د. طيب في لقاء صحفي: طلابنا بكلية الهندسة يمكن أن اتحدى بهم أي طالب آخر في العالم

[tag2000sa]

اﻷخوة المنتقدين والناقمين على الكلية وعلى وضعها ... سواء شاركوا أو اكتفوا بمتابعة الموضوع
أعرف انكم حريصين على الكلية والجامعة وسمعتها حرصكم عل مستقبلكم ...

فياليت ... كل واحد فيكم يلخص في نقاط .... اﻷشياء اللي يشوفها سيئة ومحتاجة تغيير في الكلية ونظامها ... << بعيد عن التهجم وانتقاص الغير والكلام السوقي وعبارات الهمز واللمز

وأحب أقلكم ... من نظرتي وخبرتي في الكلية على مدى 6 سنوات مضت بين اﻹعتماد اﻷكاديمي المكافئ ... واﻹعتماد اﻷكاديمي الكامل ... فعلاً تطور نظام الكلية ومناهجها بشكل كبير جداً خلي موضوع سوق العمل و مقارنة الكلية بنظيراتها في الجامعات السعودية على جنب ﻷنو التغيير والتطور في الكلية ونظامها بدأ يظهر في العشر سنوات اﻷخيرة (صحيح هوا بطيئ) لكن الحمد لله انجازات الكلية تشهد ... والسنوات الجاية أحسن وأحسن بالنسبة لكلية الهندسة ..
من ناحية المباني ... لما ينتهي المشروع اللي جنب عمادة شؤون الطلاب راح تنتقل الكلية للمباني الجديدة وبالنسبة ﻷعضاء هيئة التدريس فالغالبية الموجودة حالياً راح تتغير ﻷنه المبتعثين من المعيدين والمحاضرين على أيامي خلاص قربوا يخلصوا بعثاتهم وبيرجعوا بشهادات عليا ويحلوا محل أعضاء هيئة التدريس الموجودة حالياً ... وبالنسبة للمناهج .. زي ما بتلاحظوا بتتغير وتتطور مع كل دفعة ... ودا شي له إيجابياته وسلبياته ... حتى التخصصات بتتطور .. وفي تخصصات استحدثت في بعض اﻷقسام وفي تخصصات هندسية تابعة للكلية لكنها في كليات ثانية .. زي الهندسة البحرية في كلية علوم البحار وزي الجيولوجيا الهندسية في كلية علوم اﻷرض وأعتقد في توجه لكلية الحاسبات للتوسع في تخصصات هندسة الحاسبات
بالمختصر التطور ما يجي بين يوم وليلة ... واللي بتشوفوه دحين بدأ من 6 سنوات وأكثر الشغل عليه .. يعني لا تستعجل بالحكم على الكلية
بالنسبة للطلاب ... ( مع أنظمة القبول الجديدة ونظام الكلية بالذات اللي يمنع الطالب من التخرج بمعدل أقل من جيد .. أقول ... "لا مكان للضعفاء في كلية الهندسة واللي يبغى الهندسة بسهولة لا يسجل في الكلية" )

وبالنسبة لتفاصيل اﻷعتماد إن شاء الله .. أبحث عنها ... ﻷنه مختلف جذرياً عن اﻹعتماد السابق حسب ما وضح وكيل الكلية للتطوير

شكراً لكل من أثرى الموضوع ... وأتمنى لكم الفائدة

تقبلوا تحياتي
Eng. Turky Gary

[المحترف_100]

مو كأنه بعض الردود خرجت عن الموضوع !!!!


tag2000sa

كلام سليم اخوي ,, وبالفعل انا على ما سمعت من اللي كانوا قبلنا ان الكلية جالسة تتغير الى الافضل ولله الحمد
وعلى ما قلت انت ان التغيير ما يجي في يوم وليلة

[eng.am]

ياريت يامشرفنا العزيز تشوف لنا حل مع هذول المزعجين اللي فوق

قلبوا المنتدى نصر وهلال وبطيخ والمنتدى منتدى هندسة !

[عبدالملكـ]

# ايه قال اعتماد وحنا بدايه الدراسه ندوخ علشان نعدل بجداولنا والشعب كلها فل :)

#صراحه اعتماد وابت ومن هالكلام بس انت بقرارت نفسك ايش يفيدك هالاعتماد اذا والله الطلاب شغالين مذكرات وخصوصين يعني فيه مشكله ..!!!


# بصراحه وللاسف الشديد دكتور هندي او بنقالي والله نكسه للطلاب وبالاخير تقول ابت اي ابت والهنود ما يعرف يشرح منهج .؟؟؟


هناك اشياء واشياء منها السلبي ومنها الايجابي لم اذكرها
ولكن اتمنى ان ترتقي جامعتنا وترك الابت :)
- المقصد (ابت) ولكن الواقع الذي نعيشه [في الحاضر ] غير عن الذي نسمعه عن التطور للاسف




ليست مشكلتي إن لم يفهم البعض ما اعنيه..
فهذه قناعاتي .. وهذه افكاري .. وهذه كتاباتي بين يديكم
أكتب ما اشعر به .. وأقول ما أنا مؤمن به ..


> اتمنى من الاشراف ايقاف بعض الاعضاء من غيرو مسار الموضوع الى فقر وزعيق

[مجموعة العنيد]

اول شيء صباح الخير يا أعضاء المنتدى واتمنى تتقبلوني ضيف عزيز

المشاركة الأصلية كتبت بواسطة المحترف_100 الف مبروك الاعتماد بس عندي تعقيب على اللي يذم الجامعة ويعفي الطالب من الخطا الطالب يدخل كلية الهندسة وهو الانجليزي عنده ضعيف ويوم يدرسونا انجليزي ,, تلقى الطلاب ما يحضرون او ينامون فيها من طولها وبعدين يبداون يعانون في المواد المتقدمة بسبب لغتهم ويجيك الطالب يداوم طول الترم ,, ولا يفكر يذاكر الا قبل الاختبارات ,, ويذاكر من عند مدرسين خصوصيين من برى الجامعة .. ويقولون مناهج صعبة ودكاترة واقفين لنا ويجلس يمشي في الجامعة ( بالدف ) الين يتخرج بمعدل سيء ,, ويقولو العيب من الجامعة في الاول والاخير انت طالب جامعي ,, يعني انت المسؤل المباشر عن تعليم نفسك ,, انت روح خذ الكتب واقرا وتعلم وطبق .. لا تعتمد على الدكتور يعطيك كل شي ولا تعتمد على مدرسين خصوصيين ,, لدرجة ان فيه طلاب اول ما ينزل مادة ويسمع ان فيها شغل ,,يبدا يسال الطلاب اذا فيه لها مدرس خصوصي !!! طالب جامعي وتروح لمدرس خصوصي في اكثر المواد ,, ما يصير اتمنى تفكير الطلاب يتغير عشان يقدروا يواصلوا في الكلية بنجاح ان شاء الله

ياسلام عليك بصراحة كلامك عين الصح اتمنى من الكل يفهم هالشيء ...

المشاركة الأصلية كتبت بواسطة مالك معاذ اخذت الاعتماد وهي لا حتى تحلم فيه .. ولا ماكان انسحبت من جامعة البترول .. وهي الجامعة العريقة والمعروفة .. خلونا واقعيين يا جماعة وبلاش طريقة التفكير دي وختاما بس احب أؤيدك كلمة قالها المهندس راكان في رده وكذلك ما كتبه الاخ المحترف واقوله سلمت يمناكم على هيك كلام واقعي

هلا عزيزي مجرد تعقيب بسيط للأسف هذه النظرة من كل الطلاب بل وليس فقط الطلاب حتى الدكاترة

اتذكر ايام الثانوي لما جيت ابى اقدم اخترت جامعة البترول رغم أن عمي ذكر لي نفس المسألة وقال انه الإعتماد الاكاديمي (ابيت) مسحوب من جامعة البترول !!

طبعا داك الوقت صدقت انا بس برضه كنت مقتنع بالبترول >>> نشبه

المهم اللي اكتشفته بعد ما دخلت جامعة البترول ان الاعتماد الاكاديمي المكافئ لكل الجامعتين ولم يسحب من جامعة ولا شيء من هالكلام

الاعتماد الاكاديمي المكافئ كان موجود في كلا الجامعتين مع فرق ان جامعة البترول من 1993 وهو عندها

وهذا ما اتمنى الكل يشيل فكرة انه الاعتماد المكافئ شالوه من جامعة وحطوه لجامعة

بإمكانكم مشاهدة الرابط (صحيح انه قديم شوي عام 2006) لأنه ايامه كان مافيش الا الإعتماد المكافئ وستلاحظوا فيه وجود كل من جامعة الملك فهد للبترول والمعادن وجامعة الملك عبدالعزيز

الرابط من موقع ABET

مصدر الصفحة

الآن من سنة تقريبا الابيت غيروا نظامهم وصاروا يسمحوا باعطاء الإعتماد الأكاديمي الكامل لكل الجامعات حتى خارج الولايات المتحدة الأمريكية وهو ما حصلت عليه جامعة الملك عبدالعزيز

في نفس الوقت الآن فريق الـ(ابيت) يزور جامعة البترول للإعتماد الاكاديمي وبإذن الله نحصل عليه :)

انجاز ملحوظ لكل الجامعات في السعودية ومن أعلى لأعلى ان شاء الله

مبروووك لكم الاعتماد

وجامعة الملك فهد وجامعة الملك عبدالعزيز عينين في رآس واحد :)

دمتم بود وأتمنى تسعدكم مشاركتي

ع الطاير : استغرب من البعض غير موضوع الاعتماد الى كوره ومدري ايش اتمنى منهم الإرتقاء بالتفكير وليكن شعاركم ( نلتقي ... لنرتقي)

[المحترف_100]

وش دخل الاندية في موضوعنا !!

اتمنى احترام الموضوع وكاتب الموضوع ,, واحترام المنتدى ومشرفيه
وقبل كل شي احترام انفسكم وعقولكم ,, واحد يقول للثاني فقر والثاني يرد زعيق

بالله هل هذا يليق فيكم او يليق بالمنتدى هذا ؟

احنا في منتدى صرح علمي ولسنا في منتدى رياضي ,, وكمهندسين اتمنى تكون لغة الخطاب اكثر رقي

[الكريم ابن الكرام]

مبروك

[عبدالملكـ]

^^
نلتقي لنرتقي

تحياتي لك

[space]

الله يوفق طلابنا وكليتنا لكل خير وعقبال المبنى الجديد ان شاء الله وإحلال دكاتره متميزين لقيادة الكلية للريادة وشدوا حيلكم يا شباب واستعينوا بالله .......

[مهنـ(engineer)ـدس]

السلام عليكم ورحمة الله وبركاتة
اولا
الف الف مبروك لطلاب جامعة الملك عبد العزيز عامة و طلاب كلية الهندسة خاصة على هذا الانجاز
الاكثر من رائع واللذي يعكس مدى تطور الجامعة واللي ان شاء الله انحس بقيمة التطور عند الوظيفة
ثانيا
فيه نقطة شدتني
واللي هيا الدروس الخصوصية والملخصات
انا مدري ايش اللي ينقص من الطالب انو ياخذ مدرس خصوصي او انو يذاكر من الملخصات ( طبعا انا ضد الاعتماد على المدرس الخصوصي الا بحالات خاصة )
ياخي عندنا وللاسف اغلب الدكاترة يدرسك للاختبار واحنا انذاكر للاختبار مو للفائدة
والطالب يبغى يجيب اعلى درجة يقدر عليها واغلب الدكاترة يشرح نظري وااخر المحاضرة يحللك مسالتين اما الخصوصي يفهمك الدرس بطريقة مبسطة وتشمل حل المسائل ومنها مسائل للاختبارات السابقة
وثق ثقة تامة انو الطالب مايلجا للخصوصي الا اذا كان الدكتور مايعرف يشرح
ونا اتكلم عن نفسي فيه مواد اخذت فيها مدرس خصوصي وجبت درجة حلوة اما اللي مااخذ واعتمدوا على شرح الدكتور اخذوا f او ماجابوا درجة كويسة
طبعا انا مااقلل من اهمية الكتاب او شرح الدكتور بس لازم يكون معاها ملخصات تساعدك بالمذاكرة

اما ثالث نقطة
اتمنى من الاشراف ايقاف بعض الاعضاء اللي شككوني اني بمنتدى كلية الهندسة


بالتوفيق للجميع