ܔْށ ٳζــْسَـاآآآ๛ ّسـُڪۇنّـﮯِ اْلّوَرّدِيܔْށ

[سكون الورد k.a.u]

أصبحنا وأصبح الملك لله

اللهم مأصبح بي من نعمة أو بأحد من خلقك فمنك وحدك ، لاشريك لك

لاحول ولاوة الا بالله العلي العظيم

اللهم إني أسألك خير هذا اليوم وخير مافيه ، وأعوذ بك من شر هذا اليوم وشر مافيه ..

اللهم صلي وسلم وبارك على سيدنا محمد افضل الصلاة وأتم التسليم

[سكون الورد k.a.u]

[سكون الورد k.a.u]

[سكون الورد k.a.u]

اليوم كاااان مزاااجي طااااالب الشيلات ..

والقصايد ... والمرثيات ...

تقريباً لحد الآن سمعت 20 شيله

ههههههههههههههههههههههههههههه مدري وش فيني !!

[سكون الورد k.a.u]

اليوم أتكلم أنا وأبوي عن القرارات اللي اصدرها الملك ...

>> ابوها كان مسافر هو وأمها لهم اسبوع ... واليوم نورت القصيم برجعتهم

يالبى القصيم وبس ..

على طاري القصيم ... في موضوع القهوهـ للأخت (قلبي إماراتي) ..

إمتدح صقر الشمال >> القهوهـ الشماليه ، وجيت أنا وامتدحت القهوهـ القصيميه ...

رد علي بقوله : كلنا عيال قريه

بس فعلاً قهوة الشمال ولا القصيم (او نجد كلها) نفس الشي .. يعني معروفه بالآصاله وفنجال ولا ثلاث يعدل المزاج ...

يعني انا مثلاً لما اكون خارج المملكه ، اموووت لو ماشربت القهوهـ يومياً على الاقل ... ويمكن انا اشوااا من ابوي ..

ابوي على الريق قهوهـ ، لدرجة اننا نخاف عليه من قرحة المعده او الاثنى عشر .. ولما قلت له : يبى ترا بيصيبك لاقدر الله قرحه بالاثنى عشر مايصير تسذا يايبى ماقلنا لاتشرب القهوهـ اشربها لكن بتوازن وماتكون على الريق ..
رد علي ابوي وقال : اثناعش اللي تقولينه تراااه بخير بس فكينا منتس !!! ههههههههههههههههههههههههههههههه
ابوووي فله .. مايحب أحد ينهاه عن شي ابد !!

ياحبني للشطحات .. نرجع لموضوع الملك وقراراته

طبعاً تكلمنا وتعمقنا وتحدثنا عن اللي بيصير وانا كنت مانيبـ متفائله من وجود المرأه بالمجلسين ..
وكان ابوي على عكسي .. لكنه خوفني من الفساد الجاي بسبب المرأه اللي بتتفرعن وتجي معها السيارات وتجي معها كشف الوجيه ... والعيااااذ بالله
يعني بيصير عندنا فساد اكثر من قبل ...

قلت لابوي : يعني بنشوف المرأهـ بكره بالمجلس ولابسه بشت هههههههههههههههههههههههههههههههههههههههه

ابوي جلس يضحك وقالي : وش بشته وانا ابوتس !!! بعد ماتزيد السنين على توليها ومجاراتها للرجال راح يسمح للمرأه بكره بتخصصات كثيره كانت رجوليه بحته ... وراح يبقى قله قليله من الإنثويات بالبلد .. لان كلن تبي السياره ، وكلن تبي تماري الرجال الا من رحم ربي ..

استفزيت ابوي بسؤال انا اساساً مانيبـ راضيه عنه ...

قلت : يبه طيب لو يسمحون بالسواقه للمرأهـ ، تخليني اسوووق ...؟

قال : كثير من البدو يعلمون بناتهن على السواقه ويسوقن بالبر .. لكن انتي ولا خواتك ولا اي شعرهـ من شعر شاربي .. ماتسوقه وانا حي (ن) أُرزق !!

قلت : عاد هالشي لبعض العوائل رحمه نازله لهم من السماء .. مالهم والي ولالهم احد يقوم بطلباتهم .. ومايكون عندهم رجل بالبيت .. وش يسوون ؟؟ يعني تركب مع الليموزين يخطفها ولا شيسوي بها ولا تسوق سياره ..؟

قال : بمثل هالحالات اشوف انه لاتثريب عليهم ، لكن بمثل حالتتس 6 رجال اخوانتس وانا السابع .. وش تبين بعد ؟؟

قلت : ابي جالكسي ... قال : ارسلي احد من العيال يروح يجيبه .. قالت : طيب عطني حقه ..

قال : روحي لمحفظتي وخذي 50 ريال .. قلت : والله لو ابي اشري (ابو كلب) وانت بكرامه انه اغلى من 50 ؟؟

قال : وش قصتس انتي وش تبين صارلتس ساعه تبربسين ومانيبـ عارف وش السالفه ؟؟؟ ههههههههههههه

قلت : ابي جالكسي ..!!! قال : طيب ارسليهم هذا الفلوس معتس !!

أُحادثكم الآن وانا بحوزتي 50 ريال حق جوال سامسونج جالكسي

ههههههههههههههههههههههههههههههههههه >> نصيحه : لاتسولفون مع الشيبان بأمور تقنيه بحته .. لانكم ماراح تستفيدون شي ^_^

[سكون الورد k.a.u]

8
8

ابوي يحسب اني اقصد شوكولاتة جالكسي ... ، مادراااا اني اقصد جوال ؟؟؟ ههههههههه

مع اني مااحب الحجم الكبير ... والآيفون 4 مكفيني وزود ... ومرتاحه فيه ..

لكن انا مابي اللاب توب خلاص زهقت منه ... ابي الجالكسي اريح لي وأخف

^_^

[سكون الورد k.a.u]

تباً لتقاعس قسم علم النفس ..

لم تنزل للآن قائمة الشعب الدراسيه !!!!!

حاولت إضافة مادهـ عن طريق المراسله .. أخبروني بأنه هناك عُطل ..!!!

حاولت إضافتها عن طريق المعاملات الالكترونبه .. ارسلولي رقم مع تحويلتان ..!!!

اتصلت على هذا الرقم وجربت التحويلتان منذ الساعه 10 ص وحتى الساعه 12 م .. وليس هناك مجيب !!!!

اتسآآآآآءل ماذا يحدث ؟؟؟؟؟ لماذا يجعلوننا بهذا القدر من التوتر والقلق والفزع !!!!!

أليسوا دكاترة علم النفس !!! أليسوا أعلم بسلبيات متابعة الاودوس المصحوب بالقلق والتوتر !!!

إلى متـــــــــــــــى ياعـــــــــــــــرب نتعلــــــــــــــــــم ولا نُطـــــبِــــــــــــق !!!!!!!!!!!!!!!!!!!!

[سكون الورد k.a.u]

المشاركة الأصلية كتبت بواسطة سكون الورد k.a.u لم تتخيل المواطنه (هبه) خريجة الأدب الفرنسي من جامعة الملك عبد العزيز ، أن استدعائها من قبل صندوق الموارد البشريه لإستلام وظيفتها سيكون صدمه لها ... ذهبت وهي تستحضر مستقبلها .. لكن .. !!!!!! حلمها لم يطول ،، بعد أن صدمتها الموظفه بأن وظيفتها ::: (مغسلة موتى) في مغسلة خيريه بجده !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !! المواطنه التي ألجم الموقف لسانها ،،، عاشت أيامها التاليه في رعب نفسي لم يفيقها منه إلا بإقناعها أن ماحدث ربما كان اسلوباً مدروساً لتخفيف القائمه الطويله للمسجلين في برنامج (حافز) !!!!!!!!!!

يعني مااعرف وش اقول ؟؟؟؟
وش تعليقي على هالمهزله والاستهتار !!!!!!!!!!!!!!!!!
ويقولون: اصبروا مسيرة الاصلاح والتعويض قادمه ...!!! الدوله ماهيبـ مقصره ..
هبه متخرجه من آدب فرنسي .. يعني تعتبر معها لغتين : انجليزي + فرنسي
وتتوظف مغسلة موتى !!!!!!!! إيش مثلاً بيخلونها تغسل الفرنسيات المسلمات ولا الانجليزيات المسلمات ؟؟؟؟
البنت نفسيتها تحطمت بالموارد البشريه .. اعصابها تلفت واكتئبت نفسياً ودخلت بمرحلة ذعر وفزع نفسي بسبب الصدمه النفسيه اللي جاتها !!!!!!!!!!!!

ليه يصير كذا معنا !!! حنا ماحنا شعب وافي !!! ماحنا اوادم لنا حقوق انسانيه ادناها الوظيفه المناسبه !!

قالوا : انتم غير متعلمين علشان تكونون كفو للوظيفه ، صرنا متعلمين وهالجامعيه هبه أكبر شاهد على كذب وغش وخداع المسؤولين عندنا ... وان الاصلاح فقط كلااااااااام على غير ماتمه وبلياااا تطبيق ..
شعارات ،، شعارات ،، شعارات .. والاعلااااااااام ماشاء الله عليه طاااير بالعجه على قولة الشباب .. وقاعد يشيد ويرفع ويشكر ..
وش عليه مسوووين كذاااااا كلنا عيال قريه وكلن يعرف أخيه .. ليتهم قالوا لها تتوظفين كاتبه ، ادرايه ، منسقه ... الخ اي شي بسيط مايليق بتخصصها لكن مغسلة امواااات عااااااااد !!

[سكون الورد k.a.u]

إلهـــــــــــي طالبــك تغفــــــر لعبـــد (ن) ماهـو بمعصــــوم

إلهـــــــــــي طهــر القلـب الضعـــــيف ولااااا تخليــــــــــــني

الشاعر / فهد الشهراني

[سكون الورد k.a.u]

شكيت وماشكيت الا عليه الواحد القيـــوم
وغير الله ضعيف ولو عطاني مابيشفيني

الشاعر / فهد الشهراني