لننتصر على الكيمياء

[راايق جداا]

صباح الخير
او
مساء الخير

يعطيكِ العافيه على المجهود الرائع والموضوع المفيد لي وللخطة أ كامله....

وش رايك تفكي لك شقه يا زهروره نفس اشرف بركات ويوسف زويل >>

عمووما يعطيكِ العافيه مره ثانيه...

-----------------------
راايـق جـداا

[بيو كيميائية ^_^]

الله يعافيك أخوي بس أنا ماسويت شيء لحد الحين ماحد يسأل وإلا سألوا أنا ماجاوبتهم
هو أنا أصلاً عايشة في شقة مع أختي فمايحتاج أفتح شقة
وهذول أشرف بركات ويوسف زويل يدرسون في الجامعة وإلاوش قصتهم

[دانة الجنة]

هلا ياقلبي ..
مرررررة شكرآ ..

ربي يسعدك ويوفقك وكل السنة التحضيرية..

بس ممكن ياقلبي تشرحي ليا شابتر 8 من صفحة 318 إلى 327

وممكن وانتي تشرحي توضحي انتب باي صفحة ..

شــكرآ..

[بيو كيميائية ^_^]

طيب بس ممكن بكرة لأنه أختي تبي اللابتوب دحين لأنه عندها إمتحان وتبي تذاكر منه
مره آسفة لا تزعلي

[υикиσωи]

بسم الله الرحمن الرحيم وبه نستعين ..

ص(318-319)
التوزيع الالكتروني لذرة أي عنصر يساعدنا على معرفة الخصائص الكيمائية والفيزيائية للعنصر ... فبما انو الجدول الدوري مرتب زي محنا عارفين حسب التوزيع الالكتروني للمدار الأخير لذرة العنصر يعني حسب الالكترونات الخارجية (الكترونات التكافؤ )... فحيكون لكل مجموعة نفس عدد ونوع الالكترونات الخارجية (الكترونات التكافؤ )وبالتالي نفس الخواص الكيمائية والفيزيائية .. << بس دا الكلام ينطبق ع العناصر الأساسية ..اما العناصر الانقالية مو دايما يكون ليها نفس التوزيع

العناصر في الجدول الدوري مقسمة الى :
1) العناصر الأساسية : representative elements وهيا حتمثل العناصر من A1 وحتى A8 ...
2) Noble gases : وحتمثل المجموعة A8
3) العناصر الانتقالية transition elements OR Transition ls : وحتكون من B1 وحتى B8
4) Rare earth elements : وهيا العناصر الموجودة اسفل الجدول الدوري ... وتنقسم الى قسمين :
أ) Lanthanides << وهيا السلسلة اللي فوق
ب) Actinides << السلسلة اللي تحت

-الأمريكان قسمو الجدول الدوري ...بحيث العناصر الأساسية أدوها رمز الــA زي ماهي موجودة الان في الجدول الدوري .. بينما العناصر الانتقالية بالرمز B...
-أما الفرنسيين قسمو ع النقيض تماما ... بانو تاخد العناصر الأساسية الرمز B ... بيمنا العناصر الانتقالية الرمز A
-والاتحاد الدولي رتب العناصر من الرقم 1 الى 18 ... وازا شوفتي الجدول الدوري حتلاقي دا الشي واضح .. يبدأ الترقيم من اليسار وحتى اليمين



ص(320)الكترونات التكافؤ valence electron .. هي الالكترونات الخارجية للذرة .. وهيا اللي تدخل في التفاعلات وتكوين الروابط ... << زي ما هو موضح دا الشي في شابتر 9

دا التوزيع الالكتروني لالكترونات التكافؤ للعناصر الأساسية ..
A1 ns^1: فحيكون عدد الاكترونات التكافؤ 1
A2 : ns^2 عدد الاكترونات التكافؤ 2
A3 : ns^2 np^1 عدد الكترونات التكافؤ 3
A4 : ns^2 np^2 عدد الكترونات التكافؤ 4
A5 : ns^2 np^3 عدد الكترونات التكافؤ 5
A6 : ns^2 np^4 عدد الكترونات التكافؤ 6
A7 : ns^2 np^5 عدد الكترونات التكافؤ 7
A8 : ns^2 np^6 >> ما عدا الهيليوم He فحيكون 1s^2 .... عدد الكترونات التكافؤ 8 ... والهيليوم حتكون 2
<< دي حنستفيد منها في شابتر 9 ... ولو تلاحظي الكترونات التكافؤ هيا نفسها رقم المجموعة ...ودا طبعا للعناصر الاساسية زي ما قلنا <<عشان ما تنسيها



ص (321 )و ( 322)
يبينلنا انو التوزيع الالكتروني للكتاين او الاناين هوا نفسوو التوزيع الاكتروني للغاز الخامل ..
فالكتاين cataion عندما يفقد الالكترونات ليصل لحالة الاستقرار ..حينها يكون له نفس التوزيع الاكتروني للغاز الخامل
والانانين anaion باكتسابه للكترونات كذلك ..
فمثلا الالومنيوم Al ( وهوا كاتاين ) حتى يصل لحالة الاستقرار ..سيفقد 3 الكترونات ..بالتالي سيكون له نفس التوزيع الاكتروني للنيون Ne (الغاز الخامل )



وكل الأيونات اللي ليها نفس التوزيع الاكتروني للغاز الخامل حنسميها Isoelectronic ...يعني حيكون ليهم نفس عدد الكترونات الغاز الخامل ...

فمثلا ازا قالنا ..ايش العنصر اللي حيكون isoelectronic مع الـ H^- ...؟!
H- = is^2 = [He]
اذن ليلو نفس التوزيع الالكتروني للهيليوم (الغاز الخامل ) ..
فحيكون H and He are isoelectronic


في ملاحظة حاطيلنا هيا .. انو أغلب العناصر الانتقالية B ليها أكتر من كتاين ...بسس دولي ما حيكونو isotoelectronic … ...
مثلا عندنا الحديد Fe=[Ar] 4s^2 3d^6 … ...
الكتاينات حقونو ..Fe+3=[Ar]=3d^5 ، Fe+2=[Ar]3d^6 OR [Ar]4s^0 3d^6
يعني زي ماهو واضح انهم ما وصلو للغاز الخامل بالتالي مستحيل نقول عنهم isoelectronic ...



في ملاحظة تانية صغنونة ...
برضو في العناصر الانتقالية بما انو اخر مجال فيها يكون d زي ما اخدنا سابقا... لما نبا ننزع الاكترونات فاننا نزع من المجال ns قبل ما ننزع من الــ(n-1)d



دا اللي قدرت اشرحو اليووم ..ع ـشان عيني قفلت ...
بكرة اازا ربنا أحياانا حكمل بازن الله ..او اي اح تاني ...:)

[بنوته سوويت]

الله يعطيكم العافية شابتر 8 قاعد في حلقي

[ليان العمودي]

مرحبا بنات
انا نطيت شوية في شابتر 5 و14
لاحظت انه في اسئلة في السيليبوز مو موجودة في المنهج
انتم لاحظتم ولا لأ ؟ ولا شكلي لوحدي
تقريبا سؤال 78 90 92 هذا في شابتر 5

42 في 14

والله يوفق الجميع
ليونة

[تخصص 13]

انتي عارفه ماحضرت محاضرات شبتر 8 و 9 فلمن جيت اذاكر معرفت اذاكر شي
فمره مشكورة رورو
و الله يعطيكـ العافية

[slkfaisal]

مشكوووووووووووووره
على الفكره الجميله
واللي اجمل انه في ناس تحاول تجتهد ،ماقالة فلها وربك يحلها
أنا بالنسبه ليا عند مدرس خصوصي وماشي الحمدلله

[slkfaisal]

يوسف زويل احد النصابين اخذت عنده فيزياء ورياضيات الترم اللي فات
ومعاملته جدا سيئه كنت ابيه يشرح لي كيمياء بس الحمد لله ربي فكني منه
والاعاده ممنوعه كأنه شغال شرح في الجامعه مو على باله اني اديه فلوس