التست بانك وطريقة حفظه ..!

[miss you]

كيف يغيرون صيغة السوال ؟؟؟؟؟؟؟؟؟؟؟؟؟؟

[losfer]

سؤال
هل السلايدات شاملة للمنهج ؟؟؟
ولا ممكن القى سؤال في التست بانك وماله اصل في السلايدات

[First Officer]

شــكـلـك بـترسـبـيــنا,,,, هههه

[طارق الحارثي]

طيب اسمعني اخوي .. وركز في كلامي زين
الردود الي قبلي فيهم الخير والبركة
بس احس انها مو مجدية خصوصا ان الاختبارات قربت
ويجيك شخص ويقولك ترجم في المحاضرة

اسمعني انا ايش سويت في الترم الاول انا خطة ب
انا كنت اذاكر في الدوري الاول قبل الاختبار بيومين وجبت في الاختبار الاول ولله الحمد 27
ونفس الطريقة في الدوري الثاني وجبت 25
وفي النهائي ذاكرت قبلها ب5 ايام وجبت في مجموعي a

الطريقة هي .. علىى فكرة انا ماحضرررت ولا محاضرة احياء زملائي يحضروني
نرجع للطريقة
اجي عند السؤال الاول اقراه
فهمته؟؟ الحمد لله
اصير احفظه واركز على الاجابة وما اطالع في الاجابات الاخرى الي معاه عشان في الاختبار ماتلخبطني
يصير في الاختبار اشوف الاجابة الي ركزت عليها واختارها على طول
واذا كان السؤال طويل وماني فاهمه
ايش اسوي؟؟
احفظ كلمة او كلمتين مميزة في السؤال ومثلها في الجواب
واكثر من المراجعة عشان ماتلخبط واقرا السؤال اكثر من مرررة حتى لو منت فاهمه
وفي الاخير راح تدعيلي

[د. هدّولا]

أخ محمد بالتوفيق إن شاء الله
اما عن السلايدات .. فكنت أفهم وأذاكر كأني بذاكر من كتاب
وأرجع للتست بانك أشوف ايش الاسئلة اللي تتعلق بالجزئية اللي ذاكرتها وأحفظها


....
miss you
بالنسبة للأسئلة
هم غالبا في كل دوري يجيبو لنا سؤالين صيغتهم مختلفة
بس ترا مررة سهلة وتعرف بسرعة

مثلا في الدوري الاول
كان في سؤال في التست عن الph اذا كان 7 فهو متعادل
بس في الاختبار جابولنا اذا كان 12 ايش يكون فانت أكيد راح تحط قاعدة قوية

..
losfer
السلايدات تشرح بطريقة عامة في أشياء ممكن تحصلها وفي اشياء ممكن لا
بالنسبة لتست 1 سهل بالمرة أسهل شي وفي اشياء تلاقاها نصا من السلايدات
اما لتست 2 ما أعرف والله لأنه وقتها غيروه لنا وزحمة
وتست 3 فأغلب الأشياء تحصلها في السلايدات خصوصا الأسماء

...
خيوو فيرست ..
أنا قلت على كم طريقة .. وأتوقع كل شخص عنده مخ يقدر يعرف اذا دا ينفعه أو لأ
سبحان الله انت تشوفها طريقة ترسيب سريعة
بس غيرك يشوفها الطريقة اللي تنفع له في الحفظ ..
خصوصا وأننا كلنا ندور عالدرجات ...



بالتوفيق لكم ..

[طارق الحارثي]

المشاركة الأصلية كتبت بواسطة د. هدّولا ^ بالنسبة لبارت 3 .. أنا مامسكته الا بليلة الإختبار بدأت أذاكره من 9 الصبح الين 6 المغرب تقريبا خلصت تست 3 بالفهم وكدا وأنا أعتبره انجاز لأني ماكنت مذاكرته من أول انت إذا بدأت من الآن راح يكون عندك وقت كويس غير كدا .. لمن أنت تفهم وترسم وتشرح لنفسك الدرس تكون بكدا غطيت على 7 أو 8 أسئلة متعلقة بالدرس يعني في كل درس تمر عليه كانك تحفظ 7 أو 8 اسئلة ودي الطريقة مفيدة في حاجة .. أن حقون الأحياء دايما يحطو سؤال او اثنين يغيرو في صيغتهم فلو غيرو في صيغتهم تكون أنت فاهم وعارف ايش الطبخة فتجاوب صح ان شاء الله يعني مثلا أفتكر في سؤال في تست 3 جا ان الشهيق يتم فيه كذا كذا بس في الاختبار عكسوه لنا وكتبو الزفير .. فخلاص دام انت فاهم الهرجة راح تحل صح إن شاء الله أما عن تست 2 الطريقة ماتنفع اذا انت ناوي كلية صحية أو أحياء وكدا لأنها ماتفيد تخليك تحفظ بدون ماتدري ايش الموضوع من أصله بس اذا حاب الطريقة دي ممكن تجبلك الدرجة الكاملة لو قدرت تألف القصص صح بشرط أنك تخليها شي يضحك أو مميز بقولك مثااال بس بدوون ضحك أو تريقة ... زي في سؤالين شبه بعض أقولك كيف كان التاليف عليهم the taxonomic group highest in the hierarchy that is listed below is: Phylum دا السؤال زي كدا كان taxonomic = سواق تاكسي group = مجموعة highest = من الطبقة العالية hierarchy= شوكولاتة هيرشي << أكيد تعرفها والجواب phylum = فلم فكان ربطي .. مجموعة التكاسين ( سواقين التاكسي ) اللي يسوقو التكاسي الفخمة يحبو ياكلو شوكولاتة هيرشي وهم بيتفرجو على فلم the taxonomic group that is lowest in the following hierarchy is: Species ^ نفس السؤال بس أنه لوو species = سبيس تون فدا كانت قصته .. أن التكاسين الغلابة اللي سياراتهم مقربعة ياكلو هيرشي ويتفرجو على سبيس تون يعني مستواهم مو أفلام هههههه زي كدا كان ربطي اذا عجبك اشتغل على نفسك وألف قصص

ههههههههههههههههههههههههههههههههه
الله يسعدك
ذكرتيني بنفسي وانا اذاكر التست بنك
بنفس الطريقة سبحان الله
وجبت ولله الحمد a

ياناااااااااااااس لايخوفونكم ترى التست بنك سهل وممتع

[Takooo]

السلام عليكم ...

مساءكم فل وكادي ...

بصراحة فيه طرق كثير حلوة من كلامكم ...

لكن المشكلة ما صار فيه وقت ان الواحد يختار ويجرب ..!!

عموما بالتوفيق للجميع ...

وإن شاء الله الفل مارك للجميع يااا رب ,,,

دمتم في حفظ الرحمن ورعايته ,,,

[яỏич]

طيب بليييييييييز ..
سؤال لِ بنآت الشرفيه ::
التست بآنك الجديد دآ نآزل فِ مكتبتناإ؟ وبكم؟

بليييز ردولي عشان احسب حسابي ..

[رزان 18]

عندي سؤال نحفظ الي عندنا ولا ننتظر الي ينزلونه ماعد فيه وقت ؟؟؟؟؟؟؟؟؟؟؟

محتاره ...!

[N3M]

والله ماقصرتوا ..

طيب متى ينزل التست باانك .. ماعاد بدري !


بس عندي سؤال من وين اجيب السلايدات ابتفرج فيها واشوف اذا جازتلي والا لا ..!!


شكككككككرن