|{ تجمع بنات [ فنون إسلامية ] ~

[بكـآء آلـرٍـوٍح ..!]

حتى أنا بسأل نفس بوسي

كيف قسمكمْ حلو ولا لا ؟؟

انا ما اعرف لرسم اذا دخلوني فيه هل راح اقدر امشي فيه ؟؟

كل شي ياريت تخبرونا يآ عسسسلآت والله يجزاكم عنا كل الخير يارب

[ساره ^^]

الله يخلييييييييييييييييييييييكم
اتكلمو عن كل شي في القسم
ايجابياتو وسلبياتو
عن ايش بالزبط
اش تسووو
اش مستقبلو
!!!
وشكرررررررررررا

[Lovely smasm]

^_^ بنات الفنوووون اشبكم كلكم خايفين وشايلين هم من قسمكم
تراه منجد قسم ممتع .. هو صحيح قسم يفضي محفظتك ويستنفذ طاقاتك ويطلع عيونك بس منجد كله يهووون
يهووون لمن تنتهي من شغلك وتشوفي انجازك وقد ايش انتي مبدعة وانتي ماتدري ^_^ منجد اسألوا مجرب
انا بصراحة كنت علمي وبحب الكيمياء والانجلش وكنت محتارة بينهم بس سبحان الله ومع الاستخارة جات على راسي اني ابغى اقتصاد منزلي وكان من المواد العامة (( فنون اسلامية )) وغصبا عني اخدتها وانا اكره الرسم وكانت يوم الربوع من 1 الين4 يعني تخيلوا المعاناة بس الحمدلله كانت مع استازتين معيدتين منجد طيبتين بمعنى الكلمة هو صحيح ماكان شرحهم مررة كويس وانا عانيت معاهم في البداية بس انا عشان تهمني درجاتي صرت احضر كلاسات لأستازة نادية الخطيب ومنجد حببتني في المادة ودخلت القسم
وده منجد من اهم مميزات القسم انوا اغلب دكاترتو واستازاتو طيبين ويراعوا البنات وقدراتهم الا اقلية منهم الله يهديهم
ازا عندكم اي سؤال عن اي مادة ممكن اخدتها اسألوني
وعن تصميمات خطية بصراحة الدكترة سلوى روووعة ومنجد صحبتنا والبنات ده السمستر اخدو اشياء احلى مننا احنا السمستر اللي فات بس منجد سهل ومو لازم تكوني بوفيشنال في الفوتوشوب لانها حتعلمكم الاساسيات يعني بسيط كله والدرجات ان شاء الله مضمونة معاها ^_^

[Lovely smasm]

اهاااا نسيت اقوول على شي
على فكرة قسم الفنون الاسلامية مرررة مايحتاج تكوني موهوبة في الرسم لاننا مح نرسم الا في 4 او 3 مواد بس مادة فنون اسلامية 1 و2 وده كلو بالمسطرة والمرسام ودراسة وتكوين وابداع لوني وتقنيات بس
اما المواد التانية فكلها شغل عملي يا بالخيوط او بالجلود ولا بالقرع ولا بالورق ولا بالطين يعني شغل يد وصدقوني ممتع كلمة قليلة عليه .. وتراه منجد يعلمكم الصبر حتى اللي ماعندها ولا نفس للشغل كل ده رح يتغير وانتي راح تكتشفي اشياء في نفسك انتي ماكنتي تتوقعي انها فيكي ^_^

[BOOOSY]

مررررررررررررررررررررة مشكووووووورة الله يوفقك يارب ويفتحلك نفسك زي ما فتحتيلي نفسي

[fato0o0om]

ليش يا بنات خايفين
انا كنت مره احب الفنون بس كنت محتاره ومتردده
بس الحمدلله .. الصراحه القسم رائع واغلب الاستاذات رائعات
ومن جد زي ما قالوا البنات يعملك الصبر وانك تستحملي وتعيدي شغلك
وممكن في البداية تطفشي وتقولي شغل كثير بس كله يهون لما تشوفي نتيجة تعبك
الي حابه تدخل فنون لا تتردد ابداااا .. والي دخلوا صدقوني راح تحبوا القسم
والله يوفق الجميع

[fato0o0om]

ايوه كمان حابه اسألكم :d
انا ماخده مادة اشغال فنيه بيئيه 2 مع استاذه هيام
والدراسه والتكوين مع استاذه فاطمه
وادارة المشروعات الخاصه
كيف المواد دي؟؟ لو عندكم فكره ياريت تفيدوني

[Lovely smasm]

هيـــــــــــــــــــــــــــــــــــــــام !!!!!!!!!!
الله يكووووون في عونك .. هو صحيح اني قلت انو استازة الفنون عسل بس الا اقلية
خخخ وهيـــــــــــام قائدة دي الأقلية خخخخ
شوفي انا مابخوفك فيها لاني بصراحة الحمدلله الا الآن ماجربتها بس هي تكرف شغل وتبغى شي جديد ومرررة جديد ومبدع وترى لازم تقوليلها على كل خطواتك وافكارك في المشاريع لانها ازا مازافقتلك مارح يعجبها ابدا
بس ازا عجبتيها تراها بتعطي 99 و 98 بالهبل رغم انو البنات اللي اخدوها اتفاجأوا بس ,,ماادري مزاجية الأخت بس لاتردي عليها مهما حاولت تنرفزك حاولي تمسكي اعصابك طيب ... ده الشي لا تنسيه
اما فاطمة كويسة ممش بطالة وماعندها شغل كتير ودي المشكلة انك مابتبدعي في موادها زي المواد التانية ,,, وكانت في وحدة بتسأل عنها كمان
http://www.skaau.ws/vb/showthread.php?t=165464

[ريامي]

سووووسووو مررررررررررررررا وحشتيني... خساره الترم دا مو معاكي ولا في ماده...
ايش المواد الي اخذتيها
انا اخذت,,, شوفي جدولي تحت ...<<ههههههههههههههههه

اما بالنسبه للبنات الي يسالو عن قسمنا ما اقووول غير الحمدلله اني فنوووووون

[fato0o0om]

تصدقي اني اليوم كنت اقول خلاص ححذف الماده دي
بعدين قلت لا يا شيخه خلاص خديها
ورجعت فتحت المنتدى وياريتني ما فتحته
شغالين فيا احباط :@
انتي وساكنه في بيتنا
وحده تقول على تاريخ فنون
وانتي على دي
مادري اصلا اذا ينفع احذف الاسبوع دا ولا لا
الله يستر