ابشركم سحبت على الجامعة

[الماستر هدفي]

يزيد نصيحه لاتتسرع انت مشيت ومابقى الا القليل والله تفتح عيونك تغمضهم تلاقيك انتهيت
وانت ولد يعني احسسسسسسسسسسسسسسسن منا بكثير اللي لازم نقدم معروض ع كل اللي بالبيت مين يروح ومين فاضي
يعني شغله خليها ع ربك
استمر ولاتنقطع وكلها كم اسبوع ايش رايك في ناس تتغرب وتتعب وكل لمصلحه نفسك
مابقى شي لاتهور لاتهور
وجامعه عزوز والله ماهي بذيك الصعوبه يعني من هنا ومن هنا يمشي الحال وتخصصك حلو
تعوذ من الشيطان وبالاخير انت اللي راح تنفع نفسك وتقرر واستخير مره ومرتين الين مايرتاح قلبك
ومن لجاء لربه مستحيل يخيبه ابدااااااااااااااااااااااااااا

[d7om_1]

عسى في أمرك خير يارب
لكن هل هناك خط رجعه لك ؟ (تقدر تعدل عن قرارك)؟
والله أنا مثلك من الشرقيه ومتسحبين بهالخطوط رايحن لجده وراجعين وغرابيل شقق (سكن) وأنواع الطفش وظروف عمل مخلينه ورانا ...... ألخ
وكنت ناوي أتخذ نفس القرار وأتجه لجامعة فيصل لكن أحد الزملاء كان العام معنا في جامعة عبدالعزيز وطلع من الجامعه بعد السنه التمهيديه و كان عنده مادتين حملها من أصل 12 ماده بالسنه الأولى
وراح وأنتسب بجامعة فيصل هالسنه وقبل ثلاثة أيام أتصلت أسلم عليه وسألته أخبار جامعة فيصل
قال طلعت منهم بسبب الأختبارات بالفصل الأول (ست مواد بالجدول نجح بمادة ورسب بخمسة مواد) وحسب ذكره أنها صعبه
أنا لا أصعبها عليك فمعدلك ممتاز ورغبتك بالدراسه أعلى من الممتاز فبأذن الله التوفيق خاصةً أن النفسيه بالدراسه بالقرب من الأهل لها دور كبير
أسال الله العلي القدير أن يكتب لك التوفيق بجامعة الملك فيصل أو بجامعة الملك عبدالعزيز في حالة عدولك عن القرار
وتقبل مروري

[*ورده*]

اذا باقي ما سحبت انصحك لا تنسحب فكر في المووضوع كثير خصوصا انه باقي لك نص المشوار

في العاده ماارد كثير بس لاني مريت بتجربتك وندمت خصوصا اني اشوفك ماشاء الله مجتهد دايما اقرا لك مواضيع

او اسئله

ع العموم بالتوفيق لك والله ييسر لك الخير وين ماتكون

[salem matare]

الله يكتب لك اللي فيه الخير ويوفقك يارب
تشرفت بمعرفتك

[Llll5Liiio]

حبيبي كان قراري قبلك

ومعدلي كان 4,21
وحاليا 3,88
والترم هذا مادري ايش يبغى

حذفت ترمين ورجعت هههههههههههههههههههههههه

بس ياخي

القرار الفصل انسااااااااااااااااااااه نصيحة مني وانا اكبر منك ياراؤل

والله

[ماجد الفاقد]

أفا ياذا العلم ... وش ذا الكلام

صراحة كل الاسباب الي قلتها نعرفها بس ساكتين وش نسوي .. الشكوى لله

بس اتوقع صاير لك موقف هو الي خلاك تترك الجامعة !!!!

طيب اذا رحت لجامعة الملك فيصل راح تلقى الي تبيه ؟؟؟؟ صراحة ماأظن بس واضح انك من الشرقية وتبي القرب

عالعموم الله يوفقك يالشمري واذا تبي نصيحتي خلك بالجامعة لان ماباقي لك غير سنتين !!!

[محمد مهدي]

أخوي راؤل
كأنك استعجلت شوي لو مخلص هالسمستر افضل حتى في معادلة المواد
عموما هذي النقطة هي اللي متعبتنا خصوصا اهل الشرقية

عدم وجود مراكز اختبارات للجامعه في مناطق المملكة أسوة بالجامعات الاخرى

جامعة فيصل أماكن الاختبارات في كل مكان حتى في المدارس الاهلية
بس هانت بقى سنتين
اتمنى تعود تفكر اخوي

[انتسابي]

المشاركة الأصلية كتبت بواسطة raul 7 إن شاء الله بقدم على جامعه الملك فيصل بالشرقية قسم ادارة اعمال هل احد فيكم عنده خلفيه عن موضوع معادلة الساعات مع العلم اني رحت للجامعه قبل ما اطلع واخذت من عندهم كشف درجات السنة ونص الي درستها واخذت افادة من عندهم اولا موضوع معادلة المواد بين الجامعات لطلاب الانتساب في جامعة الملك فيصل لم يفتح بعد لأن فيه بعض المشرفين على موضوع الانتساب رافصين موضوع المعادلة ثانياً .. حتى لو فتحوا المعادلة ماراح تكون الا 14 ساعه فقط هذا نظام الجامعه فتخيل مخلص 47 ساعه وبيعادلون لك 14 ساعه .. يعني 33 ساعه برا !!! وبعدين فيصل هالسنه تعتبر سنه تحضيريه لكل الطلاب لأن هذه اول سنه لهم يقبلوا طلاب انتساب يعني شي طبيعي تخلي مراكز الإمتحانات في كل مدينه وقريه بعد .. بس من الترم القادم ماراح يكون هالشي .. لأن الطلاب تقدموا في المواد واللي حامل ماده واللي خطته ومساره غير مسار خويه .. يعني من السنه الجايه راح يكون الامتحان في الأحساء ويمكن يخلوا مركز او مركزينن في كل اقليم ( الشرقي - الجنوبي - الشمالي - الغربي ) كذا يعني .. اقول يمكن 7. مدري وش اقول المهم انه ولله الحمد معدلي كان 4.01 وخلصت 47 ساعة ولاكن مافيها حيلة هالجامعه . ماشاء الله تبارك الله لا قوة الا بالله . اللهم صلي وسلم على سيدنا وحبيبنا محمد هذا ومعدلك ممتاز تتدلع ؟!! اجل وش نقول احنا الي نبي الشهادة بس بأي معدل ومثلك عانينا الأمرين .. مر الغربه والمصاريف . ومر الظلم في هذه الجامعه وبعدين وين الظلم فيه وانت معدلك ممتاز ؟ اللي مثلك ماشاء الله تبارك الله لاقوة الا بالله ماتوقع انه انظلم مثل غيره من الطلاب اللي في بعض المواد ضامن ممتاز ويلاقي روحه راسب !!! تعوذ من ابليس وارجع لفصلك وامسك مجنونك لا يجيك اللي اجن منه .. كلها اسبوعين في الترم ومتدلع !

شوف الردود فوق بالأحمر

[KALTAN]

ابن عمي يزيد

كلام سليم 100 % على الجامعة حالة عسى بس نخلص

لاكن بعض الدكاتره كما قال احد الزملاء لا والله تحطهم على الجرح يبراء

يطيحون كل اللي بتسبدك << خوش وصف صح

ـآخوي يزيد عسى ربي يوفقك واستخر ماتدري وين الخيره

وبالنسبة لجامعة الملك فيصل ماعندي اي خلفيه عنه ,,

بالتوفيق ,,


برايفت << ياحيي ماتعطيني المعدل قبل تمشي <<

[MOSAUD]

اخوي وجهة نظري مثل وجهة باقي زملائي
انصحك ارجع وكمل مابقي لك من مواد
وعندك الصيف فكر فيه واحسبها من ناحية العمر
اذا اخفقت في مادة ليس نهاية المشوار والعلم لابد من التعب والجهد والصبر
لاكن احتسب اجرها عند الله
قال رسول الله صلي الله عليه وسلم ( من سلك طريقا يلتمس فيه علما فهو في سبيل الله حتي يرجع )
واذا علي اسلوب الجامعه وطريقة تعاملها
نسال الله ان يهديهم وينظروا لنا من نظرت المافحين ويساعدون علي الرقي وتطوير انفسنا واولاً واخير
وعلي ماسمعت ان في صراع بين المسويات العليا في الجامعة من ناحية تخفيض الرسوم
ومنح حقوق لطالب الانتساب لاكنها تواجه بمعارضات بعض الي ينظرون لطالب الانتساب انه مصدر تمويل للجامعه وكلن له حجته
وماقول الي الله يوفقك ويوفق جميع الطلاب وييسر امورهم
وخذ قول الشاعر :[ لا تحسبن المجد تمرا أنت آكله .. لن تبلغ المجد حتى تلعق الصبرا