ممنوع دخول الشاب فالمكان مخصص للعوائل ...!!!

[*MISS CUTE*]

خخخخ حلوة دي نمنع دخول الشباب ونقصر الشر من أوله على كدا بما إنهم كاتبين عوائل فقط , فالمفروض أي بنت تجي لوحدها بدون عائلتها ما تدخل هي كمان !! هدا الحل الوسط (: وإن جوو شاب وشابة يبغوا يدخلوا , يطلعوا كرت العائلة أو أي إثبات إنهم زوج وزوجة أو يجيبوا معاهم العيال وغير كدا ما يخشوا .. للإحتياط إن شاء الله لما أفتح مول بالمستقبل راح أطبق فيه هالقوانين العادلة المنصفة !

اممممممم بالفعل منطق ..!!!

[أحـمـد ظـافـر]

كـ شآب عآزب , العنوآن يجذبني للدخول للقرآءة الموضوع

ولكن ..

سبحآن الله يآخي نفكر في ليش ان الشآب ما يدخل المول ولا ليش ما يعقآبوهـ ولا ليش .... الخ


يعني ما رآح نتطور ولا رآح يستآنسوا الشبآب , ويفكوا ضيقتهم إلا إذا سمحوا لهم يدخلوا مولات ..

اللي يبغى يطور بلدهـ يفكر في حآجآت أكبر من كذا

بالنسبه لـفكرتك صآحبة الموضوع , مثلها مثل لو قلنآ : مو حرآم تكلم بنت وتقابلها بعدين لمن يوقع في الزنا نعاقبه ..

لا الاسلام قال حرآم تكلم بنت , حرآم تكلمي ولد . يعني من أولها

الاسوآق نفس الفكرهـ

بالنسبه لك يا سوما

انت قلتي

بس اتزكر انو احنا كدا بنستسلم فالوقت الي فالمفروض انو احنا Resist the power

ابغى تشرحي هذي

تسلتسلمي ليش , من ايش , انت في حرب مع من اصلا ..

اية سلطه اللي قاعدها تحرابينها بالضبط , لو سمحت اشرحي

بالنسبه للفلم بما انكم جبتوا طآريه هذا مقطع اعجبني اتمنى تشآهدوهـ

---

ملاحظة : كيف يتكلم عن العآدآت والتقآليد من هم ليسوآ أهلآأ لهـآأ في الأسـآأس ؟

اختلاف الرأي لا ....

شكرا ع الموضوع

[*MISS CUTE*]

الخطأ بعض البنات الله يهديهم تلقيها إيش متكشخه وماأدري وش محطيه في وجههها لك كأنهم يقولو هذولا ناويين يؤذو البنات عشان كذا طردوهم الأمن شي يحز في القلب مشكوره أختي على الطرح وهذا الموضوع نقاشه سيطول ولو تكلمنا عن إيجابياته وسلبياته لرأينا أن سلبياته أكثر من حيث تطاول بعض الشباب على بعض الأماكن وفعلهم للأشياء ليست في الدين للأنه لايوجد مكان يسليهم غير الكوفي والإستراحات اوه نسيت إن الإستراحات ممنوعه مننا كمان

لأن الشاب تعود في مجتمعنا أن البنت ممنوع الاقتراب سواء بشكل رسمي او غيره ...
ممنوع حتى يدخل المكان طالما هي موجودة مع عائلتها ...
فكانت نتيجة ذلك الموضوع سلبي على بعض الشباب ...
فقد يعتدي و....الخ والبعض ايجابي فينظر لها كما لو كانت أختا له ...
اشكرك على تعقيبك وتعليقك ...

[*MISS CUTE*]

"متهم حتى تثبت برائته" و"سد الذرائع" .. هدا هو القانون هنا

قانون من تأليف البشر ...
كالعادات والتقاليد ...
قد نخرج عنها وقد نعلق عليها ...
ونحاول ايجاد حلول لها ....

[soma al7elwa]

أبداً ما كان واقعي .. وانا أقلك ليش .. أعتقد انه عندك فكرة لا بأس بها أبداً عن نظرة الغرب للشرق الأوسط وخاااصة السعودية .. بيوت من طين .. ثكنات الجيش في كل مكان .. في موضع تلاقي جندي بكلاشنكوف شايله وهو متأهب تماماً لأي عملية تفجير .. إلى آخر هذه النظرة العامة إلينا .. الفيلم كان بيعمل emphasize أو تأكيد قوي جداً جداً لهالفكرة .. وكانت فكرته العامة هي نشر السبيات فقط لا غير .. تقولي طيب لابد من التركيز على السلبيات عشان نعرفها ونتخطاها .. أقلك كلام سليم .. لكن هنا تجي النقطة بااااااالغة الأهمية : ليش ننشر غسيلنا برة؟؟؟؟ ليش نطلع هالسلبيات والأفكار لقناة عالمية MTV ؟؟؟ ياريت بس غربية لا عالمية كمان .. احنا ناقصين صورة مشوهة عننا؟؟

طيب أول حاجة True life هي دي فكرته ...

انو يجيب 3 أو اربع شخصيات ويجيب ايش مشاكلهم فالمجتمع وايش بيعملوا عشان يقاوموها وزي كدا ...

وياما اتنشر غسييييييل على قولتك p=

عشان أكون صريحة معاك أنا احترم الشعب الي يطلع عيوبه بدون مايخاف اكتر من اللي يظهر حسناته بس ..

يعني مثلا أمريكا نفسها ..بس شوف برنامج اوبرا ودكتور فيل ..

بس كدا حيطلعلك كللللل الغسيل حقهم ..

قبل يومين قريت مقابلة مع مخرجتي الفيلم وكاناو يقولوا انو الفيلم له مردود ايجابي جدا فاميركا .. وانو يقولوا ماكانوا يتوقعوا السعودية زي كدا!!!

للأسف دورت عنها كتير بس مالقيتها

:(

استنى عليا اخلص اختباراتي واجيبها بازن الله

عزيز دا نفسي أشوفه في مكان عام .. من جد نفسي أقابله عشان أطبق اللي بأتعلمو في النادي خخخخخخ أكرهو يا عااااالم .. أحمد بصراحة هو الوحيد اللي عجبني في الفيلم .. والوحيد اللي كانت رسالتو صحيحة .. فاطمة ما كان لها داعي .. اللي تبغا عباية ملونة والله محد همها .. موجودة العبايات الملونة .. يعني بالله العباية الملونة هي أقصى همومك في الحياة يختي ؟؟ مرة انحلت كل مشاكلنا ومشاكلك خلاص؟؟ الفيلم أصلاً عن أناس مترفين ما عندهم شي في الحياة غير يغنو روك أو يقابلو حبيبتهم أو ينشرو العباية الملونة .. وبعدين كلنا عارفين انه العباية الملونة دي زينة وما تلبسها غير البنت اللي تبغا اللي بالي بالك ..

أول شي عزيز ..

كلامو عن Dating ماعجبني بصراحة .. أحسها قوية

يعني يخرج ويقابل وحدة من ورا أهلها حتى وان كان فمكان عام وحتى لو كان نيته الزواج دي صعبة .. ومافي أهل يرضوها لبنتهم ..

بس كمان كلامو انو يهمنا العيب قبل الحرام دا صح..

وانو لو رحت عند أهل وحدة وتبغى تخطبها لازم تلاقي عذر غير انك تحبها ..

يعني كان عندو كم نقطة قالها صحيحة ..

فاطمة :

انت مو فاهم ...

اللي يدو فالموية مو زي الي يدو فالنار ..

تعرف يعني ايش ماتقدر تلبس الا حاجة وحدة ... ولازم يكون لونها اسود كمان ؟؟

ازا انتو توب وشماغ ومخنوقين ... كيف احنا؟؟

العبايات اللي كانت جايبتها أحشم بمليون مرة من العبايات السودا الموجودة دحين

وكلها تعتمد عالموديل الواسع المحتشم ..

العباية الملونة عمرها ما كانت حرام .. طالما التزمت بالحشمة فما راح يغير لونها شي ..

بدليل اننا بنشوف الشاميات والتركيات والمصريات والمغربيات وحتى الباكستنيات والهنديات بيلبسوا حجاب ملون فالحرم أو فالسوق أو في اي مكان هنا وما يلفتوا النظر بالمرة ...

لكن لما تجي السعودية تلبسها هنا تصير ملفتة وغريبة...

طب ليش؟؟

لأنو اتعودنا على انو العباية تكون سودا ؟ ... حبة حبة راح نتعود عالملونة كمان

وعمرها ماراح تنمنع العباية السودا .. اللي حابة تلبسها ومقتنعة وراضية بيها بارك الله فيها ..

بس كمان راح يكون للي تبغى تغير لونها الحرية


أما بالنسبة لأحمد

فمنجد انا ابغى اختمها بمسك

الولد دا والله فقدت الأمل انو يكون موجود على وجه الارض ..

الله يسعده فين مايروح ويخليه لأهله يارب ..

مو كأنو حنتلطش ياراكان؟؟

p=

[soma al7elwa]

هل تقارن منع الشباب من حق من حقوقهم بعلاققة الفتاة لشاب بعلاقة غير شرعية؟؟؟؟؟

شتان مابين الاثنين

ونفس فكرة "متهم حتى تثبت برائته"
____________________________________

بالنسبة لسؤالك .. إزا كنت حابب تعتبرها حرب .. فنعم أنا فحرب .. أحارب كل من ظلمني وسلب مني حق من حقوقي بحجة أنه ادرى بمصلحتي ...
وعاد عد واغلط فدي لما تمل..

وإن كنت حابب ان تراها كرياح التغيير .. فهي كذلك ايضا

بالنسبة للمقطع ..

أول شي فكرة البرنامج كدا .. ولو كان الأخ متابع للبرنامج كان عرف انو هو بيجيب تلاتة أو اربع اشخاص بقصص مختلفة وافكار مختلفة بنفس المجتمع ويحكي عن حياتهم ..
وزي كدا فكل حلقة ..

تاني شي ...

COME ON

من متى والعباية الملونة اللي كانت بتلبسها فاطمة معروفة عندنا وموجودة من زمان؟؟؟

البوينت اللي كانت تتكلم عنو فاطمة انو كيف احنا مانقدر حتى نغير لون اللبس الي مفروض علينا اجتماعيا مع انو دينيا عمرو ماكان مفروض لون معين ..

وكلامو عن أحمد والروك جيد ...

لما جا يتكلم عن عزيز اسمحلي قفلت ماقدرت اكمل ... كفاية Ugly and stupid .. no one gonna date u!!!!

بعدها قفلت .. معليه دا مررررة مو أسلوب فالرد حتى لو كان يكرهه ومو عاجبه كلامه ..

تقبل مروري =)

[أحـمـد ظـافـر]

هل تقارن منع الشباب من حق من حقوقهم بعلاققة الفتاة لشاب بعلاقة غير شرعية؟؟؟؟؟ شتان مابين الاثنين

* الكلام موجه لصآحبة الموضوع , * افهم العبآرهـ قبل الرد
الاخت قآلت

فبدلا من منعه نضع عقاب في حالة عمل اي خطأ كان ...

وانا قلت

مثلها مثل لو قلنآ : مو حرآم تكلم بنت وتقابلها بعدين لمن يوقع في الزنا نعاقبه .. لا الاسلام قال حرآم تكلم بنت , حرآم تكلمي ولد . يعني من أولها الاسوآق نفس الفكرهـ

---

بالنسبة لسؤالك .. إزا كنت حابب تعتبرها حرب .. فنعم أنا فحرب .. أحارب كل من ظلمني وسلب مني حق من حقوقي بحجة أنه ادرى بمصلحتي ... وعاد عد واغلط فدي لما تمل..

ههه
ما هي عن اذا كنت حابب او لا , لكن هذا مااتضح لي من كلامك

رغم انك لم توضحي من هو الذي سلبك حقق المزعوم وظلمك يا فتآه , واللي يتبين لي هنا ولغيري انه الوطن

اي حقوق تلك التي لا تملكينها , اي حقوق التي لم تعطى لك ..!!

هل ماقآمت به أمريكآ للنسآئهآ يسمى حقوق !!

انت الوحيده واخواتك من بنآت المسلمين المصآنين العفيفآت في نـٍعم يحسدنكن عليهآ نسآء العآلم كله ..

اسمحيلي اقولك : مـ ع نفسكـ .

وإن كنت حابب ان تراها كرياح التغيير .. فهي كذلك ايضا

اذا كنت ريحآ فقد قآبلت إعصآرآ ..

---

اعتذر من صآحبة الموضوع .

[الراقي]

نص دافوره; ياالله تحي من جى (: من طول الغيبات جااب الغناايم مس كيوت والراقي مرره وحده

الله يحيك ...بالنسبه ليا الغنائم موجودة هنا ..اخوتكم ومحبت الجميع في الله ولله

يا حبكم لذي المواضيع الاختلاط الفصل العزل ههههههههه

ما احبها ...أنا بحب الفطرة السليمة

في رايي ايه مع منع الشباب من الدخول لانه افضل من دخولهم للمول (: لانه غالب الاشكال اللي اشوفها عند الابواب الحمدلله والشكر واضح اش هدفه ومجزاه من دخول السوق فالافضل ما يدخل مع عدم التعميم لانه صراحه في ناس محترمه بس الاغلبيه لا الشعر اللي ما يدري اش يبغى صار عش عصفور من كبر كدشه واللي البنطلون اللي باقي له تكه ويطيح والا .... اش اعد واش اخلي الله يهدي من ضل بس

رأيك أحترمه جداً وهو بكل الأحوال رأي قطاع لا بأس بهِ من الناس ..

ولكن

ما ذنبي أنا ؟
ايش دخل الشباب الهادئ والواعي و الرائع وهم الأغلب في هالأشكال ؟
اليسَ من الظلم أن يمنع عني التنفس لوجود كائن يشاطرني في ( الذكورة) يعكر المكان ؟
اليسَ من الأجدر أن يتم منع ذوي الأشكال والملابس والفاضحة من الدخول بدلاً من ممارسة القمع بشكل لا يرتقي للمعيار الأدنى للإنسانية ؟
مره أخرى شو ذنبي لما يكون لبس فلان منحط ....هو المسؤول ...لا أنا... هو يمنع..... لا أنا ..

الراقي تحزززززززززن بصراحه حاااسس نفسك مخنووق خنقه مو طبيعيه الله يفك خنقك يااشيخ يااارب عااجل غير ااجل ويسر لك وتهاااجر الى ارض الله الواسعه تريح وترتااح

لو في وجودي ازعاج لأي انسان ماراح انتظر الين ما اهاجر ولكن بخليه يرتاح من ازعاجي له.. في النهاية مستحيل اكون متضرر واسبب الضرر لإنسان آخر ..

يعطيك العافيه يا نص دافوره وعقبال ما اشوفك دافوره كااامله

[*MISS CUTE*]

من كل النواحي .. زي ما ذكرت وحدة من الأخوات اقعدي عند البوابة وشوفي أشكال اللي يحاولو يتسلتحو على السيكيورتي .. أشكال الواحد ينقرف منها ويقول دي لو دخلت الله يستر

بغض النظر على شكله ، لبسه ، شعره ...الخ ..
انا اتكلم من مبدأ المنع ...
وهذا المرفوض من وجهة نظري ...

[قاهر المتكبرين]

المشاركة الأصلية كتبت بواسطة soma al7elwa يعني مثلا أمريكا نفسها ..بس شوف برنامج اوبرا ودكتور فيل .. بس كدا حيطلعلك كللللل الغسيل حقهم .. P=

طيب من حقهم يطلعو غسيلهم لشعبهم .. أوبرا ودكتور فيل برمج موطنية مقدمة للشعب الأمريكي أولاً .. فطبيعي يعرضو مشاكلهم .. لكن مو يفضحو نفسهم زي دا الفيلم ..

المشاركة الأصلية كتبت بواسطة soma al7elwa قبل يومين قريت مقابلة مع مخرجتي الفيلم وكاناو يقولوا انو الفيلم له مردود ايجابي جدا فاميركا .. وانو يقولوا ماكانوا يتوقعوا السعودية زي كدا!!! للأسف دورت عنها كتير بس مالقيتها p=

معقول؟ يعني كانو يتوقعو السعودية أسوأ مثلاً؟؟ قوية بصراحة ..

المشاركة الأصلية كتبت بواسطة soma al7elwa ازا انتو توب وشماغ ومخنوقين ... كيف احنا؟؟ العبايات اللي كانت جايبتها أحشم بمليون مرة من العبايات السودا الموجودة دحين p=

قصدك أحشم من "بعض" العبايات السودة الموجودة دحين .. يعني الوحدة يا تلبس عباية سودة من إياها يا تلبس عباية ملونة محتشمة؟ البسي سودة محتشمة .. اش يفرق السودة عن الملونة؟؟ياريت كل البنات يجاوبو على دا السؤال .. الإجابة في النهاية مهما اتغير الكلام "لأنها أحلى" .. ومن متى كانت مطلوب من العباية تكون حلوة؟؟؟؟؟؟؟

المشاركة الأصلية كتبت بواسطة soma al7elwa وكلها تعتمد عالموديل الواسع المحتشم .. P=

طيب هي كدا حبة حبة .. وشوية شوية تصير طرحة مع بلوزة طويلة وبنطلون واسع .. وهكذا دواليك .. إن كانت هي نيتها سليمة وما تبا تطور الوضع بهالشكل .. فالشعب والبنات اللي عندنا نيتهم غير .. وحيستغلو العبايات دي كثغرة لما بعدها .. ويبفى السؤال: اش الفرق بين انك تلبسي عباية ملونة عن سودة لو انهم نفس الوسع والخامة إلخ إلخ ؟؟

المشاركة الأصلية كتبت بواسطة soma al7elwa مو كأنو حنتلطش ياراكان؟؟ p=

ههههههههههههههههههههه لا وي سلامتك من التلطيش :p أجل ماخد بطولة القتال المفتوح على إيش خخخخخخخخخخ