مستجدين؟ لسه بالجامعة؟ متخرجين؟ كلكم ادخلوا (:

[almuhem]

والله انك فاضيه ما عندك شغل

[Confused]

زهره النرجس ..
لا تزعلي يا دبووو اكيد ربي له حكمه كونك ما دخلتي الطب ..
و حلوو انه مازال لك امل ..
انا الصراحة ما اعرف عن الموضوع كثير بس ليش ما تدخلي تغذية اذا كان في ؟؟
احس احلى من التمريض
بس طبعاً على حسب ميولك و اختيارك ..
الله يوفقك يا قلبوو للأحسن ..
و خليكي دايماً كده .. مليانة امل .. و إلى الامام

حلم ماضي ..
طيب حبيبتي ليش تروحي على الجامعات الاهلية ؟؟
اذا حلمك طب حاولي انك تدخلي جامعة اهليه ..
صحيح انه مصاريفها تكسر الظهر .. بس هم عندهم برامج حلوة ..
زي صندوق التنمية .. على ما اظن ..
و المنح و اشياء زي كده ..
بس كمان الحاسب مرررررررررررررررة حلو ..
انا محتارة بين الحاسب و بين الطب << بوجهي دا
بس المشكلة ما عندي اي معلومة عن الحاسب ..
مثلاً ايش التخصصات .. و ايش الفرق بين تقنية المعلومات و نظم المعلومات ؟؟
و بعد الدراسة وين ممكن اشتغل ؟؟ هل له مستقبل بالنسبة للبنات ؟؟
و اشياء زي كده ..
الله يوفقك يا قمر و ان شاء الله تجيكي الوظيفة و القبوول و كل الي تتمنيه

أكوَسـ شئ~ ..
و الله حلووو القانون .. بس الصراحة ما اظن له مستقبل هنا
انا ما اعرف عنه كثير فلا تتحطمي من الي قلته
بس الله يوفقك يا عسل ..

almuhem ..
انا فاضية ؟؟
ولا قصدك مين ؟؟
و اذا كنت انا فأقلك الموضوع علشان الكل يستفيد منه و ما اظن
الفايدة فضاوه .. و كمان انا فااااااضية بقوة .. اجازة و ما ورايا غير النووووم
و النت ..
AnyWay .. شكرا على مرورك

و يلااااا يا جماعة وينكم .. ايش المنتدى كله سنة تحضيرية و بس ؟؟
يلا يلا اتحركوا ..

Evil Girl ..
الصراحة ابغاكي انتي كمان تتفاعلي بالموضوع .. لانك البنت الوحيدة الي شايفتها طب بالمنتدى .. و ابغى اعرف رأي البنات بالطب ..
و سوري اذا في كثيييير بالطب لكن انا مني شايفه لهم مواضيع او مشاركات ..
او كالعادة عيوني اصغر من انها تشوفكم
لا تزعلوا مني ..

With Love
Confused

[خالد للكل]

بصراحة الموضوع اكثر من جيد ....
اا بخصوص رد اختي الشامخة انا اتفق بما ان تخصصي نفس تخصصها لكن الاختلاف اللي واضح ومتناقض مع كلامها انها تقول اعضاء التدريس مالهم اي دخل في درجات الطلاب اختي امكن انتم عندكم في قسم البنات ناس تخاف الله وهذا شي جيد اما عندنا احنا في ناس وفي قسم محاسبة ومعروفين الله يستر عليهم ناس ماتعطيك حقك والله لو تاكل الكتاب وتسجل كل محاضرة فيديو مايعطونك نصف حقك وركز على كلمة نصف ...........
نعود لتتحدث عن المحاسبة بانها قسم باختصار (لاتدخلها الا وانت تحبه) يعني فيه شباب يدخلون القسم هذا وتفكيرهم نحو الوظيفة وفي النهاية يتخرجوا معدل سيء ولايساعدهم في القبول ........
ارجوا اني ماطولت عليكم وتقبلوا مروري....ِ

[حلم ماضي]

الله يسلمك اختي
اي طب الحين ادخله والجامعات رسومها وايده
وصندوق التنمية مافي الحين قرووض هووونوا يا خساره بس فتحوه العام الماضي وقفل بعدها جاتهم مكرمه ملكيه الي اخذوا القروض ما يدفعون اذا خلصوا دراسه فتي بعد اختي ..
حاليا انتظر نتيجة التعليم عن بعد
والله كريم بالوظيفه وغيره

[Bright Future]

وعليكم السلام ورحمة الله وبركاته


أنا توني خلصت سنة أولى صيدلة ما أنفع ؟



عندي معلومات بسيطة إن شاء الله تفيدكم وبنفس الوقت أفش خلقي لأن كل ما أحد سألني عن النسبة يقول ما شاء الله طيب ليش ما دخلتي طب ؟ أحس اني بخنقه .. معظم الناس تفكر الصيدلة يعني تبيع في صيدلية وأنا بصراحة كنت منهم ..


أولاً احنا في جامعتنا العزيزة نظام الصيدلة هو Pharm D

يعني الخريج يحصل على شهادة دكتور صيدلي .. ويكون اسمه دكتور فلان ( للي يهمهم اللقب يعني )


مدة الدراسة 6 سنوات .. السنة السادسة امتياز يعني كلها تطبيق في المستشفى ..


طيب ايش الفرق عن الصيدلة اللي نعرفها ؟

الفرق انه خريج الصيدلة الإكلينيكية ( اللي هي الفارم دي ) يكون هو اللي يقرر العلاج ومدته وكميته ..

يعني الطبيب البشري يكشف عالمريض ويحدد انه عنده المرض الفلاني .. ويكون معاه في الفريق الطبي الدكتور الصيدلي ( يعني ما يوقف في صيدلية .. يدور عالمرضى مع الدكتور ) .. وهو اللي يقول انه المريض يحتاج الدواء الفلاني ويقرر الخطة العلاجية ..


دورنا كبير ومهم .. والتخصص هذا جديد .. السنة الماضية تخرجت أول دفعة على مستوى المملكة .. يعني في حاجة شديدة وإن شاء الله الوظائف متوفرة ..


ومن حيث الصعوبة أنا سمعت انه نفس صعوبة البشري إن لم يكن أصعب ..


لأننا ندرس تركيبة الدواء الكيميائية وبنفس الوقت نكون دارسين الجسم بتفاصيله مثل الطب البشري عشان نعرف أثر الدواء ..



إن شاء الله يكون شرحي واضح .. وسوري اني طولت بس ما صدقت لقيت فرصة



وشكرا على الموضوع المميز ..

كونفيوسد إن شاء الله ما عاد تصيري كونفيوسد وتلقي الشي اللي تبغيه :)

[Confused]

خالد للكل ..
يا الله .. الله يعينكم يا رب .. اسوأ شي لمن تدرس و تتعب و تجتهد
و يجي واحد بكل بساطة يمحي جهدك فقط لانه له سلطة ..
مع احترامي لكل الدكاترة ..
بس و الله شي يقهر .. انا الصراحة لو احد عمل فيني كده
خلاص تروح مني الهمة العالية و ابطل ادرس ..
مو لاني تأثرت بس لاني ما اقدر اكمل و انا عارفة انه ماله اي نفع بالنهاية ..
بس و الله يا المحاسبة حببتوني فيها .. بس عندي سؤال ..
الاخ هاجس11 قال انه المحاسبة ما فيها اي رياضيات غير الارقام ..
فكيف بالله تفهمونا ..
و تسلم ع المرووووور

حلم ماضي ..
و الله زعلتيني عليكي انتي و زهرة النرجس ..
الله يعينكم و يساعدكم يا قلبووو ..
و ان شاء الله تدخلوا الطب و الي تتمنوه ..
طييييييب انا عندي فكرة .. لمن يتقدملكم احد اشرطوا الدراسة على حسابه ؟؟؟؟؟؟؟؟؟

و الله امممممممزح .. لحد ياخدها موووضة
الله يوفقكم كلكم يا رب .

Bright Future ...
هلا و الله بالصيدلة .. لا و الله معلوماتك مررررة مهمة ..
تصدقي انا الين ثالث ثانوي و انا احسب الصيدلي الي يوقف بالصيدلية
<<<< بتنننننضرب
بس كانت وحدة من صحباتي تبغى صيدلة و انفجرت في وجهي لمن قلتلها صيدلية
و شرحتلي ايش الفرق بينهم و ايش اهمية الصيدلي .. بس ما شاء الله عليكي
قوووووية بدخولك الصيدلة .. بس رح تسمعي كثيييير يقولولك
صيدلية و ليش ما دخلتي طب و من الكلام دا ..
فأستحملي .. ما نبغى نشوف انفجارات البرايت فيوتشر .. على كده ما عاد سووو براااايت ..
بس من جد الي اعرفه الصيدلة اصعب بمية مرة من الطب ..
يعطيكي العاااافية يا قلبي و ردك مررررة حلووو و يبين حقيقة الصيدلة ..
و على فكرة انا مني كونفيوزد بس الاسم له قصة ..
و تسلمي ع المروووووور

ويلاااا يا اعضاء يا حلوييين .. اشربوا الحلييييب !!!!!
معليش جات غلط مع الجووووع
عرفونا على اقسامكم زي Bright Future الحلوة ..

See Ya
Confused

[حلم ماضي]

هههـ اختي صارت هي موضه لكن من ناحيه ثانيه
الحين سلمج الله يخطبون الدكتور او الي تدرس تمريض طب صيدله كذا يعني ..
عشان راتبها ..
ان شا ءالله اختي اذا قبلوني كتبت لكم عن القسم بس خلها النتيجه تطلع
وتخصص الصيدله مره حلو الله يوفقك اختي على الشرح استفدت كثير منه

[Confused]

ههههههههههههههههههههههههههه
ايوا و الله صح .. الله يسهل و بس ..
يلا حبيبتي الله يوفقك و يسهلك طريقك للتحبيه ..
و بنستناكي تبشرينا بأخبار حلووووة ان شاء الله ..

See Ya
Confused

[شــفــافـــة]

الصراحة موضوع مررره حلووو

بس محد اتكلم عن اللغه العربيه


انا صراحة دخلتها وانا عاشقة القسم هذا

مع اني كنت اتمنى ادخل اعلام لكن نسبتي ماحولتني انتظام

لسه الطريق قدامي طويل

بس اتمنى من الي درس لغة عربيه يكلمنا عن هذا القسم


دمتم بود

[Confused]

تسلمي يا قلبووو انتي الاحلى ..
و ان شاء الله ربي يسهلك مشوارك ..
بس محد مهتم بالموضوع .. مع انه كل المنتدى ما شاء الله تخصصات ..
بس خلاص انا زعلت ..