من يجيب حقنــــــــا....من الدكتورة منال

[nadoy]

الله يكون بالعون
حتى صاحبتي معاها انتظام واعطتها f للمر التانية
من جد الاليزي ال اف شي طبيعييييي فيه :)

[dedo11]

alf mabroooooooooooooooooook lololololololllyyyyyyyyyyyyy

[حنين الود]

المشاركة الأصلية كتبت بواسطة ترانيم 2 أحنا الطالبات أكتشفنا أنه في شخص فاضي ... يطبع برنت للتجميع أسئلة الfainl لأستاذة أو دكتورة..... معينه..وتكون هذه الأسئلة هي....صلب المادة من فراغات وإختياري..وجميع التعاريف...وحتى essay...في كل chapter..... وبعدها تقوم\يقوم كالشخص المغوار....الذي قطع السمكه وذيلهااا...بتقديم أسئلة الدكتورة...بطريقة رسميه... إلى قسم اللغات.....وكانت...كذا مادة... (لكن أسال الله العظيم بجلال وجهه...يحاسبه ويشغله بنفسه...عن بنات المسلمين...) اكمل لكم الحكاية... ومن ثم تسحب الدكتورة التي لا ناقة له ولا جمل...وتسأل وتتحاسب ...ويقال من أين للطالبات هذه الأسئلة...

من قآل الكلآم دآ إيش الإحبآط دآ ؟؟ متأكده من الخبر تبع الأسئله وتجميعها وزي كدآ؟؟ يعني أحد قآلكم وإلا كيف..؟؟ معقوله في أحد بيوصلها إيش القهر دآ
الشي التآني كتيييير بنآت إنتظآم مآخدين f ولانعمم يآبنآت والله كتييييير ..والمآده بنعيد ونزيد المآده صعبه صعبه صعبه والفرآغآت مآتنفهم بسرعه يبغآلكم تشتغلوآ على حآلكم صحيح تكرر الأسئله وزي كدآ بس التكرآر هوآ الي سآعد البنآت على النجآح بعد ربنآ سبحآنه وتعآلى مو إنو الأسئله سهلة ..

الشي التآني إلي إستفدنآه من الموضوع دآ إنو د. منآل مآحتكرر الأسئلة مره تآنيه + حتصعب الأسئلة عقآبآ لكل الي بيتحسبوآ عليهآ..

ولو جينآ على الحق والظلم والكلآم الي معآه ربنآ يوم القيآمه على كلآمكم حيحآسبهآ عشآن الأسئلة صعبة طيب لو إحنآ مذآآآكرين مزبوووط وصآمين الكتآب صمممم وفآهمينه كيف مآحنحل ؟ مو مهم نتعب في المذآكره الأهم نذآكر بطريقه فآعلة ومفييييده ..
أنا مآبقول إنو مآذآكرتوآ بس المآده صعبة فوق الوصف ..ولآتنسوآ ممكن ربنآ يحآسبنآ على التحسب على النآس بدون وجه حق ..إحنآ مآنقدر نقول للدكتورة حرام وحتتحآسبي يوم القيآمه لأنك مصعبة الأسئله لأنو بكدآ ربنآ حيحآسبنآ في العلم الي بين يديننآ

الشي التآني فيه كتير بنآت مآخدين المآده للمره 3 وفيه خريجة مره متحطمة عشآن المآده الوحيدة الي بقيتلها هيآ الأبلايد والريسيرتش مع شآدن شي طبيعي تعيده بس كآن لأول مره ..

بعدين ليييييييييييه مآنحآول نحل الموضوع بطريقه فيهآ فآيده علينآ كلنآ يعني نشتكي بطريقه معينه أفضل من كدآ زي الشبآب لمآ إشتكوآ على أستآذهم ..نكتب شكوى بدون التعدي على الغير..ونضرهم بالدعآء ..حتى لو تضررنآ منهم ..ربنآ معآنآ صح؟؟
ليه مانكتب كل شي بمصداقيه أكبر ؟؟

يعني بالعقل وحده تجي تكتب الجآمعة كل ماترسب طآلبآت بيآخدوآ 3000 زياده اوكي فلنفرض الكلام دآ صحيح إنو الهدف من الترسيب زياده فلوس..
بس أنا كدكتورة مغتربة في بلد تآني وأدرس في الجامعه إيش مصلحتي حتزيد فلوسي والا حيزيد رآتبي لمَـآ أرسب الطآلبآت وحيجيني خطآب شكر إني زودت فلوس للجامعة ؟؟

يآبنآت نبغى نوصل لحل في المآده دي بطريقه أفضل من كدآ الله يسعدكم وقفوآ شعآرآت تحطيم في المنتدى ونبدآ نشوف حل ..

بالنسبة للطآلبآت الي بقيتلهم مآده وحده تقدروآ إنكم تدرسوهآ بدون رسوم ورآجعوآ القسم المختص بالشي دآ لأنو مو عآرفه من فين تقدروآ تآخدوآ الإعفآء للي مآده وحده بقيتلهم ..

[ترانيم 2]

والله ياعمري...الكلام هذا صحيح 100 في 100

وجاءنا عن طريق دكتورة بنت حلال في القسم....

وكمان قالت.... لا عاد تتكلموا في المنتدى عن اي شيء داخل الكلاس مع دكتوراتكم......الكل يتابعه....لو تبغوا مصلحتكم...

ونصحتنا بس الهبل كتييييييييييييير...

لدرجة فيه بنت هبله ...سلمت سهام فطاني تجميع كامل لأسئلتها وحلها في النهائي...وقالت يا استازه اقدر اعتمد عليها....

الملزمة ماشيه بين البنات ....وطبعا الإمتحان جاء غير بي المرة....الترم اللي فات...

بسبب البنت الغبيه...اللي ما قدرت توثق بزميلاتها...يعني اول شيء لازم نغير مكان تجميع الأسئلة...ولو يكون في المكاتب اضمن...بس ننوه عنه في المنتدى....لو باقي تحبوا...ننجح...


يعني الترم اللي راح عدد الناجحات في الأبلايد\ ما يتعدى 10...في دفعه كاملة...بي العقل...والترم ذا العدد مهول ...

هل الدفعه كاملة ما ذاكرت او إن الدكتورة منال عندها تحفظ على بنات الإنتساب....وكفاءتهم..و...أحقيتهم....بي القسم..

[U-Go-Girl]

سلااام يا اخوات
ابشركم اني اخدت f وانا انتظام..ترا الاستاذة غيرت اسئلتها 180 درجة ..ولا كأني ذاكرت شي وفحطت في الكتاب
ومعلمة انو لما ترسب البنات عشان يزيد 3000 في راتبها...حلو ياااا حلووو خطيرة المعلومة دي... ابغى افهم كيف الجامعة دي تمشي؟! بالمقلوب؟ طيب ليش مو a+؟؟ امرهم عجيب!!

انا الصراحة عاجبني كلام حنين الود واشكرك من جد يعني كتر خيرك جمعتيلنا الاسئلة واستفدنا منها... والله يهدي اللي قالت للاستاذة عن التجميع
بس ما عندنا الا الله نشتكي عنده...محنا زي الاولاد نشتكي وناخد حقنا ...حناخد على راسنا
وانا خلاص استسلمت يعني ايش حسوي غير اني اعيد المادة تاني T_T
امري لله...والله الابلايد مو شي هين...تفمي تفهمي وبعدين تنصدمي من اسئلة ولا شي من اللي فهمتي جا

[حنين الود]

المشاركة الأصلية كتبت بواسطة u-go-girl سلااام يا اخوات ابشركم اني اخدت f وانا انتظام..ترا الاستاذة غيرت اسئلتها 180 درجة ..ولا كأني ذاكرت شي وفحطت في الكتاب ومعلمة انو لما ترسب البنات عشان يزيد 3000 في راتبها...حلو ياااا حلووو خطيرة المعلومة دي... ابغى افهم كيف الجامعة دي تمشي؟! بالمقلوب؟ طيب ليش مو a+؟؟ امرهم عجيب!! انا الصراحة عاجبني كلام حنين الود واشكرك من جد يعني كتر خيرك جمعتيلنا الاسئلة واستفدنا منها... والله يهدي اللي قالت للاستاذة عن التجميع بس ما عندنا الا الله نشتكي عنده...محنا زي الاولاد نشتكي وناخد حقنا ...حناخد على راسنا وانا خلاص استسلمت يعني ايش حسوي غير اني اعيد المادة تاني t_t امري لله...والله الابلايد مو شي هين...تفمي تفهمي وبعدين تنصدمي من اسئلة ولا شي من اللي فهمتي جا

المشكله الأبلايد حفظ حفظ حفظ +فهم فهم فهم ..
أهم شي عرفتي طريقتهآ في الأسئلة +حآولي تجمعي الأسئلة الي جآتكم الترم دآ ..على اساس السيمستر الجي تقدري تركزي عليهآ ..لآنو لو مآجآبت منهآ ولآجآبت من القديمه إيش حتجيب ..فشدي حيلك وإن شاء الله تنجحي فيهآ بدرجآت كويسسسسه

[ترانيم 2]

يا حبايب قلبي نقعد نزيد ونعيد...النتيجه ...نفسها....مهما حفظنا....

لازم نشتــــــــــــــكي...ونروح لمدير الجامعه....حرام..ولا أحد سأل فينا.....أو حاسبهااا....أو سألها عن الأسباب.....
وإذ كلمنها....ترد...أنتو ما زاكرتوش....

عمرنا راح...ومعدلاتنا نزلت....والكل راسب عند د/منال ...طيب ليه....هــــــل....الدفعه كله....أغبياء....او العيب في الدكتورة......لازم نتحرك.....ونسوي شكوة ...

على قد الألوف اللي جالسين ندفعها عشان مواد د/منال.......والعجب ماسكة كذا مادة...وكل البنات راسبين...وفيه وحده من زميلاتي عندها في جدولها 4 مواد....

ونجحت في وحده ورسبت في 3 اللي أخذتها مع د/منال.....

والأهم....لازم بدري قبل ما تتسوى جداول الترم الجاي....ونروح لمديرة الإنتساب كمان...ونطلب تغيرهاااا...

ترى الشيء ذا من حقنا....لكن لازم نروح قبل ما تنزل أسماء الدكاترة اللي حيشتغلون على الدورات التأهيليه....

وهذا كلام أكبر مشرفة على الإنتساب....وراح تتغير....بأذن الله....

ونبغى همتكــــــــــــم يا بنات الإنتساب في جدة...ساعدونا ...والكل..... يد...وحده ما تصفق....

[شخصية مستهدفة]

أنا معاكم قلباً و قااااااااااالباً ~

ببداية السنه خلونا نتجمع و نروح الجامعه ,,,

تحياتي للجميع و إجازة سعييييييييييدة يارب

[ZIZOO]

حسبي الله عليها

[خريجة انجليزي]

أنا نفسي أفهم يعني وش فيها لوجابت أسئلة متنوعة وواضحة ومختلفة مابين سهل ومتوسط وصعب ...
والله البنات بيحلوا وبينجحوا وبيد عوا لها بالخير... بدل ما يتحسبوا عليها وترجع تشوف وجيههم كل ترم ...
والله ما ادري .. دنيا عجيبة مستحيل كل البنات ماذاكروا أو أغبياء ... يعني والله بالمنطق ...
الله يعطيك الف صحة وعافية يادكتورة خولة زهران ويدخلك الجنة بدون حساب ... آآآآآآآمين