جداول الماستر ( كلاكيت تاني مره )

[frhatlgana]

السلام عليكم....
أنا اليوم رحت الجامعه وقالت لي احدى الاستاذات نزلي المواد من قائمة الحذف والاضافه بس المشكله انه بعض المواد مو نازلها وقت وبما اني مستجده حبيت استشير المرشده الطلابيه وقالو لي روحي للدكتوره المسؤله عن قسمك من عنده ممكن انزل الجدول وطبعا رحت .......لكن للاسف وكالعاده مالقيتها فقالو لي تعالي السبت طبعا ومافيه اسهل من القول والقاء الأوامر عندهم ..
عموما حابه اسأل مو الدراسه تبدء السبت؟؟

[never hide]

ما اعرف و الله اش راح نسوي يوم السبت

احس اننا ضايعين في زحمة الجداول

بنااااااااات فين قائمة الحذف و الاضافة انا ما عندي لييشششش؟؟؟؟؟

[مونيا21]

اما ما عندك قائمه حذف واضافه

انا اضفت موادي خلاص بس مافي اوقات

دقيت اليوم على الدكتوره المسؤوله في قسمي وكلمتها قالت ليسا ما سار شي يوم السبت ان شاء الله يا بنات لا تشيلو هم اول اسبوع كلو تعديلات

[راكان1400]

انا رحت الجامعة اليوم وقالتلي الدكتورة ليش متعبة نفسك وجاية اليوم

تعالي السبت يكونوا المرشدات كلهم مداومين وان شاءالله يوجهوكم ..
وانا الى الان ماسويت شي بالجدول ..

[نوره علي]

أما عاد


اسمك راكان و أنثى هههههههههه


ايش الطاري و ألا هذه أول آثار الدراسة في الماجستير هههههههه

[راكان1400]

ههههههههههه ايه اول ماسجلت بالمنتدى قلت اختار اسم ذكوري

بس ماشاءالله المنتدى يتميز بالاحترام والعقول الراجحة ,,

وانا مسجلة من سنة مو من دحين ههههههه

[نوره علي]

طيب عزيزتي اطلبي تغيير الاسم من الإدارة


عشان لا يصير خلط :)

[نبض ميت]

بسم الله الرحمن الرحيم

ارجوكم احتاج مشورتكم .......

ابغه اسجل ثلاثة مواد بس اخاف عشان الدورة انها تكون كثير علي والله ماني عارفة كيف اتصرف ؟؟؟؟

كل ساعة اضيف مادة وارجع احذفها دلوني الله ارجوكم ..

[الهنوفه]

اللي مانزلها جدول تروح للجامعه وتضيف من عندهم احسن لأنهم ماراح ينزلوه من نفسهم اذا مانزل جدول من البدايه .... وبالنسبه للمواد انا اضفت مادتين :)

[never hide]

اها شكرا هنوفة

انا اضفت وحدة و الباقي يوم السبت ان شاء الله

نبض ... اعتقد 3 مع الدورة مناسب لكن انتي اعرف بموادك مننا

اسألي المرشدة حقتك و بالتوفيق