نداء لكل من لديه سلطه بالجامعه

[@ندى@]

اضم صوتي لصوتك ولكن ماافي احد يسمع الامن يبغا يفضي الجامعه عشان يروحون بيتوهم بدري ههه

[روووني]

والله من جد كلامك صح الاستراحات مرره قليله حتى المبنى التاسع لوجلستي في الكراسي حقتو يقولولك اللي ماعندها

محاضره تطلع برا المبنى لوسمحتو

واستراحه التامن مليانه مررره وريحتها تجيب القرف والاستراحه اللي عند البوابه الشماليه مررره بعيده وبرضو مليانه

ماتلاقي مكان تجلسي فيه

وجوا المباني مستحيل يخلونا نجلس يخرجونا من المبنى كأننا اطفال حنخرب لهم المكان

وياويلك لو جلستي في الكلاسات تدخلك المشرفه وتطالع فيكي كأنك سويتي جريمه ولا ارتكبتي حاجه محرمه

لا وتطالع فيكي من فوق لتحت واخيرا مالنا الا نجلس تحت الشمس العزيزه والحر الرهيب

انا بصراحه اتمنى انهم يوفرو مبنى كبيرفي نص الجامعه يكون للطالبات فقط مافي كلاسات ولاشي نرتاح فيها بدل

الهجوله دي اللي احنا فيها

ومرره شكرا على الموضوع اللي فعلا محتاج لحل جذري

[bullet4myvalentine]

بالصراحه يابنات لازم تصحوا شويه وفكروا انا شايفه معظمكم عاملين مقارنات بين العملي والادبي في ناحية المباني ودا شي مو كاتب دا مبنى خاص للعملي ومبنى خاص للأدبي كلو مباني الجامعه للكل طالبات العلم ولا تعملوا مقارنه بينكم وبين الاولاد

انتم للآسف عاملين نفسكم احزن ناس في مكان الدراسه بالصراحه انا احزن عليكم لانو اللي اسوأ منكم يعرفوا كيف يتصرفوا وانتم عاملين شكوى عشوائيه تقولوا يبالهم يعملوا كده وكده
لازم في تفاعل وتقولوا ايش رأيكم نروح مكتب العماده نكلمهم على دا الموضوع يعني انتم مو الخصرانين بتعملوا اقتراح لانو هما اصلا مو عارفين معاناتكم

يبالكم تشوفوا خريطه الجامعه اللي يقولوا نبى مبنى يتبني في نص الجامعه دا شي صعب مافي مكان و ماراح يخلص في اشهر راح يخلص في سنوات لانو العمال راح يشتغلوا على الاجازه

والله ياأخواتي فكروا انتم تكسبوا أجر مع التعب قاعدين في الجامعه شويه وبعدها تروحوا البيت استحملوا شويه كلها مشي 5 دقايق تقريبا مو مشكله تروحوا مبنى 7 في المصلى وترتاحوا لانو المصلى عايدي تروحوا تنسدحوا شويه او تزاكروا هناكا بتعملوا حاجه طيبه ولا ازعاج لا امن ولا دكاتره أو مبنى 420 أو تروحوا الشماليه في بيت الدونات لا تقولوا بعيد مالي نفس ولا اللي تبى باسكن روبنز مبنى قريب من عندها عشان ماتتعب نفسها

والله معليه دا رأيي وماابى يحصل لي اهانات ولا انا ابى اهينكم وسامحوني ازا قلت حاجه يزعل فكرتها حلوه بس اتمنى فكرتها مايكون مجال بس للمناقشه فقط و تحمس

[روووني]

^^^^^^^^

حلوه فكرتك اننا نروح نكلم مكتب العماده ونعطيهم اقتراحنا

وازا على المكان اللي يسوو فيه مبنى خاص للطالبات ترا موجود المكان وهوا اللي عند التاسع اللي عملوا فيه

السمستر اللي راح بازار وسووا خيمه قد ايش كبرها ومو لازم يسوو لدفعتنا ويخلصوا دي السنه لا ممكن يسووه

للدفعات اللي بعدنا

واتخيلي لو كل بنات الجامعه راحو السابع او حتى ربعهم اكيد راح تتضايقو مننا مع الوقت واصلا المبنى ماراح يستحمل

هوا الحل الوحيد زي ماقلتي نكتبلهم اقتراحات

وصدقيني انتي عشان علوم ماتحسي باللي نحس بيه يعني مبناكم ماشاءالله تبارك الله متكامل حتى مصلى عندكم

احنا مصلانا سجاجيد مفروشه قريب على بوابه الخروج

بس يلا كلو بأجرو

[يايا الحلا]

انا حابه ارد ع الاخ الي جايب احاديث عن الصحابه اول شي احنا مانقارن بالصحابه تاني شي قلتاها في المسجد النبوي اما احنا مصلى قدام الرايح والجاي
وبعدين الانثى بطبيعتها الحياء فماينفع اتمدد قدام الكل وانا لاحظت الكل قاعد يستصعب الغرف او السرير ياليت تشوفو المدارس الي برا هدي مدرسه وانتو عارفين مدى البريك كيف قصير ومسوين فيها غرف وسرر وياليت تنفهم بالمعنى الايجابي مو المعنى السلبي فياليت الي بيتناقش في الموضوع ""فليقل خيرا او ليصمت"" ولا داعي للتريقه وتكبير الموضوع فان دل دل ع اسلوب الشخص وبيئته وشكرا للتجاوبوا في الموضوع بطريقه راقيييييييه وإن شاء الله نروح ونكتب اقتراحاتنا ونشوف

[bullet4myvalentine]

والله موضوع السرير مني موافقه على دا الشي يعني استغفر الله انتي منتي ضامنه اللي انسدحت ريحتها كيف الله يهديها وامكن تنعدي منها من شي ومنتي عارفه السرير مو شي بسيط يبالها تغيير كلو شويه عشان البكتريا كيف تبينهم يهتمو بالسرر وهما أصلا مو مهتمين بالحمامات والمكان نفسها راح يتوسخ اللي تجيب أكل ولا مشروبات للآسف نعيش في مجتمع مايعرف قيمة النظافه ومنتي عارفه في بنات ليزبو بيعملوا حاجات الله يهديهم عام كيف راح يكون الوضع في سرير

والله ياأختي اتمنى لا تعملي مقارنات بين بره وبين السعوديه اللي بره يدفعوا فلوس عشان يحققوا وكمانه مو كلو شي تشوفينو بره عندهم في كلو المدارس راح تلاقي دي الاشياء في الجامعات والمدارس الاهليه اما الحكوميه مستحيل والله ازا شفتي جامعه الملك سعود اسوأ من عبدالعزيز و لا اعتبر أفريقيا أسوأ منهم بمليون مره وماشاء الله مستحملين الوضع ومبتسمين

والله يا بنات انتم اهون انا درست في مدرسه حكوميه تخيلي الفصول مكيف مايبرد زي الناس ووقت الفسحه تخيليو اتمنى اقعد في الفصل بدال الساحه المغطى من الحديد بكاملها بدال الحر اللي احنا فيها يسير اسوأ يعمل السونا الحمدلله عندكم مكافآت والشتاء قربت راح تلاقوا الجو الحلو وراح تقعدوا بره

لا تنسوا لا تعقدوا نفسكم وتعملوا مقارنات وتتمنوا كلو شويه في حاجه استحملوا دا شي فيها أجر من ربنا ولاتنسوا ربنا كاتب لكم انتم راح تعيشوا وتدرسوا بدا الوضع

[يايا الحلا]

الانسان بطبييعته ينظر للي احسن منه مو للأخس

[بنت الخليج..]

حنا مانبي غير الكافتيريا السنعه مثل اللي في العلوم واستراحات
وبعدين مبنى 420 اللي كان حق الطلاب فيه مصلى وكافتيريا بس ليه مقفلينه وحاطين فيه مكاتب؟؟>>كأنه مخزن
وترى حلو لو سووا كل كلية مثل كلية العلوم يعني مبنى مستقل ترى لو سووا كذا الزحمه رااح اتخف..
وبعدين تعااالوا!!
العام ماكان فيه ترم صيفي والسبب انه توجد صيانة بالجامعة ..أي صيانة ماشفنا شي إلا هالمباني رقموها ودهنوا كلية الاقتصاد والإدارة فقط
تحيااتي،،

[bullet4myvalentine]

اتزكروا حديث الرسول صلى الله عليه وسلم
قال الرسول صلى الله عليه وسلم "مايصيب المسلم من نصب ولاوصب ولا هم ولا حزن ولا أذى ولا غم حتى الشوكه يشاكها إلا كفر الله بها من خطاياه"
اللي تديكم من دكاتره او أمن الخ نظره استحقار لا تنقهروا ولا تزعلوا بالعكس افرحوا كسبتوا حسانتها بدال تسسبوا هم والنهايه يكسبوا حسانتكم
اعيد واكرر لا احطمكم ماعليكم الا الصبر ازا هما مو قادرين يعملوا مباني ولا يتفقوا على رأيكم ولا تقولوا انتي طالبه علمي الخ انا انسحبت مابدرس عندكم بس درست عندكم سنه وكنت اجي دايما الساعه 7.30 من البوابه الشماليه مشي الى مبنى 7 وبعدها 420 ومشي من 7 الى البوابه الشماليه عشان ارجع البيت 11.30 وارجع مره تانيه على 2 مشي من البوابه الشماليه الى مبنى 7 وارجع من مبنى 7 الى البوابه الشماليه وارجع البيت على 5 بحاول اخفف لكم بس النهايه لاحظت الكل مو راضي يتقبل الوضع اللي مكتوب عشان نفسيتوا يرتاح

[.,.نيــــــــــــــــــــران.,.]

http://www.skaau.com/vb/member.php?u=28673

رائع بث روح الصبر ورفع المعنويات
فعلا لازم نصبر وطريق العلم ماحيجي مفروش ورود
في مقابل انه الغرب عندهم راحة في البيئة التعليمية الا انهم يدفعون مبااالغ عشان يتعلمون ولو احنا العرب رحنا هناك ندفع ثمن الغربة غالي ،،

أشكرك لتغيير وجهة نظري

تحياتي لك ولعقلك الواعي