وكانت أحلامي " أحلام طفله "

[أحلام طفله]

السـلام عليكم ~

اليوم رحت الجامعه فرحــــااانه ، وأخذت كل الأوراق المهمــه ، وكنت واثقه من قبولي لأن نسبتي أرتفعت لـِ 79,2

دخلت الجامعه وشافت الدكتورة نسبتي دخلتي وأنا أحسـه مثل الحلم من الفرحه

المهم من 6 الصبااح وأنا جالسه انتظر وعدد البنات كل شوي في زياده وكلهم نسبتهم عاليه يعني في الثمانين وأكثر وفي 79 ولكن بعد الفاصله عدد كبيـــر ، أنا دايماَ معايا قرأني في كل مكان والحمدلله

جلست أقرأ سورة البقره ، وفعلاً قرأتها وخلصتها الحمدلله بعدين جلست استغفرالله كثيـــــــــــر ، أستغل الوقت بشئ يفيدني ، المهم الساعه 10 ونص دخلت بطلع البطاقه الجامعيه وبختار التخصص وأنا ياناس شوي وأطيح من الفرحــه وأقول في قلبي " أخيـراً أنا طالبــه جامعيـــه "

والله وبالله وتالله في ثانيه واحده في لحظه واحد ، غمضت عيني وفتحتها إلا أكتشفت غلط في بياناتي

غلط لا يمكـن تعديله ، وقالت لي الدكتورة لو سمحتي مالك قبول ، تفضلي روحي ، أنا أحس الدنيا توقفت بعيوني أخذت أوراقي وطلعت بدون نقاش يذكر

تلثمت وجلست أبكي وأقول في نفسي (اللهم أجرني في مصيبتي هذه وأخلف لي خيراً منها )
لا حول ولا قوة إلا بالله ~

والمصيبـه الأكبر ( رصيدي مخلص ) ، وقفت عند باب الجامعه وأنا منهـــاااااره وأبكي

لقيت بنت واقفـه جنبي طلبت منها الجوال وعطتني ربي يسعدها كلمت أبوي وأنا يادوب أطلع الحرف مني

والله يابنات لدرجة إن رجال الأمن ( السكيوريتي ) يطالعون فيني وهم حزنانين لأني كنت أبكي بصوت عالي



رجعت البيت بكيت وبكيت وبكيت لين تعبت ودخت ونمت


لكن حمدت الله وشكرته وتعلق قلبي في ربي أكثـــــر وقلت " خيــره "

( الخيره فيما أختاره الله )



الحمدلله على كل حال ..

وكانت أحلامي ( أحـــــــــلام طفلــــــــــــــه )