كتبي ..كل ملخصاتي ذهبت أدراج السيول فماذا أعمل ؟؟!!

ابو رابح · 03-12-2009, 12:20 PM

الله يعوضك حبيب قلبي واذا انت خطه ب انا مستعد اعطيك اي ملخص تبيه انت اطلب بس...نحن في الخدمه

تحيتي ابو رابح

سيسيليفينيا · 03-12-2009, 12:35 PM

الله يكون في عونك .... ويعوضك خير
ان شاء الله تلقى احد يساعدك......
وانت لا تسكت ...شوف احد معك في
الكلاس وخذ منو وصور... واسال عن اي شئ
هنا في المنتدى وحيساعدونك وماحيقصروا.....بالتوفيق

د/ روميو · 03-12-2009, 11:28 PM

السلام عليكم ورحمة الله وبركاته ،،

اخوي ...الله يأجرك في مصيبتك ويخلف لك خير منها ...
والحمدلله انها في الكتب والحديد والجماد ..ولا فيك ..الحمدلله ،،،

وبالنسبة ..للمساعدة ..ابشر بعزك ...الواحد إذا ما نفع خوية ..في الضيقة ..مافية خير ...
%%%%%%

1- الكيمياء / انا ما اكتب مع الدكتور ...لاكن اشتريت كتاب مختصر الكيمياء العامة ..للدكتور عبدالله عسيري ...
وهو يوجد لدى مكتبة خوارزم ..
وانا اعتقد انه كافي جدا ...( واحد طب بشري السنة دي ..والسنة الماضية تحضيري ..ذاكر منه بس ..وجاب 93..)
وانت اشترية ..هو قيمته ..40ريال ،،،
واقرى الدرس ..قبل ..ماتخذه مع الدكتور عشان تفهم ..
واذا تبحث عن خصوصي ...هادا رقم ..دكتور ..
حسن وحيـد : 0504381537
2- الاحياء / هادي مادة سهلة ...وبس محتاج تذاكر التست بنك ..
وهو موجد هنا ..http://www.skaau.com/vb/showthread.php?t=124669
ذاكره بس ..بدون الكتاب ولا شي ..واضمن لك الفل مارك ...
وكمان فيه عضوة ..راح تنزلة مترجم ...في هادا الموضوع ..راح ينزل مترجم ..خلال هاليومين ..
http://www.skaau.com/vb/showthread.php?t=126443
هادا بارت 3 ...الاسئلة المقلوبة ..وبارت 1+بارت 2 ..راح تنزلة نفس العضوة ..قريب ...
3- الاحصاء / ..هادي مادة ..إن شاء الله انها سهلة ..<<مع انها عقدة عندي ..هههههههه
لاكن شووف ..انت تحتاج شيين ..عشان تجيب درجات حلوة فيها ...
عندك ملخصات اشرف بركات ...موجودة عند مكتبة الانوار ..خلف عزيز مول ...
هو للحين نازل ...الثلاث شباتر الاولى ..،،،
لكن راح ينزل الباقي حق الدوري الثاني قريب ...
وهادا رقمه لو حاب تتصل علية تاخد عنده خصوصي ..
أشرف بركات : 0504590132 و إذا ما لقيت عنده مكان قل له أعطيني رقم أخوك،،،
والشي الثاني ...حضور المحاضرات ,,مهم مهم ..جدا ...
وعندك كمان إضافة إلى ..اشرف بركات ..
ملخص الدكتور سعيد الغامدي ...
الرابط عندي ..لاكن موقع الجامعة خربان ومقــــفل من الامطار والسيول ..اللي غرقة البلد ..الله يحمينا بس ...
لاكن انت إذا كنت تدرس عنده ...تلقاها معه الشباب ...
وانا كان ودي اخدمك ..واجيبها لك ..لاكن انا ادرس عند واحد مصري..وحالتي حالة ..خلها على ربك ..
4- الانجليزي/
هادي ..المادة ..اهم مادة ..
شوووف هادي لازم تشتري كتبها...
هي الحين متوفرة عند ..مكتبة كلية العلوم ..مبنى 115...والله يعينك على المبلغ ..
واجوبة الاسئلة وتكميل الكتاب..
الشباب في كلاسك مايقصروا معك بإن الله ...
اطلبها منهم ..اول اسبوع ..عشان تكملها بدري وترتاح ...
%%%
وفي الاخير ..اتمنى تسامحني ..على قل الفايدة ...
وربي ودي اساعدك اكثر ...لاكن ما باليد حيله ،،،
انا من خارج جدة ..والله العالم ..متى اسافر جدة ..مع هالأجواء...الصعبة ..

واي خدمة أو مساعدة ...او اي شي ..
لا تتردد في تنزيل موضوع هنا..وانا والشباب والصبايا ..
بإذن الله مراح نقصر ...
وبالتوفيق لك ولي وللجميع ..
تحياتي...

ابو رابح · 03-12-2009, 11:31 PM

حبيب قلبي اطلب اي شي اذا انت خطه ب وابو رابح مستعد

تحيتي ابو رابح

battota · 03-12-2009, 11:46 PM

الله يعوضك خير منها ...

miss.NeNo · 04-12-2009, 12:37 AM

من ترك شي لوجه الله عوضه الله خيراً منه

ان شااء الله ربي يعووضك خير فيهاا

والاخ روميوو ماقصر ماشاء الله وفى وكفى يعطيه ربي الف الف عااافية

والمنتدى ان شااء الله مارح يقصر معااك

كلنا اخوانك

وادا محتاااج شي لايردك الا الكيبورد

بس ان شااء الله تكونوو كلكم بخير وكل اللي اتعرضووا للمأسااة دي