صف صف صيــــــفي بنات

[charming lady]

لوليتا .. يسلمووووو ياقمر على ردك

توصي شي... ياشيخه انتي اللي تبرد قلبي بالمنتدى دااااااا
الله يسعدددددددددددك ويوفقك ويزوجك اللي تتمنيه يااااااااااااااااااااااااااااااارب
بجد بجد مرررررررره شكرا ريحتيني الله يريحك دنيا واخره ياقمر

[!!توصي شيء!!]

إذا تبين المحاضرات بعد عندي ،،

دفتري كامل مكمل الحمدلله ،،

عند وحده من صحباتي عشان أخذتها الترم اللي فات معاها :)

أصوره لك إذا تبين ،،
.
.
.

[.,.نيــــــــــــــــــــران.,.]

لوليتا ماابغى شي من تاريخ

اخاف تواريخ وقادة ومدري عام كم انا مااحفظ

شكلي حروح كل يوم خلاص امري لله

[رهف]

لالالالالالالا تاريخ نو نو نو

مره مو حلو

انا ااييد راي متمرده اتوقع راح يكون شي مفهون عن الطفل

طيب قلبي لوليتا يعني خلاص ما انزل مواد حره صح ؟

يافديتكم يا بنات والله تريحوني ... قسم بالله انكم احسن من الشؤون هههه

تردون بسرعه

الله يوفقكم

اذا قررتم على جدول معين قولو عشان نحط مع بعض

[loletaaaaa]

ههههههههه لازم نكون مع بعض
انتي تبي طيب نظم معلومات اداريه وماليه شركات مبدئيا ولا لا ؟؟
وازا اخدنا على فكره ماده المتمرده اللي تقول عليها حنضطر نجي 5 ايام وانا الكلام ده اللي قلتو عن انو داخل فالاقتصاد احياء بنت من الاقتصاد المنزلي قالتلي عنو انو اي شي عن الطفل لاتاخدي ابدا
وحيكون احد وتلوت ماده الطفل
وسبت واتين وربوع ازا تبي ماليه وبينها بريك ساعتين بعدين النظم ؟
انتو شوفو على ايش حتتمو وانا معاكم ان شالله
شكلنا حنسوي شله فالكلاس بنات المنتدى هههههه بس بعد التعب ده كلو لازم نسويها قدام فالصف الاول عشان نجيب درجات حلوه مو نسال طول اجازتنا القصيره دي وبعدين نلعب ههههه

[رهف]

سلام بنات

طيب ماليه شركات والله نفسي اخذها لكن اسمع انها صعبه مره اخاف اتورط فيها بصعوبتها

ونظم ان شاء الله اني منزلتها باذن الله لكن هل هي سهله ؟؟ لاني سمعت انها حلوة الماده هذي

قروب بنات المنتدى خخخخخخ

[loletaaaaa]

شوفي ماليه شركات انا كمان سمعت انها صعبه بس انتي عارفه انها نازله مع سحر مهران وسحر مهران هيا التوب واحسن شي فالماده دي معروف والين متى حنحدف فيها تراها متطلب انا حدفتها كم ترم بس دحين مضطره اخدها
ونظم مدري عناه بس برضها متطلب والمشكله مو منزلين اسم الدكتوره خلاص يعني انتي موافقه على نظم وماليه ؟؟؟
ويسيير يبقاالتالته نشوف كلنا ايش ناوين

[loletaaaaa]

ولاتنسي انو صيف والصعب بيسهل لانو كلو على بعضو مع اختبارات وكلومايجيلو شهرين
فاكيد حيخففو علينا ويقولو الصيفي يراعو
وناس كتير قالولي خدي صيفي صعب لانو يسهلو ليك هو وناس قالو خدي سهل
انتي تقولي نظم سهله وماليه صعبه احنا اخدنا الحل الوسط
وانشالله الدكتورات كويسين ونرفع المعدل
ولاتنزلي حر ايوه خلاص بتتعادلك مواد العلوم
بس ازا حابه نصيحتي خدي مع متمرده اداره محليه احد وتلوت عنود كويسه وتنحسبلك ماده اختياريه وتتكوني اخدتي ال9 ساعات
متمرده شكلي حاخد معاكم مادتين والتالته اتورط لحالي فالتاريخ بعدين احكيكم لو اتورطت ولا لا
بس ادعوووووووولي انو تكون حلوه واقدرلها

[رهف]

سلام
خيتوووو ما اقدر على ماده صعبه

ابغا الكلام الاكيد انها صعبه ماليه ولا لاء

ونظم انا سمعت عنها

بس ترا تختلف من ناس ناس من ناحية سهولتها ولا صعوبتها

بعدين نفسي انا اخذ نقليزي 2 _ ونظم _ واي مادة اختياريه
لاني ما اعرف ولا شي عن المواد الاختياريه عن اي ماده


واداره محليه ماهي بخطتي انا ادارت اعمال موادر بشريه دورت ما لقيتها
بس اداره محليه عند اختي انتساب اخذتها تقول انها صعبه مره وكلها هرج هرج
بس ان شاء الله تكون متساهلين في الماده ذي

[loletaaaaa]

شوفي كل الناس قالولي انها صعبه بس وحده صحبتي ماشالله شاطره قالتلي تحفظي القوانين وتمشي فيها زي العسل بس اول باول خديها من بدري عشان مايرجعو يغيرو فالمناهج ويصعبوها اكتر وسحر طيبه والله كل الناس قالولي والشعبه 30 يعني مو زي طول الترم طبعا القرار ليكي .. بس دي نصيحتي.. بس هيا متطلب كيف ماتقدري يعني محا تاخديها للاخر
والاختياري طيب قوليلنا ايش نازلك فالخطه واقولك ايش في سهل لو سمعت بي اداره محليه كلها هرج ايوه بس تمشي لمن تقريها