رأيكم في اسئله المحاسبه الحكوميه

[D. ADEL]

شكراً ما توفيك حقك اخي الجاهز مجرد ما عطيت الذيب الاسئلة ما قصر دزها بالمنتدى ،،، قل امين الله يغفر لك ولوالديك ومن تعب معك بوضع الاسئلة بالمنتدى الشااااااااااااااااااااااااامخ ...

[أصـيـل]

الحمد لله على كل حال اولاً . .

ثانيا الاسئلة كانت بسيطه وفيه ثلاثة او اربعة اسئلة فقط هي اللي كانت فيها لفه لكن يبغى لها شوية تركيز . .

المشكله ياشباب ماهو فيه الاسئلة بالعكس اشوفها سهلة . .

لكن المشكلة في الوقت مايسعفنا ابداً ايش ساعة ونصف على محاسبة حكوميه اشوف ثلاث ساعات ماتكفيها . .

المصيبه حليت اشياء خطاء وانا كنت عارف الصح بس من الاستعجال ومن اللي ازعجني وجالس جنبي :d

المهم الشكر اولا ياشباب لله سبحانه ماهو لنا ثم لاخونا ابيض قلب عسى ربي يوفقه هو والاخ عبدالعزيز والجاهز . .

وعلينا اننا نسى اللي فات بخيره وشره ونشد في الباقي ياشباب . . ,

[المشتـاق]

الله يجزاكم بالخير نفس اسئلة الترم الي راح
بالتوفيق للجميع

[faisal aljrees]

الحمدالله الاسئله كانت تقريبا بالنسبه لي سهله
ولكن اعتمادي وتوكلي على الله سبحانه وتعالى ان الدرجة تصير زينه
وفعلا اليوم تكلم المشرف عن الاسئله وعن بعض الاختيارات ونقاش عن برنامج من سيربح المليون
الله يصلحهم المراقبين احيانا كثر كلامهم يشتت الواحد والوقت اساسا موب بصالحنا
ولكن اشكر كل شخص ساعدنا في نشر الملخصات والتمارين والاسئله المحلولة لهذه المادة

وبالتوفيق يا اخواني

[منتسب فله]

المشاركة الأصلية كتبت بواسطة kfooo الاسئلة صعبه جدا الدكتور يقول فيه صح وفيه الأصح سوي زي شاعر المليون واحذف اجابتنين لايكون اختبار قدرات هذا اتوقع لو يختبروه الانتظام يجيبوا العيد الله يستر بس

اجل شاعر المليون

هههههههههههههههههههههههههههههههههههههههههه

من سيربح المليون

[ماجد اليامي2009]

مساء الورد عليكم جميعا ,,,

اول شئ الشكر لله سبحانه وتعالى اولا .... والشكر الجزيل للاخ العزيز ابيض قلب على الاسئلة الله ساعدتنا بتجاوز الاختبار بسهولة شكرا شكرا شكرا شكرا مرات ومرات وتحياتي لك

اخوك ماجد اليامي

[ابو زياد الهذلي]

شباب الاسئله ماكانت سهله ابد للاسباب التاليه
اولا لم يضع اسئله صح وخطا من اجابتين كما تعودنا سابقا ان يجيك صح وخطا
ثانيا : الاسئله كانت جلها مسائل وماجاء تعريفات او اسئله متعلقه بعلم المحاسبه اعني انها كلها داخل في المسائل
ثالثا: الوقت ماكان كافي وبصراحه سحبو مني الورقه وباقي كم سوال ماقريته حتى قمت حطيت اختيارات شختك بختك
رابعا الاخطاء والاجابات الملتويه والمتشابهه
كل هذه الاسباب مجتمعه جعلت الاصوات ترتفع في القاعه الي اختبرت فيها وزاد الطين بله المراقب المصري كل عشره دقايق يذكرنا بالوقت باقي كذا ونسحب الورقه الساعه كذا ومن هذا الكلام حتى شوش عقولنا
اعتقد ان الاخوه الي اثنو على الاختبار راح ينصدمو بنتائجهم لان الاجابات فيها لف ودوران واخطاء راح تنعكس على النتائج هذي وجهه نظري والنائج راح تاكد صحه كلامي ان شاء الله

[الجاهز]

لمن يحمل الماده لا قدر الله التواصل معنا
دمتم بود

[@ـجولة]

الحمد لله الاختبار كان متوسط وماهو بعيد عن النماذج اللي جاتنا عن طريق اخونا الجاهز و عبدالعزيز الله يوفقهم

عموما انا حليت القيود وماضيعت الا بالنظري

ياررب كلنا +a

[moory_18]

الحمدلله على كل حال :
الي قال أن الأسئلة سهله اسأل الله العلي القدير ان يوفقه ويحقق مراده ..

الأسئله ما يختلف عليها اثنين انها سهله المشكله الي صارت ان الاختيارات على كلام الدكتور في ثتين صح والي على الطالب انه يختار الأصح من بين الاختيارين الصحيحه ...
استوعبت الموضوع هذا ولا لا ....