مــــاذا تفعــــل ,,, إذا كـــان الصمــــت طبعــــك ,,, !!!

[واقعية]

المشاركة الأصلية كتبت بواسطة مايلي واقعيه قرفانه من الصمت اجل الله يحيك العيد عندنا شوفي الصمت والبوز على اوصوله تقولين عزا مو عيد الصمت حلوبس في اوقات يكون مصيبه على الواحد بذات اذا كان في مشكله

ههههههه شكلك كافشتني يابنت
ياشيخة لا تشكيلي ولا اشكيلك والله محد خالي لا يغرك الكل يضحك
بالعكس انا من الناس اللي لما اكون فرحانة ابكي ولما اكون زعلانة اضحك مجنونة ههههههه
وبجد وقت المشاكل الصمت مايسوي غير انو يزيد المشكلة ويكبرها
والله مرة صارتلي مشكلة انو وحدة كنت على خلاف معها مع اني كنت مامنتلها واتهمتني اتصلت على ابويا وقالتله بنتك مو طيبة وتكلم ومن هالكلام واللي حرق دمي ابوي صدق لولا امي وقتها هي اللي ردت على ابوي كان انا بقيت ساكتة وكان ثبت علي الكلام دامي ساكتة خصوصي اني لما انصدم من القريبين مني ابقى ساكتة لكن امي وقتها رحمة الله عليها هي اللي فهمت ابوي انو البنت حاقدة علي و زي كده

اسعدني مرورك ياعسل
لاتحرمينا هالطلة
تحياتي لك ,,,

[واقعية]

المشاركة الأصلية كتبت بواسطة mr_naif الصمت كثيرا ابلغ من الكلام انا طبعى الصمت اذا جاء وقت الجد اشمر عن سااعدي وامد لساانى شبرين واعطيه الى بخاطرى تحياتى ..

صحيح كلامك اخوي نايف انو الصمت ابلغ من الكلام ويريح الواحد من وجع الراس
بس مو كل الصامتين يشمروا بوقت الجد مثلك
انت كده صح
مستخدمه بالوقت الصح
اما في اوقات الواحد لازم يتكلم فيها
شرفني مرورك الجميل
تحياتي لك ,,,

[واقعية]

المشاركة الأصلية كتبت بواسطة memoooo.2008 بعض الأحيان يجبرك موقف معين على الصمت بالذات اذا كان ظلم ..احس نفسي ما اقدر اتكلم وكل الكلام يضيع من عندي .. بس بمجرد ما تهدأ نفسيتي انفجر واطلع كل اللي في قلبي .. موضوعك اكتر من رائع دمتي بود ياقمر..

الله يديمك ياقلبي

عليكي نور انا نفس حالتك لما انظلم اسكت واطول بسكوتي وفجاة تلاقيني انفجر واطلع كل اللي في قلبي
بس متى ؟؟؟
بعد مايكون فات الفوت بالوقت بدل الضايع نتكلم
وقتها يقولوا دامها سكتت من البداية معناها عارفة انها غلطانة ولا ما كان سكتت عاد نحن نسكت من الصدمة اللي تجينا وقتها
لازم تغيري هالطبع ياقلبو مو لصالحنا ابدا
شرفني مرورك ياعسل
تحياتي لك ,,,

[واقعية]

المشاركة الأصلية كتبت بواسطة عنفوان طفله ماذا تفعل ؟؟ عندما يحضنك أرق انسان وأحن قلب عليك _ أمك _ وتبحث في عينيك عن أسباب حزنك .. فأنت عاجز عن النطق وخائف من أن تكتشف بحدسها أسباب حزنك .... يسلموووو ^_^

صدقيني ياقلبي انا صحيح طبعي مع الكل ساكتة الا امي رحمة الله عليها ماكنت اخبي عنها شي اقولها كل شي اشياء بجد صديقاتي كانوا يستغربوا اني اقولها كده بس هي كانت متفهمة
مهما يكون قلبها عليك وبتشوفلك انسب شي انصحك لا تخبي عنها شي بدون استثناء تعرفي اش يعني بدون استثناء حتى لو كنتي حاسة نفسك غلطانة وخايفة من زعلها صدقيني محد بيحس فيكي قدها الله يحفظها لكي يارب
شرفني مرورك ياقلبي
تحياتي لك ,,,

[واقعية]

المشاركة الأصلية كتبت بواسطة يالبى قلبي بصرآآآح ـــه الصمت شي مؤلم ويوجع القلب ويفقله نصين لان انا طبعي مو الصمت بس اسكت واتغاضى عن تصرفات ومواقف كثيرة تصير ولمن الواح ـد يجي يتكلم ويطلع اللي قبل .. يصير الحق مو معاك والسبب : ليش ما تكلمتي من اول وانت يكون قصدك المحافظة ع اللي بينكم سواء عشرة او صداقه او قرابة... بس اكتشفت ان الصمت ما ينفع ابد .. فصرت على طبعي اي كلمه تنقال لي تلقين عشرة قدامها ههههههههه لاني بصمتي ضاع ـت اغلى صداقاتي ,,,, دمتم بود

ياعيني عليك انت زيي مشكلتي مع صديقاتي اللي غاليات علي او اي انسان غالي علي بشكل عام اتغاضى بطريقة عجيبة وتقهر حتى لو ووصلت لكرامتي هدي بس مع الغاليين
وبعدين زي ماقلتي تطلعي بنظرهم انتي الغلطانة ليييييش لانك ملاتكلمتي من اول
مافينا نقول ياخيتي غير الله المستعان
شرفني مرورك ياقلبو
تحياتي لك ,,,

[واقعية]

المشاركة الأصلية كتبت بواسطة البادي قالـوا علامـك صـامـت وقـلـت يـانـاس كـثـر الـكـلام يـقـل لاجـلــه مـقـامـي الصمت حكمه والحكي مصدر إفلاس ولقيـت فـي صمتـي يـزيـد احتـرامـي الصمت له معنى وله ذوق وإحساس مركـب نجاتـك فـي بـحـور الظـلامـي ترى الرجل صوره من الراس للساس ثــــم يـتـبـيـن جــوهــره بـالـكـلامــي إمـا نطـق فـي كلـمـة تـرفـع الــرأس تضفي على شكله جديـد الاسامـي وإلا يـعــود مـعـدنـه مـعــدن نـحــاس يرمـيـه سهـمـه بـعـد مـاكـان رامــي انا طبعي الصمت وماذا أفعل؟ أبد سلامتك وشكراً

يييييييه تجنن القصيدة اخوي البادي اموت انا بالشعر وخصوصا اللي كده له مغزى
اما عالصمت هو جميل بس في اوقات لازم تتكلم فيها بالمشاكل واوقات الجد لازم تتكلم لانو الناس يفهموك وقتها غلط
شرفني مرورك الجميل اخوي البادي
تحياتي لك ,,,

[واقعية]

المشاركة الأصلية كتبت بواسطة شمبوتي طبعًا مو من طبعي السكوت ولاكن بعض المواقف تـ ج ــبرنا ع ـــلى الصمت... مو لضــ ع ـــف فينا.. أو إنها ما تهمنا بس لأنها أصــ ع ـــب من إنها تترج ــــم بالكلمات والــ ح ـــروف .............................. وبــ ع ــض المواقف تتطلب مننا الصمت.. خ ــاصة إذا كنا نتـ ح ــدث مع أشخاص للأسف يـ ج ــهلو كلامنا ... ما أقصد لـ غ ـــةً ... ولكن مـ ع ـــنى ومضمون ................ وجدت سكوتي متجرا فلزمته ..... إذا لم أجد ربحا فلست بخاسر وما الصمت إلا في الرجال متاجر ..... وتاجره يعلو على كل تاجر للامام الشافــ ع ــي أسـ ع ـــدني الموضع مع خ ــالص شكري

العفو ياقلبي
عليكي نور انا زيك احيانا افضل الصمت مع الناس اللي اتجادل معهم مو لاني مو قادرة ارد عليهم الحمدلله اسلوبي يخليني اقدر اقنع كثيرين لاني غالبا على صح
بس احيانا في ناس مامنهم امل انهم يتغيروا افكارهم متحجرة وخلص عاجبتهم كده مايبون يغيرونه هههههه دكرتيني باخوي مو الكبير اللي اصغر منه دايمن انا وهو على خلاف يقولي ليش البنت تتعلم وهي بالاخر بتروح بيت زوجها احاول اجيله من هنا من هناك افهمه مايستوعب الموضوع عبس
اريح نفسي واقوله خلاص النقاش معك عقيم لانو بالاخر اللي ابي اسويه بسويه ان رضيتوا ولا مارضيتوا وبعد شوي نرجع نضحك ولا كنه صار شي هههههههه
والله حالة
شرفني مرورك ياقلبي
تحياتي لك ,,,

[بدرالبدر]

الصمتُ انواعُ .. فأختر اجودها

[واقعية]

المشاركة الأصلية كتبت بواسطة بدرالبدر الصمتُ انواعُ .. فأختر اجودها

كلامك مية مية
وهدا اللي اقصده
ماشاء الله عليك جبتها بايجاز وعبلاطة
شرفني مرورك اخوي بدر
تحياتي لك ,,,

[نغم الحياه]

موضوع مررررررره جنان
والأحلى صاحبته
وردود الأعضاء كفت ووفت
...........
والله مو قادره أعبر عن مشاعري تجاهـ موضوعك
فأسكت .. << هادا برضو عيب فيني