طالبات القانون الي ياخذون تجاري واداري والجنائي بعد { نداء عاجل}

[روووني]

المشاركة الأصلية كتبت بواسطة ][..smaa..][ طيب بنآت في فكرة اليوم ف يالجنآئي قلناها لد. ماجدة وعجبتها بس قآلت إذآ وافقت د . نجاح نعملها وهيآ إنو نقدم أختبآر الجنآئي قبل اختبآرآت الفآينل كلها .. إيش رآيكم يعني الفاينل يبدأ السبت يكون اختبآر الجنآئي الأسبوع اللي قبلو اثنين أو ثلآثاء مثلآ .. احنآ نبآ نروح نكلم د. نجاح على كيدا شعبتنآ حقت سبت واثنين وربوع تقريبآ كل البنآت موافقين .. بنآت الشعبة التآنية .. إيش رآيكم .. ؟؟

الفكره مرره دخلت مزاجي يسير نزاكر من غير توتر الاختبارات ويسير نفتك من الجنائي ويسير حمل كبير وانزاح عننا يارب توافق دكتوره نجاح

[هداية الرحمن]

انا برضو مع الفكرة تبع التقديييييييييييييييييييييييييم
ياريت والله

[sosoana121]

وانا بعد معكم

طيوووبـــة الاختبارات تبدأ 29/6

و التقديم لو وافقوا عليه يسير في الأسبوع الي قبله

بنات اش رايكم بما ان الشعبة الي تجمعنا هي شعبة الالتزام

نحصر عدد البنات الي عندهم اختبارين يوم الثلوث 10/7<< نمرر ورقة بدون ماتحس المشرفة

و الله يقدرنا ونقنعهم بحل مرضي للجميع

[violllet]

بصوا يا جماعه .. تأكد خبر انو التجاري مصاب بالفوبيا و ما ينفع يسيبوه في يوم لحاله .. <<حراااااام !!!
و يضاف للسبب الآنف الذكر ان التجاري ماده عامه على قولتهم و ما ينفع يغيروا موعده .. !!

* البنات اللي عندهم تجاري و إداري يذاكروا من الحين لان الصبوحه كمان تقول مو بيدها تغير موعد امتحان الاداري وقالت انها رح تكون سلبية في هذا الخصوص ..
اما بالنسبة للبنات اللي عندهم تجاري و جنائي فيه بصيص أمل انو د.ماجده تقدم الامتحان لكلا الشعبتين بس قالت لنا جيبوا لي موافقة من وكيلة القسم و انا رح اقدم ..

* المطلوب مننا عمله بهذا الخصوص : نحصر عدد البنات اللي عندهم تعارض و التواقيع في محاضرة المصادر و نروح لوكيلة القسم د. نجاح و نحاول بكل إستماته و إصرار تعطي الموافقة لـ د.ماجده .

* نتيجة تقديم امتحان الجنائي - للمترددات - : بالنسبة للي عندهم جنائي و تجاري رح تنحل مشكلتهم تماما
و بالنسبة للي عندهم إداري و تجاري رح يصير عندهم يومين لمراجعة المادتين (الأحد - و الأثنين)

<< عذرا مضطره اكتب كثير عشان يتوضح الأمر تماما ..

[روووني]

^^^^^^
عادي لو احنا اللي ماعندنا نتعارض نوقع معاكم عشان نرتاح من هم الجنائي وتزيد التواقيع كمان؟؟؟؟؟

[violllet]

صقيقاتنا العزيزات في شعبة الجنائي بتاعة يوم الأثنين اللي منكم موافقه على تقديم موعد الأمتحان الجنائي ليوم الثلاثاء 25/6 وقعوا بكرة على الكشف اللي رح تديلكم هوه د.ماجده عشان التقديم ..
لانو د.نجاح بكرة رح تحاول تحصل لنا على الموافقه و ياااارب ياااااارب تحصل عليها فيه بصيص أمل ..
و على فكرة كل البنات في شعبة يوم الأحد موافقين بالأجماع على التقديم فبليز بليز لا تخيبوا أملنا و تعبنا و وقعوا يمكن في بنات ما تفرق معاهم سواء تقدم الأمتحان أو لا ما رح يضرهم شي بس توقيعهم رح يدعم صحباتهم و بكرة النهار لما هما يتورطوا في جدولهم زي ما صار معانا رح يلاقونا في صفهم ..



ورونا تواقيعكم الحلوه بكره ها يمكن نسوي مسابقة أجمل توقيع كمان << دعاية

[هداية الرحمن]

violllet
انا غيرت راي ماراح اوقع <<< حنفرررش
لا امزح حوقع بس بشرط تديني الجائزة تبع احلى توقيع بس تكون عليها القيمة
لا من جد ان شاء الله يااااااااااااااااااااااارب يقدموووه لانو الكمية تبعو مرة كبيرة يعني اذا بدانا بكرة يادوب نقدر نخلصو على الاختبار لانو الكمية يا ما شااااااء الله تفتح النفس

[][..sMaA..][]

المشكلة في بنآت .. مهم متضرريين فمآيهم ومآبدهم يتعآونوآ .. عمومآ رآح نوقع ان شآء الله وإن شآء الله في أمل ،،

[violllet]

المشاركة الأصلية كتبت بواسطة هداية الرحمن violllet انا غيرت راي ماراح اوقع <<< حنفرررش لا امزح حوقع بس بشرط تديني الجائزة تبع احلى توقيع بس تكون عليها القيمة لا من جد ان شاء الله يااااااااااااااااااااااارب يقدموووه لانو الكمية تبعو مرة كبيرة يعني اذا بدانا بكرة يادوب نقدر نخلصو على الاختبار لانو الكمية يا ما شااااااء الله تفتح النفس

شطوره يا هداية وقعتي
و الهدية كانت بركاتي لما مسكت قلمك بس انتي لا تحلي في الامتحانات الا في ذا القلم وكل شي رح يصير تمام معاكي ان شاء الله

[violllet]

يا حلوات امس رحت لمكتب د. نجاح و ما حصلتها و مشيت عشان كان عندي محاضرة تجاري
و اليوم كمان رحت و انتظرت عند مكتبها سااااعتين و ما جات و حتى السكرتيرة ما جات و كتبت لها ورقة عشان تبلغنا اش صار مع المأساة بتاعتنا .. د. نجاح كانت متعاونه معانا و وعدتنا تساعدنا و قالت لو ما قدرت اجيب الموافقة اعذروني لانو مو بيدي القرار ..
صرت يائسه انو يتغير شي لانهم يعرفوا يطلعوا لأنفسهم اعذار من سابع أرض

و رح ابلغكم اول ما ترد عليااا و ياريت تبلغوا كل البنات اللي تقدروا توصلوا لهم انو التقديم لسى مو أكيد بليزززز بليزززز