ...........كبيرة

ورد الاخت جرين ابل



وهو ما أراه فقط احياء لغة الضاد

تقبلي من ياجمل تحية وباقة ورد

[bent mankoosha]

السلام عليكم و رحمة الله و بركاته

الهدف من الموضوع نتكلم باللغة العربية الفصحى ولا الموضوع اختيار الالفاظ المناسبة وعدم تجريح االاعضاء ....بذكر جمل جارحة

الهدف من الموضوع النقطتين دي

و اعطيك مثال من كلامك

يعني ........ اش الهبل دا

اهو دا التافه من الألفاظ

اش اللي مرادف لها باللغة العامية .... وتكون ماهي لغة عربية

اتمنى توضيح النقطة دي عشان ما فهمت

فيه كلام كتير بالعربي العام بس نقدر نقوله بالفصحى
لكن انها تكون عامية و ماهي عربية ( على كدا ايش حتكون اسبانية ايطالية موزنبيقية ولا ايش؟ )
زي ما انت بتقول دا شي انا ما كتبته ولا قلته

يمكن فهمتنا غلط

الموضوع ومافيه يا اخ داوود

اننا نحاسب على الأخطاء الإملائية دا اول شي

ثاني شي اننا نبتعد عن الألفاظ العامية البحتة ( على قدر المستطاع ) في جميع أقسام المنتدى ما عدا قسم الأصدقاء و الوناسة عشان هو اللي بناخد راحتنا فيه بحدود

أنا شايف انه الموضوع متناقض

فين التناقض اللي تتكلم عنه؟!!

أرجو التوضيح


عالعموم أتمنى منك تقرأ الموضوع مرة و اتنين و تلاتة لين ما تستوعب المغزى

سلام

[داوود]

اولا

جملة اش الهبل دا

جبتها من كلامك في رد من الردود

الرجاء انك ترجع للرد دا

تانيا لمن انا اختلفت معاكي بوجهة النظر بكل احترام ومو معناتها انو لازم نضارب ولازم انا اثبت انو انا صح ولا انتي صح

يعني قبل ماتقري الرد ابغا اقولك انو هدفي انو نتوصل لحل واني نحط النقط على الحروف


ماهو هدفي اني .... استهزئ بيكي او اي حاجة خارجة عن نص الموضوع

فاذا كان هدفنا مشترك في البحث عن الحق في الموضوع نتناقش

اما اذا الهرجة شي تاني

فانا ابيع لك البيعة واقولك انا غلطان من دحين واسف ياستي

وموضوعك احسن موضوع في المنتدى

بالنسبة للموضوع :

أول شي نحافظ على اللغة العربية ... تاني شي نبعد عن الالفاظ العامية بالبحتة

سبحان الله

دحين صاروا نقطتين ..... مو هي هي محافظتنا على اللغة العربية يعني بالضرورة ابتعادنا عن الكلام العادي والعامي مهما كانت

درجته

عشان كدا الموضوع متناقض

لانك انتي في بداية الموضوع ناشدت باللغة العربية


وفي اخر الموضوع..... قلتي على الاقل ما نتكلم الكلام اللي زي

اش الهبل دا ..... وايش السخافة دي

وهدا من موضوعك ومن احد ردودك ماجبت شي من عندي


اما اللجملة اللي هيا

اش الهبل دا

اش اللي يقابلها بالموزبيقية ..... ما ادري ولا حتى بالايطالي ولا حتى بالانجليزي

اذا تعرفي فيدينا

واذا تعرفي اش قدامها بالفصحى برضو فيدينا

وارجو قراءة ردي مرتين وتلاتة واربعة

حتي يتم فهمه

بعدين ناقشيني

[bent mankoosha]

السلام عليكم

عزيزي داوود

جملة اش الهبل دا جبتها من كلامك في رد من الردود الرجاء انك ترجع للرد دا

ما لمتك عالكلمة و انا عارفة اني انا اعطيتها مثال
و برضه رجعت ووضحت انه هادي هيا التافه من الألفاظ

إقتباس: يعني ........ اش الهبل دا اهو دا التافه من الألفاظ

تانيا لمن انا اختلفت معاكي بوجهة النظر بكل احترام ومو معناتها انو لازم نضارب ولازم انا اثبت انو انا صح ولا انتي صح يعني قبل ماتقري الرد ابغا اقولك انو هدفي انو نتوصل لحل واني نحط النقط على الحروف ماهو هدفي اني .... استهزئ بيكي او اي حاجة خارجة عن نص الموضوع

محد جاب سيرة المضاربة
بالعكس اسعدني انك قريت موضوعي و انه عندك ملاحظات عليه

أول شي نحافظ على اللغة العربية ... تاني شي نبعد عن الالفاظ العامية بالبحتة

اعيد و اكرر
نبعد عن اللغة العامية بقدر المستطاع و ليس إجباريا
و يكون البعد عنها في اللغة المكتوبة كخطوة أولى

سبحان الله دحين صاروا نقطتين ..... مو هي هي محافظتنا على اللغة العربية يعني بالضرورة ابتعادنا عن الكلام العادي والعامي مهما كانت

اخ داوود ترى من اول ما كتبت الموضوع كانوا نقطتين
راجع الموضوع وراجع ردود الأخوان و الخوان و راجع ردي الأخير

اننا نحاسب على الأخطاء الإملائية دا اول شي ثاني شي اننا نبتعد عن الألفاظ العامية البحتة ( على قدر المستطاع ) في جميع أقسام المنتدى ما عدا قسم الأصدقاء و الوناسة عشان هو اللي بناخد راحتنا فيه بحدود

انت بس اخدت نقطة الألفاظ العامية و أغفلت نقطة الأخطاء الإملائية

اما اللجملة اللي هيا اش الهبل دا اش اللي يقابلها بالموزبيقية ..... ما ادري ولا حتى بالايطالي ولا حتى بالانجليزي اذا تعرفي فيدينا

أشكرك أخ داوود انك وضحت لي إنك ممكن ما تتقبل المزح عشان احتاط المرة الجاية

و اتمنى اكون وصلت وجهة نظري

أشكرك مرة أخرى على قراءة موضوعي
جزاك الله خير

سلام

[داوود]

اها

دحين هو صار المزح في كل المواضيع

ولا المعروف انه الموضوع الجاد لايوجد فيه المزح

ومضوع المزح عادي

على العموم انا اتقبل المزح بصدر رحب

بس امكن ما تقبلتوا

لاني اخدت موضوعك بجدية

على العمو اختلاف الرأي لايفسد للود قضة

وشكرا لك

[bent mankoosha]

دحين هو صار المزح في كل المواضيع ولا المعروف انه الموضوع الجاد لايوجد فيه المزح ومضوع المزح عادي على العموم انا اتقبل المزح بصدر رحب

معليه عزيزي داوود يمكن لسة ما عرفت طبعي
بس عشان باقي الأعضاء متعودين عليا

اهم شي يكون الشرح و صلك

مشكور

سلام

[الطيف_المسافر]

منكوشة موضوع جيد يظهر مدى غيرتيك على

لغتك الأم بالرعم من أن تخصصك لغات أجنبية

الا ان لغة الضاد لم تغب عن مخيلتك

وهذا ان دل على شيء يدل على معدنك الأصيل

ويعجز لساني عن التعبير عن مدى إعجابي

بهذه المبادرة بأختصار لقد أثلجتي صدري

[bent mankoosha]

أخي الطيف المسافر قبل اي شي حمد الله عالسلامة و اسعدتنا رجعتك

الحق ينقال العاشق الساهر هو اولة من اعطى الفكرة و نبهنا عليها

و الحمد لله الله وفقنا

بس برضه قدامنا كتير

و صدقني لو اقلك اني من بعد ما درست اللغة الانجليزية و ادبها و شفت قد ايه هيا لغة فقيرة

حسيت بقيمة الشي اللي عندنا

يكفي انه معجزة حبيبنا صلى الله عليه و سلم

تسلم على الرد