محبطة جدا جدا جدا آآآآآآآآآآآه بس

[بيو كيميائية ^_^]

مدامك مو ميتة على طب الأسنان

بايوكمستري تشتغلي في المستشفى

أحياء دقيقة برضوا في المستشفى

ويقولوا بيفتحوا وراثة السمستر الجاي لو حابة

إدارة مستشفيات

فيه كذا حاجة بس يبي لك تبحثي وراح تلاقي

[جود الجوري]

الللللللللللللللللللللله يكتبلك اللي فيه الخير يا لارين باين عليكي طيوبه وان شاء الله تنحل

[لآرين~]

اختي بيو كيميائيه : يعطيكي العافيه والله يوفقك

[لآرين~]

جود الجوري : الله يوفقك انتي كماان ياارب
وانتي كمان شكلك عسووله
تسلمي حيااتي

[د-فوفه]

سلاام تخيلو حامله الاحصاء وتوي شفت درجة الاحياء 67 ..الي هيا تعتبر سهله والله يستر عاد من الكيميا والانجلش طموحي اول شي كان طب اسنان خلاص ضااع بما اني حامله ماده ثاني شي على الاقل علوم طبيه وشكلو ضاع بما اني جايبه في الاحياء هادي الدرجه بقية التخصصات حاسب -ادارة واقتصاد ....الخ كلها انا ما احبها ..وما احب ادرس شي انا مو عاجبني غير الفشيله اني كيف حكلم اهلي بالله اش اسوي فكرت اعيد السنه وما اختبر احصا في الصيف واحيانا افكر اني خلاااص ابطل واقعد في البيت من الاحبااط لا إلــه الا الله محمد رسول الله من جد معانااه ادعووولي انو الله يعوضني ويكتبلي الي فيه الخير

لاسف مقدر اهديك ولا اقدر اقلك غير الله يعوضنا خير

ونفس الماده اللي حاملتها بس اش اقوول بس

الحمدلله ع كل حال قدر الله وماشاء فعل

اللهم اجيرنا في مصيبتنا واخلفنا خيرآ منها >>>اقصد مصيبه الاحصاء

بالتوفيق ياقلبي وبالنسبه لاهلك ماراح تتعبي معاهم بيتفهمونك ويتفهمو موقفك

[xanaza6]

ماهي فشيله ان الشخص يعترف بالواقع, هذا دليل النضج يا غاليه
كلمي اهلك, عشان ما تتخذي قرار وانتي متردده او متخوفه منه

عندك تكملين وتدورين الرغبه في التخصص اللي يجيك او ترجعين السنه الجايه وتدرسين وتشدين والواحد يتعلم من خطأه

بس ما انصحك بالسحب وتقعدين بالبيت, فكري بالمستقبل

بالتوفيق إن شاء الله

[sarona sweet]

السلام عليكم ورحمة الله وبركاته يا اختي الغالية

اول حاجة أبغى أقول لك حاجة بسيطة عني...الله يسلمك أنا في الثانوية ما كنت أنتازل عن الإمتياز وأعتبر من البنات الممتازات

وفي ثالث ثالث ثانوي أخذت 98 ومن العشر الأوائل...

و روحت للجامعة وقلت أكيد أنا ماراح أتنازل عن 90 درجة وعن المعدل 5

وكل إختبار مذاكرة وسهر وتوتر وشدة أعصاب وفوق هذا اكتر شيء أجيبه 21
طيب الواحد إيش يسوي اخذنا بالأسباب وتوكلنا على مسبب الأسباب وربي أراد لنا شيء معين والحمدلله على كل حال...

إنتي يا عسولة باين عليك بنوتة شطورة والشاطر لازم تحصل له لحظة سقوط في حياته
إنتي داحينت شوفي إيش هيا السلبيات و حوليها إلى إجابيات وتوكلي على ربك

حكاية إنك تسحبي مرررررررره لا...يعني لو سحبت وجلست في البيت سنة كاملة حتوقلي يا ليتني كملت أحسن لي خدي الإحصاء ترم صيفي وأخلصي منه وإن شاء الله حتكون نفسيتك احسن في الإجازة...

وإذا على طب أسنان ربي ماأردا لك هوا وإذا علوم طبية ماهم مشددين مررره في المعدل تبع الدخول للكلية إن الله ربي يسهل لك وتنقلبي...

غاليتي لك مني خاااااااااالص دعائي لك بالتوفيق والنجاح في الدنيا والأخرة
ولكل بنت تعبت وشدت حليها وحاولت وجاهدت عشان نفسها وعشان أمها وأبوها إن شاء الله ربي يوفق الجميع وكل وحده تدخل التخصص إللي تبغاه

أسعدكم ربي

[لآرين~]

تسلمووالله يوفقكم يارب ~
saroona sweet تسلمي ياحياتي والله يوفقك ياارب

[eshraq]

ربي يوفقك واحنا وياك

[sarona sweet]

الله يوفق الجميع لكل ما يحب ويرضى ^&^

أسعدك ربي يا لارين