افيدوني في قضية خلع

[عروقي شماليه]

أسأل الله أن يفرّج همك عزيزتي ويرزقك رجل صالح , تقي, نقي, عفيف, غني, واصل لرحمه, صادق اللسان,كثير الرضا,حليما,يُحب في الله,وقورا,شكورا,زاده تقواهـ..

عليك بالدعاء أخر الليل والإستغفار طوال الوقت..

[angel--girl1991]

شكرا لكم بس ماعندي احد ياثر عليه لانو اصلن اهلي واقفين ضدي انحرق او اموت اهم شي كلمتهم هيا الصح انا محد واقف معايا انا ربي معايا انا راح احاول بمحامي بس ماادري كم حيكلفني ادا عندكم خلفيه اعطووني
وادا ع اهلو انا كلمت ابوه مااستفدت منو شي لا طلعت لا بحق ولا باطل في نهايه المحاكم كانت اخر فرصه لي لانو حاولت من كل مكان ماخليت احد مااكلمتو لكن لاحياتي لماتنادي ان شالله القانون ينصرني على هدا الظالم اللي مايخاف الله حسبي الله ونعم الوكيل الله ياخدي حقي منه عاجلا غير اجلا واتخلص منوو
انا عارفه المحاكم راح تاخد وقت بس ان شالله افتك منو
ادعولي انا محتاجه دعواتكم جدا
وحمدالله على كل حال

[gzl GZLAN]

شوفي ياختي العزيزة اولا موعارفه لاتظلميه رجااااء لاتظلميه حتى لو كان فاسق لو ايش ماكان لاتظلميه.............
شوفي الشيخ تبع مسجد عمر بن الخطاب بحي الصفا شيخ عبدالباسط يساعدك كتير لانو خايفه يكون فيه لبس بالموضوع ودي اساعدك بس كده ماينفع ..........والله يفرج همك

[قانع]

المشاركة الأصلية كتبت بواسطة gzl gzlan [size=4][color=green] وكلام انو ربنا يصلح ويهدي او ينعدل كلام مايودي ولايجيب .....ا

هل وزنت االكلام هذا قبل ان تقوليه

عجيب!!!!


وبالنسبة لصاحبة الموضوع لا استطيع ان اشير عليك بشئ ولكن اسأل الله ان يعينك ويفرج همك

[rubi]

بصراحة عندي خطط ليكي

لكن اخاف اورطك مع خططي

عشان كدا حاكتفي انو ادعيلك
وترا انتي غلطتي لانك اترجيتيه بطلق

دخلي اخوانك واعمامك يوقفوله

[angel--girl1991]

المشاركة الأصلية كتبت بواسطة rubi بصراحة عندي خطط ليكي لكن اخاف اورطك مع خططي عشان كدا حاكتفي انو ادعيلك وترا انتي غلطتي لانك اترجيتيه بطلق دخلي اخوانك واعمامك يوقفوله

اعطيني خطط ياابو الخطط انا دخلت اهلي يقولو صعبه نحنا نقولهم لازم تجي من عندهم ايش رايك بالله يعني انا جالسه ع رحمتهم لكن ياانا ياهو ونشوف

[شموخ سعوديه]

المشاركة الأصلية كتبت بواسطة gzl gzlan وكلام انو ربنا يصلح ويهدي او ينعدل كلام مايودي ولايجيب ....

سسسسلامات يا أخت !
"رب كلمة يقولها العبد لا يلقي لها بالاً تهوي به في النار سبعين خريفاً"

..

[شموخ سعوديه]

المشاركة الأصلية كتبت بواسطة angel--girl1991 شكرا لكم بس ماعندي احد ياثر عليه لانو اصلن اهلي واقفين ضدي انحرق او اموت اهم شي كلمتهم هيا الصح انا محد واقف معايا انا ربي معايا انا راح احاول بمحامي بس ماادري كم حيكلفني ادا عندكم خلفيه اعطووني وادا ع اهلو انا كلمت ابوه مااستفدت منو شي لا طلعت لا بحق ولا باطل في نهايه المحاكم كانت اخر فرصه لي لانو حاولت من كل مكان ماخليت احد مااكلمتو لكن لاحياتي لماتنادي ان شالله القانون ينصرني على هدا الظالم اللي مايخاف الله حسبي الله ونعم الوكيل الله ياخدي حقي منه عاجلا غير اجلا واتخلص منوو انا عارفه المحاكم راح تاخد وقت بس ان شالله افتك منو ادعولي انا محتاجه دعواتكم جدا وحمدالله على كل حال

أهم شي خليك صامدة وتاكدي دام ربي معاك فحقك ماحيضيع حتى لوالكل ضدك ,,
بس ماعليه عشان نقدر نساعدك ماقولتي لنا ايش المشكله الأساسيه اللي خلتك تطلبي الانفصال .؟

,

[gzl GZLAN]

الموضوع كل مالو يطول
انتي ماتحتاجي محامي
جربي تروحي لامام مسجد زي الي ذكرتو او اعطيكي رقمو عالخاص لانو بالاساس عاقد انكحه ودايما بالمحاكم يعني فاااااهم
مسجد عمر بن الخطاب حي الصفا خلف مستشفى الجدعاني
الشيخ عبدالباسط
ولو ماا حسيت بيكي ماهتميت
اذا من البدايه في مشاكل
فلاتتوقعي النهايه احلى من البدايه
الافلام شي والواقع شي تاني
وبالنسبه لكلامي انو الشخص مايتعدل وماينهدي صح الا اذا الله هداه او انزل عليه مصيبه تعدلو وتخليه يعرف ان الله حق
ودا الواقع للطرفين ليش ننكر

[angel--girl1991]

شموخ سعوديه ..
المشكله انو اهلي ضغظو عليا وانا كونت استخير وقلبي ينقبض اكثر من قبل المهم ملكت ومن فوق خشمي لانو كونت ضعيفه واهلي خيروني بينه وبين الدراسه ولاني كونت خايفه اخسر دراستي خسرت مستقبلي
المهم لما صحيت من هدا كلوو وكونت متاكده واحساسي جا في محله كل يوم اسمع كلام مو كويس عنه اخر شي سمعتو انو مايصلي اللهم زيد وبارك وقام يهددني ويقفل السماعه في وجهي ويقولي انا ماني فاضيلك ماعندي شغله الا انتي ولا يتصل عليا ولا يسال عني !!!! تخيلو انتو متخيلين الوضع وهدا نحنا ممكلين ولسا ماني قدام وجهو اجل لو قدامو ايش راح يصير فيا واهلي ماهم راضين يقتنعوو بالموضوع الا هوا كويس ومافي زيو علشان يقرب لنا حسبي الله ونعم الوكيل
وكلهم واقفين ضدي الا هما الصح وانا الغلط صارت بلاوي ومشاكل الحمدالله ع كل حال انو ربي كشفو ليا وعرفت حقيقتو
وكل مااقول لاهلي يقولولي يمكن مستحي يمكن مايعرف معقوله واحد مستحيل يقوم يقول لي كلام زي كدا الله يهدي اهلي ويحننن قلبهم عليا خاصه ابويا الله يهديه ويغير رايو انا ماابغا اخسر ابويا ولا احد من اهلي علشان واحد تافه مايخاف الله ..
هدا المشكلة وباختصار كمان !!!!
gzl GZLAN
وربي ياريت تسسسوي فيا خير والله لادعليك
الله يوفقك ماراح انسا لك هدا المعروف خلاص ارسلي الرقم ع خاص واشوف اخرتها مع هدا النذل
ودمتم في حفظ الرحمن