نزل الجدول الخاص بالمحاسبة المهنية

[محاسبة88]

شكرا اخي هادي الله يعطيك العافيه
بس حبيت اسالك الحين اذا جيت اسوي حذف واضافه ماتطلع لي الشعب والأوقات حقتها لان انا الحين سويت اضافه ماده 611و613 بس بدون اي معلومات حتى ماده 614 ماتطلع لي ....
فياليت تساعدونا ...

[هادي أحمد]

المشاركة الأصلية كتبت بواسطة محاسبة88 شكرا اخي هادي الله يعطيك العافيه بس حبيت اسالك الحين اذا جيت اسوي حذف واضافه ماتطلع لي الشعب والأوقات حقتها لان انا الحين سويت اضافه ماده 611و613 بس بدون اي معلومات حتى ماده 614 ماتطلع لي .... فياليت تساعدونا ...

تقدري تعرفي التفاصيل من خلال قائمة الشعب الدراسية ومن ثم تختاري أسم المادة وحسب إعتقادي بأن مواد المحاسبة لها الرمز ACCP و السنة 2010 والفصل الدراسي الأول ومن ثم الضغط على إستعلام
تقدري تاخذي كل التفاصيل (تقدري تميزي المادة من رقم الشعبة BA أو BB .... ورقم المادة 611 أو 613 ....الخ) ومن ثم ترجعي لقائمة الحذف الأضافة وتضيفي المواد اللي تختاريها

ولما تنتهي أدخلي على الجدول الدراسي وراح يظهر لك كل التفاصيل بالأيام وأسماء المواد و الأوقات

بالنسبة للمادة 614 ما تظهر عندي في الحذف والإضافة كمان (طبعا هي نازلة بجدولي بس نزلت تلقائيا بدون حذف أو إضافة) بس أتوقع تقدري تضيفي ماده ثانية عوضا عنها حسب الخطة الدراسية في الرابط
http://economics.kau.edu.sa/content....www.kau.edu.sa


أتمنى أكون قدرت أساعدك وأنا في الخدمة فيما أستطيع

تمنياتي للجميع بالموفقية

[محاسبة88]

شكرا اخي هادي تعبناك معانا الله يوفقك ويسعدك
شكلي بكره ان شاء الله بكلم الدكتور/عبدالعال واشوف وش سالفة هذا الجدول ...
شكرا مره ثانيه لك ...

[محاسبة88]

اخي هادي
نسيت اقولك انا لما رحت لقائمه الشعب طلعت لي المواد
على سبيل المثال ماده 611
الرمز accp الرقم 611 الشعبه ba الوحدات 3 اسم الأستاذه/ عيشه السيد الأيام w/t
الوقت بدايه ونهايه 0 العدد الفعلي 1 والاقصى 15
ومافي شعب ثانيه لنفس الماده
فهمت قصدي ...

[عيون الكون]

مرحبااااا

انا جبت الخبر اليقين اتصلت على كلية الادارة والاقتصاد قسم الماجستير التنفيذي وسألت عن الجداول

وكان الخبر كالتالي :

بكرة أو بعده راح ينزل الجدول حق الطالبات وانتي حره لو حبيتي تضيفي من الحين المواد او تنتظري الجدول ينزل وتاريخ انتهاء الحذف والاضافة هو 16

بالنسبة للمواد اللي راح تنزل في الجدول هي ثلاثة مواد محاسبة مالية و نظم معلومات محاسبية و مناهج البحث والتحليل الكمي في المحاسبة

ولما سألتها عن اضافة مادة رابعة قالت انتي حره بس ماانصحك لانه راح يصير ضغط جدا لان المواد الثلاثة دسمه وتحتاج تكاليف كثيرة وتركيز وماقد أحد طلب اضافة الكل بكتفي بثلاثة مواد

وعن مواعيد المحاضرات قالت هي مواعيد محددة وثابته يوم الاربعاء من 3 الى 9 والخميس من 9 الى 6 او 9 والجمعه من 3 الى 6 او 9

انا عني راح انتظر هم ينزلولي الجدول بكرة او بعده وماراح اضيف شي راح اكتفي بثلاثة مواد كبداية

وكمان قالت راح يرسلوا على الايميل جدول بكل المواعيد وجميع ارقام الهواتف اللي نقدر نستفسر منهم من خلالها هذي اليومين


بالنسبة للخطة الدراسية مقسمة بالاترام اتوقع تكون موجودة عند نفس الكلية لانه الموقع مافيه شي


أتمنى اكون افدتك

[محاسبة88]

مشكورة عيون الكون فرحتيني الله يفرحك ويجزاك خير
ممكن رقمهم الله يعافيك ...
ياله ان شاء الله ان جدولي انا وياك يكون نفس المحاضرات ...
صح افضل ثلاث مواد عشان تجيبين معدل مرتفع ....

[عيون الكون]

لا شكر على واجب ياقلبي

الله يفرحنا جميع ويبشرنا بالخير دايم

اتوقع راح نكون مع بعض لانه الشعب وحده

بالنسبة لرقمهم اتصلي على نفس رقم الجامعة واطلبي (0) راح يرد عليك الاستقبال قولي له يحولك على قسم البرامج التنفيذية طالبات

[هادي أحمد]

المشاركة الأصلية كتبت بواسطة محاسبة88 شكرا اخي هادي تعبناك معانا الله يوفقك ويسعدك شكلي بكره ان شاء الله بكلم الدكتور/عبدالعال واشوف وش سالفة هذا الجدول ... شكرا مره ثانيه لك ...

بالعكس اختي مافي تعب ولا شئ هذا واجب وبعدين ما سويت شئ محرز .....
تحياتي .

[هادي أحمد]

المشاركة الأصلية كتبت بواسطة محاسبة88 اخي هادي نسيت اقولك انا لما رحت لقائمه الشعب طلعت لي المواد على سبيل المثال ماده 611 الرمز accp الرقم 611 الشعبه ba الوحدات 3 اسم الأستاذه/ عيشه السيد الأيام w/t الوقت بدايه ونهايه 0 العدد الفعلي 1 والاقصى 15 ومافي شعب ثانيه لنفس الماده فهمت قصدي ...

يتهيأ لي (مو متأكد لأن حالي حالكم أول ترم لي ) أن الجدول مايسمح ينزل مواد متعارضة ، ومعنى كلامك أن الشعبة الوحيدة المفتوحة للمادة 611 هي الموجودة ....

في وجهة نظري أن تنتظري الجدول مثل ما شارت عيون الكون ولو حبيتي تعدلي بعد ماينزل تقدري والأمر راجع لك .

وبالنسبة لعدد الساعات أكيد 9 أفضل علشان المعدل ، بالنسبة لي نزلت 12 ساعة والله يعينني أبي أنتهي خلال سنتين وأخلص من مشاوير الدمام جدة اسبوع واسبوع .....

ربي يوفقنني وياكم والجميع لكل خير

[ابو احمد999]

السلام عليكم ورحمة الله وبركاته
المعذره على الانقطاع بس كنت مشغول بالنسبه لي انا العام سجلت اول ترم 3 مواد والترم الثاني 3 مواد والصيفي مادتين بس لقيت ان زملاي سابقيني بمادتين فالترم هذا نزلت اربع والترم الجاي باذن الله اربع مواد علشان اتخرج نهاية الترم الثاني باذن الله .....
بالنسبه للاخوات المعروف انه ينزل لهم الجدول جاهز ويقدروا يضيفوا او يحذفوا اما من ناحية الضغط ايو والله ضغط وتعب الاربع مواد كنت اشوف الزملا يطلعوا من المحاظرات تعبانين بس السنه الثانيه هم مرتاحين لانهم خلصوا عشرمواد وانا ثمان مواد يعني باقي لهم ست مواد فقط وانا باقي لي ثمان مواد فقط هم يرتاحوا السنه ذي وانا اكرف بس دعواتكم والله يوفقكم ........